I Samuuele 12:21 - O Mikanda Ikola

²¹ Kana kuabhuka mu kukaiela mahamba, mukonda se mu ki bhanga muandu kaiela ima ia ngoho, ki i tena kubhandulula, ki i tena kukudila muthu, kuma ima ia kingoho.

I Samuuele 12:21 ပူးပေါင်းရင်းမြစ်များ

II Jisobha 17:15

Iá a tènde o jingonge ni kikutu kia Jihova, kia tele ni jitata jâ, kiene ue kimoxi ni maumbangi mê ma a bazela jinga na-u kuala Muene; iá a kaiela ngó ukumbu, a kituka kingoho; a kaiela ue miji ia matumbu ia kexile mu jimbandu jâ, ioio ia ambelele Jihova, kuila: Kana ku a fikisa ni kubhanga ima kala ene.

Izaía 41:29

Kuma ene oso a di-bhange kingoho; o ikalakalu iâ, ki kima; o iteka iâ ia kuzunza mulenge uahatu, uene kima kia ngó.

Izaía 45:20

Di-phophienu nda muize; ejilenu bhuamoxi enu oso mua bhulaka ku ifuẋi; kʼeji kima oso akua kuambata o iteka ia kuseta ia mixi, anga a samba ni kudionda ku nzambi ki i tena kubhulula muthu.

Izaía 46:7

A i ta bhu ixusi, hé a i ambata, na i tula bhu kibuta kiê; i kala bheneʼobho, ku sondoloka-bhu ia lémbua; o ki bhu kala muthu u i tela hasa, iene ki i tena kutambuijila, ki i tena kukudila muthu bhu jiphaxi jê.

Jelemiia 10:15

Ia di bhange kingoho, midimu ia mangonha; o bhu kithangana kia ku a zungila, hinu a jima o mbutu.

Jelemiia 10:8

Maji ene oso a di bhange ima ia ngoho, a kituka maioua: Manhi, muxi, ulongelu ua kingoho.

Jelemiia 14:22

Manhi ku ima ia kingoho ia jijila o matumbu, kuala ki tena kunokesa o mvula? inga maúlu ma tena ku di bhela mvula? Kʼeie muene ngó, u Jihova, Nzambi ietu? Kala kiki tua kinga kokué, mbata eie uene ku bhanga ima iosuʼiii.

Jelemiia 16:19

Jihova tata, u kimbaka kiami, u nguzu iami, u disuamu diami mu kizuua kia phaxi! Matumbu-ze a-nda kuiza kokué, tundé ku maẋokololo ma ixi, anga ela: Mbé jitata jetu a lunduile ngó makutu, ni kingoho ki kuala kubhanduluka kua kima.

Jelemiia 2:13

Mukonda mundu uami abhange ima iiadi iaiibha: edi eme a ngi-xi, ngi otho ia menha ma muenhu, ia a kande ixima, ixima iene ia budika, ia kuata o kubhubha ki ia tena kuxikika menha.

Jelemiia 2:5

Jihova uambe, kiki: Jitata jenu ja ngi muene ni mangonha ahi mu kufundisa, kia a bhekesa o ku ngi sondoloka kala kiokio, nʼa di te mu kaiela o lusebu katé kia kituka jisemenhi ja hatu?

Jona 2:8

Oso a kaiela ukumbu ua kubheza iteka, ió a lueza, kuma a sanduka bhuʼotho ia henda ié ia kidi.

Jona 2:9

Maji eme-phe ngi ku satela, ni kuimba ni mbimbi ia kusakidila; ngi futa ioso i nga di hambelela kua Jihova; o kubhuluka kuami ku tunda kua Jihova.

Habakuke 2:18

O kiteka-phe kiósonge kualʼo hete ia kusonga, kia sedivilaʼhi? O kiteka kia kuzunza ue, ki longa o makutu, kia sedivilaʼhi phala o ua ki bhange a dielele o kikakalalu kiê, na kuate kubhanga ima ki itena kuzuela?

Jipoxolo 14:15

Enu jingana! Mu bhangela-hi kiki? Etu uetu tuala tu athu ni akuenu, o jihânji jene jimoxi! Tua mi bhana-phe o Jingolokela Jambote kuila mu-xa imʼ iii ia makutu, mu lunge kua Nzambi ia muenhu, ua tena kubhanga o diulu ni oxi, ni musanza ua kalunga, ni ima ioso iala-mu.

I Kolindo 8:4

Uila kiki, ku mbandu ia kudia kua satela o iteka, tua kʼ ijiia kuma kiteka kima kia ngoho mu ngongo, kuma ki ala bhu kididi kia kima ki kiene-ku. Etu-phe tuejiia kuma kuala ngó Nzambi imoxi, kana-ku iengi.

Matendelelu 11:16

Dimukenu-phe, muxima uenu ki u mi diangule, ni muxie njila, anga mu di kuzula mu kubheza mahamba, ni ku a fukamena;

Matendelelu 30:17

Maji o ki uila-phe o muxima ué u ngi landuka Eme, anga eie u dituna kubhana mátui, katé kia ku sèndula phala kubheza jinzambi jengi, ni ku ji kalakela;

Matendelelu 32:21

A ngi ta ku difuba ni kima kia makutu, kala Nzambi ue; ima ia kingoho iene ia ngi lokalala-na-iu; Eme-phe ue nga-nda ku a ta ku dixinga ni athu kʼa kidi ngó; muiji ua juuala uene u nga-nda kua ẋokuesa-na-u.