I Samuuele 12:3 - O Mikanda Ikola

³ Emʼiú: anuenu bhanenu umbangi bhu plo ia Jihova, ni bhu pholo ue ia muthu uê ua mu undu ni maji. Eme nanhi nga mu tambula ngombe iê? Nanhi nga mu tambula bûlu iê? Nanhi nga mu di mangonha? Nanhi nga mu zukutisa? O ku milonga nanhi nga mu tambula kitadi bhu maku mê, phala ku ngi xitisa na-kiu mu mesu? Ambenukiu, phala imʼii ngi mi fute-iu.

I Samuuele 12:3 ပူးပေါင်းရင်းမြစ်များ

II Samuuele 22:22

Mukonda nga lange jinjila ja Jihova, Nzambi iami ki nga mu baluka ni ima ia kubhukumuka.

Nehemiia 5:11

Nga mi diondo a vutuidienu kiá, lelu muene, o jixi jâ, ni mivide iâ, ni midivua ia, ni jinzo jâ; mu a vutuila ue ni milambongo ia kitadi kia kuvualesa ki mua tambula ku tiliku, ni kia vinho, ni kia maji, ki muala ku a bhinjika ku mi futa, mu ki vutula.

Jisálamu 15:5

ka bhana kitadi mu kutambula avasu, ka xikina kitadi kia kúdia mangonha. Uoso u bhanga ima iii, uemana kididi, ka mu lundumuna.

Makatukilu 20:17

Kana kukala ni luimbi lua inzo ia mukuenu, kana kukala ni luimbi lua muhatu a mukuenu, né mukalakadi uê ua diiala mba ua muhatu, né ngombe iê mba bulu iê, né kima kioso-kioso kiangene kia mukuenu.

Makatukilu 22:4

Se kimbamba kia nhana a mu kuata na-kiu, ki kié hanji ni muenhu uê, ki kale ngombe, mba bulu, mba mbudi, u i futa mu luiadi.

Makatukilu 23:8

Kana kutambula kitadi kia ku ku bhomba, kuma kitadi ki bheka ufuófo ku akua mesu; ki bheka kuila, o maka a ió uaiuka, ela mu kubhengalala.

Jisabhu 15:27

Muthu uoso u fundamena o nganhu ia kudia mangonha, u titidisa dibhata diê; maji uoso u iibhila o mahitula, muene u kola o muenhu.

Ijila 6:4

se kiene ki kia bhiti, kituxi ua ki te, uala ni kuêla; kikale u futa kioso kia nhana, mba kia tambula mu kusuina mba kimbamba kia mu bhakesa, mba kiangene kia bongo, o mukua kiê ua mu ijiia,

Ijila 6:5

mba kima kioso-kioso kia tela mulûko ua makutu; kikale u ki vutula muene kiene kioso kia tenena, nʼa te-ku dingi mbandu ia katanu ia kiki kia futu; o uoso mukua kiê muene a mu bhana-kiu, mu kizuua kiene kia di mono iú kuila uala ni kuêla.

Dialuilu 16:15

Kienhókio Mozé o njinda i mu kuata kiavulu, anga uambela Jihova, uixi; Kana kusuua ku ujitu uâ; eme né ngó bulu imoxi ki ngi i tambula kokuâ, mba nga bhange kiaiibha ku muthu mudiâ.

Matesu 22:21

Exi: Kia Sézalu. Muène anga u a ambela, uixi: Bhakuilenu-phe kua Sézalu, ima iangene ia Sézalu; kua Nzambi, o ima iangene ia Nzambi.

Luka 19:8

Bhenhobho Zakeu anga uimana bhu pholo ia Ngana, u mu ambela, uixi: Ngana, kaxaxe ka jimbongo jami, ngi ka bhana jingadiama. Se bhuala muthu nga mu-di mangonha, mu kubhana o lubhaku, ngi mu fute-kiu mu luuana.

Jipoxolo 20:33

Kana muthu nga mu kuatela luimbi lua phalata iê, mba ulu, mba izuatu.

II Kolindo 12:14

Talesenu-phe, lutatu kiabhu lu nga di iudika kuia kuenioko mu ku mi menekena; ki nganda ku mi bhinga-phe kima. Kuma ki nga bhindamena kitadi kienu, nga mi bhindamena-ku enu. Mukonda o ana ki ene a lûndila jitata, maji jitata jene ji lûndila o ana.

