I Samuuele 12:2 - O Mikanda Ikola

² Kiki-phe talenu, sobha iú ua-nda ku mi kala ku pholo; eme-phe nga kuka kiá, ni jimvi kiá mu mútue; anʼami muala-nâ muʼaxaxi kenu; eme-phe ngendela bhu pholo ienu tunde mu undenge uami katé mu kizuua kia lelu.

I Samuuele 12:2 ပူးပေါင်းရင်းမြစ်များ

Jisálamu 71:18

O ki nga kukʼiki, ngʼedi kiá bobòbo, ni jimvi mu mútue, kana dingi ku ngʼehelela, Ngana Nzambi; katé ki ngi longa o muiji iú ua lelu, kioso ki endesa o lukuaku lué, o oso ue a kèze-ku, nʼa kʼejiie ki kala o kutena kué.

Dialuilu 27:17

a a kale ku pholo mu kutunda ni mu kubokona, a a songuele mu njila, a a bhiẋidise kididi, mbebhu kilômbo kiangene kia Jihova ki ki kale kala jimbudi ja kambe mubidi.

II Timote 4:6

Kuma eme kithangana kia bhixila, nga kinga kiá ku ngi sata. Thembu iami ia kukatuka ia zukama, kumbi diami dieza-bhu dia kuxisa kiá o muenhu iú.

Josuué 23:1

Anga kibhita kuila, tunde Jihova kia nhohesa Izalaiele, ku jinguma jâ joso mu jimbandu, a kuata kiá muene ndumba dia izuua mu ixi, kienhókio Josuué uakuka, uasunga-ku kiá ku izuua iê,

Josuué 23:2

Josuué anga uixana Izalaiele ioso, ni ikulakaji iâ, ni ilôlo iâ, ni afundixi, ni jifixiiadi, anga ua ambela, uixi: Eme nga kuka, o izuua ii i ngi-bhua kiá.

II Phetele 1:14

Kuma nga kʼijiia kuila kindala kuanda ku ngi bhinga kuzula o mukutu iú ua kalunga, uila kia ngʼidikiza-kiu ni kulomboloka kuoso, kuala Ngana ietu, Jezú Kristu.

I Samuuele 2:22

Kiki-phe Eli ua kuka kiá kiavulu; anga u ivua ioso iala mu bhanga anʼê ku akua Izalaiele oso, ni kioso anʼê ki ala mu zeka ni ahatu ene mu bhongoloka bhu muelu ua balaka ia ditakanenu mu kubhanga kikalakalu.

I Samuuele 2:29

Muala kudiotela-hi bhoxi ni kutitidila jinga o jisata jami ni ilumbu iami, ia kijila ki nga bhana kubhangela mʼonzo iami, anga ki bhinga anʼé eie u beta ku a xila, eme ndenge, hé mu di netesa enʼuenu ni kutuama kutambula jixitu jambote ku jisata joso ja mundu uami ua Izalaiele.

I Samuuele 3:10

Jihova anga uiza, u imana, u ixana Samuuele kala kia bhangele kiá lutatu lua dianga, uixi: Samuuele, Samuuele. Samuuele bhenhobho uixi: Zuela, Ngana, mubhikʼé iú uivʼú.

I Samuuele 3:13

Mukonda nga mu tangela kiá kuila dibhata diê ngi di êlesa ku mivu sé dizubhilu, mukonda dia kutondala kuejiia muene, mbata anʼê a di bhange ifusa, muenephe ua tokoka o ku a bazela ni kua fudisa.

I Samuuele 3:16

Eli anga u ixana Samuuele, uixi: Samuuele, monʼami. Muene uixi: Emʼiú.

I Samuuele 8:1

Anga ki bhita kuila, ku izuua iavulu-phe, Samuuele kuila ua kuka kiá, u bhangesa anʼê kukala afundixi a Izalaiele.

I Samuuele 8:20

phala tu sokele ni akua jixi jamukuá, sobha ietu nʼa kale mu tu fundisa, a tu kale ue ku pholo, a tu bhângele mu ita.

I Samuuele 8:3

Anʼé-phe anga a fula kuendela mu njila jê, a bhambukila mu luimbi lua kuinda nganhu ia mangonha, a tambula kitadi kia a felesela jinga, milonga anga aia ni ku i bhengelekela muengi.

I Samuuele 8:5

anga a mu ambela, exi: Talesa, eie ua kuka kiá, o anʼê-phe kala kuendela mu njila jê. Tu ialesele sobha ietu, i kala mu tu fúndisa kala mu jixi jamukuá.