I Samuuele 12:17 - O Mikanda Ikola

¹⁷ Ngi dikola-phe kua Jihova phala a tumikise o inuminu ni mvula; phala mu kʼijiie nda mu mone kuma kubhukumuka kuenu kua vulu ku mua bhange mu mesu ma Jihova, mu ku mu bhinga sobha phala enu.

I Samuuele 12:17 ပူးပေါင်းရင်းမြစ်များ

Jisálamu 99:6

Jinganga jê sai, ni Mozé ni Alá, o jipolofeta ue sai, Samuuele: ela jinga a dikola kua Jihova, muene u a evua anga uitaia.

Makatukilu 32:30

Kúkia ni kimene Mozé u ambela o mundu, uixi: Enu mua te kituxi kia dikota; kindala kiki, ngi banda dingi kua Jihova, iʼmoxi ngi mu luulula ku thandu dia kituxi kienu ki mua te.

Jisabhu 26:1

Neve, ki ia fuama bhu thembu ia mbànze, mvula ki ia fuama bhu thembu ia kumuna; kiene ue kimoxi o kijingo ki kia fuama ku dilaji.

Jelemiia 15:1

Jihova-phe ua ngambela, uixi: Né-mbe hanji Mozé ni Samuele emanene bhu pholo iami, o muenhu uami ki ueje ku di bunda ni mundu iú; a kaie, bhu pholo iami a tunde-bhu.

Josuué 10:12

Bhenhobho Josuué u ambela Jihova, mu kizuua Jihova kia bhakula a-Mamodi bhu lukuaku lua anʼa lalaiele, u zuela bhu mesuʼa akua Izalaiele, kuila: Dikumbi, imana hanji mu Ngibiione, eie ue, u mbeji, imana mu Dikôlo dia Ajalone.

I Samuuele 12:13

Kiki-phe talenu sobha ienu mua mu solo iú, muene mua mu bhingi; o Jihova ue muene ua tumbika o sobha i kala mu ku mi tumina.

I Samuuele 12:19

Mundu uoso anga ambela Samuuele, exi: Tu sambele, tu abhikʼé, kua Jihova, Nzambi ié, phala tu kambe kúfua; mukonda ku ituxi ietu ioso tua bandekeza-ku dingi kiki, kia kubhinga sobha.

I Samuuele 2:10

Oso a bhânga ni Jihova a kà tolojoka; muene u a numinina tunde mu diulu. Jihova uà fúndisa maẋokololo a jixi. Sobha iê ua kà mu bhana o nguzu ni kutumina ua kà zangeleka o kutena kua muthu uê ua mu undu ni maji.

I Samuuele 7:5

Samuuele anga u zuela dingi, uixi: Bhongololenu Izalaiele ioso bhu Mixipa, phala eme ngi mi sambele kua Jihova.

I Samuuele 8:6

Hundu ienhiʼii-phe i iibhila Samuuele, ki edi, exi: Tu bhane sobha ietu i tu fundise. Samuuele anga u samba kua Jihova.

I Samuuele 8:7

Jihova anga u ambela Samuuele, uixi: A evue; dízui dia mundu ku di tènde, mu ioso ia ku ambela; kuma ki eie a ku ditunu, a ngi ditunu Eme, mbé ki ngi kale dingi ngi sobha iâ.