Matendelelu 16:19

Kana kudiodia dimanda; kana kubhanga katungu ka athu; kana kutambula kitadi kia diminhinu, mba kima kioso-kioso kia ku ku bhomba, kuma o kitadi kia diminhinu ki bheka ufofo ku akua mesu; kiselula uanji ua oso ejidile kutetulula mu kidi.

I Tesalonika 2:10

Enu mu jimbangi, Nzambi ue mbangi, kuma tu athu a ujitu, tu athu aiuka, tu athu ki tu moneka kikuma, mu kuenda kuetu mu ʼaxaxe kenu oso mua xikana.

I Tesalonika 2:5

Tundietu, kiluua tu kala ni maka ma kuhanza athu, enʼuenu mua kʼ ijiia, kiluua tu kala ni maditatu ma luimbi lua kutambujula itadi. Nzambi mbangi ia ima ienʼiii.

I Phetele 5:2

Kuila ingenu o kilunga kia Nzambi ku mualʼoko, ni ku ki tambula konda, kana ni usudi, maji ni vondadi ioso, kioso kia mesena Nzambi. Ki mu ki bhangela nganhu iaxidi, maji mu ki bhangela o muẋima ua mi tumu ku di bheka mu kusedivila.

I Samuuele 10:1

Bheneʼobho Samuuele anga u sunga thenda ia maji, u ma lunduluila ku mútue ua Saúlo, u mu bhana nzóbole, uixi: Nga ki bhangela mukonda Jihova ua ku undu mu kukala u muenexi mu undundu ué.

I Samuuele 12:4

Ene a mu vutuila, exi: Kana, eie kua tu di mangonha oso-oso, kua tu zukutisa, kua tambula ue kitadi bhu maku a muthu.

I Samuuele 12:5

Muene u a ambela, uixi: Jihova uala mbangi, ni muthu uê a mu undu ni maji ue uala mbangi, mu kizuua kia lelu, kuma enu ki mua ngi sange ni kima bhu maku mami, ki nga tambula ku muthu uoso-uoso. Ene exi: Nzambi Muene mbamgi, kidi muene.

I Samuuele 2:35

Nga kà zangeleka nganga iami iengi ia fiiele, uà kala muthu ua kukumbidila ioso ia ngi kala ku muẋima ni mu kilunji kiami; muene nga ka mu tungila dibhata diakolo, uà kala mu kuenda jinga bhu pholo ia muthu uami nga mʼundu ni maji sé dizubhilu.

I Samuuele 24:11

Luamukuá, Phaphai, talesa hanji mbandu ia divunga dié bhu lukuaku luami. O ki ua monuʼiki, nga batula ngó mbandu ku divunga dié, eme nga kambe ku ku jibha, ijiia na-kiu kuma, bhu lukuaku luami ki bhuala phulu ki bhuala kikuma. Eme-phe ki nga te kituxi kokué, sumbala eie uala ku ngi seia o muenhu uami phala ku ngi tambula-u.

I Samuuele 24:6

Anga u ambela makuenze mê, uixi: Ki kola! Ngana a ngi lange, phala eme ki ngi te kituxi kala kiki, kia kusunununa lukuaku luami kuthandu dia muthu a mʼundu ni maji kuala Jihova; ki ngi kala kisunji eme ku mu zengela lukuaku, kuma Jihova muene ua mu undu ku ungana.

I Samuuele 24:7

Kienhiki Davidi ua fudisa makuenze mê ni makʼama, ka ehela kulundumukina Saúlo phala ku mu bhanga kiaiibha. Saúlo anga u balumuka bhenhobho, u tunda mu dibanda, hé uia njila iê.

I Samuuele 26:11

Ngana ka ngehele; kuma ki kala kisunji se eme ngi mu zengela lukuaku, hé ngi sota kukuama muthu a mu undu kuala Jihova. Eie-phe katula ngó, nga ku diondo, o sosa iala bhu mutuelu uê, ni mudingi ua menha, tuende ni kuietu.

I Samuuele 26:9

Davidi anga u ambela Abisai, uixi: Kana ku mu jibha; kuma nanhi u tena: kuzengela muthu Jihova ua mu undu ku ungana nʼa kambe kuêla?