I Samuuele 12:19 - O Mikanda Ikola

¹⁹ Mundu uoso anga ambela Samuuele, exi: Tu sambele, tu abhikʼé, kua Jihova, Nzambi ié, phala tu kambe kúfua; mukonda ku ituxi ietu ioso tua bandekeza-ku dingi kiki, kia kubhinga sobha.

I Samuuele 12:19 ပူးပေါင်းရင်းမြစ်များ

Dimatekenu 20:7

Kiki-phe mukaji a ngene mu bheke kua muadi uê, kuma muene polofeta, a ku diondele phala u laie; o ki u kamba ku mu bheka, ijiia na-kiu kuma u fua muene sé kufula, ni eie muene ni dibhata dioso dia ku tokala.

Jobe 37:13

Muene u bheka ngó ima ioso iii phala kubazela, kia fuama mu ngongo, mba phala kuia ngó ni kubhanga jihenda jê.

Jobe 42:8

Kuatenu-phe, sambuadi dia tuana tua ngombe ni sambuadi dia ilumbe ia jimbudi, muie kua mubhikʼami Jobe, mua kà di bhele jisata. Mubhikʼami Jobe muene ua kà mi sambela; mukonda nga-nda kuẋikina kudionda kuê, phala eme ki ngi mi bhange kala kia fuama mu ulaji uenu. Mbata enu ku mu ngi zuela kioso kia iuka, kiókio kia fuama, kala o mubhikʼami Jobe.

Makatukilu 10:17

Maji-phe ngi lolokienu kituxi kiami, lumoxi ngó luenhulu, mu ngi diondele kua Jihova, Nzambi ienu, phala a ngi katule ngó kalunga kosoʼaka.

Makatukilu 32:30

Kúkia ni kimene Mozé u ambela o mundu, uixi: Enu mua te kituxi kia dikota; kindala kiki, ngi banda dingi kua Jihova, iʼmoxi ngi mu luulula ku thandu dia kituxi kienu ki mua te.

Makatukilu 9:28

Diondenu-phe kua Jihova, inuminu ioso iii ni matadi, kuabhu, ibhue-ku; phala ngi mi ehe mu ienu, ki ngi mi fudisa dingi.

Izaía 26:16

Maji, tata, kioso kia a kondo o ngongo, ejiie ku ku sota; kioso ue ki ua a bazela, ene-phe a mbolojoka ni kusamba mu kasuèkele.

Jelemiia 15:1

Jihova-phe ua ngambela, uixi: Né-mbe hanji Mozé ni Samuele emanene bhu pholo iami, o muenhu uami ki ueje ku di bunda ni mundu iú; a kaie, bhu pholo iami a tunde-bhu.

Jelemiia 27:18

Mbata se ene ala jipolofeta muene, se kizuelu kia Jihova kiʼala ni ene, a sambe-phe hanji kindala kua Jihova dia Ilombo Ieta, phala o itutu ia subhuka mʼonzo ia sobha ia Juda mu Jeluzaleme, ki íie dingi ku Babilonha.

Jelemiia 37:3

Sumbale kiene, maji sobha Zedekiia ua tumikisa Jukale, monʼa Selemiia, ni Sofoniia, monʼa Mahaseia, o nganga, kua polofeta Jelemiia, phala a muʼ ambele, kuila: A tu diondele kindala kua Jihova, Nzambi ietu.

Jelemiia 42:2

Anga ambela polofeta Jelemiia, exi: Kudionda kuetu ku sonokene kindala bhu pholo ié, u tu diondele kua Jihova, Nzambi ié, ku ene osuʼá subhuka, mbata ku nzungule i tua kexile, tua subhuka tua tolo kiá, kala ki ua mu di muena éʼmuène ni mesu mé.

Malakiia 1:9

Kiki-phe, nga mi diondo, bhingenu kiadi kia Nzambi, kuma muene u kuatela henda; Jihova dia Ifuẋi, uixi: Enu ima ienhiʼii iene i mua bhange ni maku menu, mbé Nzambi u xikina ku mi tambulula?

Dialuilu 21:7

Kifuẋi anga eza kua Mozé, exi: Tua te kituxi, mukonda tua longolola Jihova ni eie; tu sambele kua Jihova, a tu katule jinhoka ja túbhia. Mozé anga u sambela o kifuẋi.

Jipoxolo 8:24

Ximá bhenhobho u kumbulula Phetele ni Nzuá, uixi: Ngi sambedienu kua Ngana, nga mi diondo, phala o ima i mu tangeʼ oio ki iize ko kuami.

Tiiaku 5:15

O kusambʼuku, kua kuxikana, anga ku mu bhulula uoso ua-lu kata. O Ngana u mu balumuna, se ua tele ituxi, u mu loloka-iu.

I Nzuá 5:16

Se muthu u mona phangʼiê uala mu ta kituxi, maji ki kituxi kia kúfua, a mu bhingile, Nzambi nda a mu bhane muenhu muenhó uoso u ta kituxi, ki kituxi kia kúfua. Sai-ku kituxi kia kúfua; ki kiene-phe eme ki nga mi ambela kuila mu ki bhingila.

I Samuuele 12:13

Kiki-phe talenu sobha ienu mua mu solo iú, muene mua mu bhingi; o Jihova ue muene ua tumbika o sobha i kala mu ku mi tumina.

I Samuuele 12:17

Ngi dikola-phe kua Jihova phala a tumikise o inuminu ni mvula; phala mu kʼijiie nda mu mone kuma kubhukumuka kuenu kua vulu ku mua bhange mu mesu ma Jihova, mu ku mu bhinga sobha phala enu.

I Samuuele 12:20

Samuuele-phe u ambela o mundu, uixi: Ki mu kale ni uoma. Mua bhange kiá kiaiibha, kidi muene; kana-phe dingi kuabhuka mu kukaiela Jihova, bhikilenu kiá Jihova ni muẋima uenu uoso.

I Samuuele 12:23

Eme bhabha ue, ki ngi tena kukala ngi muthu uengi, ni ngi te kituxi kua Jihova mu kuzumbuka ku mi sambela. Eme ngenda jinga muene ni ku mi longa mu njila iauabha, ia kuiuka.

I Samuuele 7:5

Samuuele anga u zuela dingi, uixi: Bhongololenu Izalaiele ioso bhu Mixipa, phala eme ngi mi sambele kua Jihova.

I Samuuele 7:8

Anʼa Izalaiele anga ambela Samuuele, exi: Kana kuzumbuka ku tu kolela kua Jihova Nzambi ietu, phala a tu bhulule bhu maku ma akua Fidíxia.

I Samuuele 8:6

Hundu ienhiʼii-phe i iibhila Samuuele, ki edi, exi: Tu bhane sobha ietu i tu fundise. Samuuele anga u samba kua Jihova.