I Samuuele 12:15 - O Mikanda Ikola

¹⁵ Maji phe se mu kamba kuíva o dizui dia Jihova, anga mu xibhaka kijila kia Jihova, lukuaku-phe lua Jihova mu kala mù bhanga-na-lu, kala kia bhitile ni jitata jenu.

I Samuuele 12:15 ပူးပေါင်းရင်းမြစ်များ

II Malunda 15:2

Muenʼiú anga u tunda, uia mu kutakana ni Aza, u muʼambela, uixi: Enu Aza, ni Juda dioso ni Bejamí ngʼivienu! O Jihova uala ni enu, kiosuʼiki enu muala ni muene; se mu mu sota, mua-nda ku mu sanga; o ki muʼila mu mu xa, muene ue ua-nda ku mi xa.

Izaía 1:20

O ki mu dituna-phe, anga mu ẋinuka, muanda kudiua ku xibhata; kuma dikanu dia Jihova dia ki tange.

Izaía 3:11

Mukua phulu-phe, lamba diê, ua-nda kutala hadi; mbata a-nda ku mu vutuila kioso kia tokala mu ikalakala ia muku mê.

Kuditenda 1:18

Jihova ualunguʼê muene; mbata éme-ku, eme nga balukila o ngonge iê; enu-phe, ivenu, mu miji ioso, talenu o kikote kia ngʼiza! Ni ilumba iami ia mizeletete, ni minzangala iami ia mala, ene oso aii-nâ ku ubhika.

Matendelelu 31:27

Kuma eme o kubhukumuka kuenu nga ku ijiia, ni kuhinana o jixingu ku muene na-ku. Tala, sumbala eme hanji ni muenhu muʼaxaxi kenu, mua zoka, mua zoka kiá ni Jihova; kuambe dingi se ngafu-ami kiá!

Josuué 24:20

Mukonda o ki mua-nda kuila muene mua mu xi, mua di te mu bhikila nzambi jengi, ua-nda kulunguluka anga u mi bhanga usuéia, u mi jikinisa, ku thandu dia kuzubha kiá o ku mi bhanga mbote ioso kala iii.

Afundixi 2:15

Kuoso-kuoso ku a di tela a sanga lukuaku lua Jihova luala ku a bhanga kiaiibha, kaia Jihova muene kia a zuelelele ni kia a lokela, anga a kala mu tata kiavulu, kuma ku mbandu joso a a phopheka.

I Samuuele 12:9

Ene-phe anga a jimba Jihova, Nzambi iâ; muene anga u a sumbisa bhu maku ma Xixela kabhitangu ka kifuẋi kia Hazole, ni bhu maku ma akua Fidíxia, ni bhu maku ma sobha ia Mouabhe; hé a kala mu ku a lua ita.

I Samuuele 5:9

Anga a bheka álaka ia Nzambi ia Izalaiele kuenhoko. Kia zubha-phe ku i sondolola, lukuaku lua Jihova lu nemena ku thandu dia akua dibhata koko ni kibuika kia dikota ki kuata uoma; anga Jihova u beta akua bhata, ni jindenge ni makota, aia ni ku tunda mabhumbu ku mukutu mu ididi ia jisonhi.