I Samuuele 12:12 - O Mikanda Ikola

¹² Maji o ki mua mono-phe Nahaxi, sobha ia anʼa Amone, ueza ku mi lua, enu mueza ko-kuami, muixi: Kana, kikale tu kala kiá ni sobha iia ni ku tu tumina; sumbala Jihova muene sobha ienu.

I Samuuele 12:12 ပူးပေါင်းရင်းမြစ်များ

Dimatekenu 17:7

Kikutu kiami nga kà ki kolesa bhu kaẋi kʼami ni eie, ni mbutu ié ioso hinu i ku bhingana, ku tunda muiji kuiza muiji, kala kikutu kinangenena kia bhingi eme ngi kala ngi Nzambi ié, ngi Nzambi ia mbutu ié hádia i ku bhingana.

Jisálamu 74:12

Né kienhiki, Nzambi-phe muene Sobha iami tunde mu xahulu; muene uene mu bhanga jinga o uzonda ua ku tu bhângela mu ngongo ioso.

Izaía 33:22

Mbata Jihova muene Mufundixi uetu; Jihova muene Mubhani-a-ngonge ietu; Jihova muene Muenexʼetu, muene ua kà tu bhulula.

Jelemiia 40:11

Kiene kimoxi ue ni jijudé joso a kexile ku Mouabhe, ni mu kaxi ka anʼa Amone, ni ku Idomo, ni iá a kexile mu jixi joso jenhojo, kievu kuila sobha ia Babilonha ua xisa-ku o masubhu mua Juda, iú ua a tela-ku Jedaliia, monʼa Haikane, monʼa Safane, ku ungana ua kutumina,

Hozeia 13:10

Kindala-phe o sobha ié iú kuebhi, phala mu jimbonge jé joso nʼende ni ku ku langa? O afundixi é ala kuebhi, u ua bhingile, uixi: Ngibhienu sobha ni ilamba?

Dialuilu 23:21

Ka mono kubhukumuka kua Jakobo; ka mono ikuma kua Izalaiele; Jihova, Nzambi iê, ua tungu-nê, o muʼaxaxe ka uivua-mu nzôngo ia sobha ala ku mu kola.

Afundixi 8:23

Ngiddiione anga u ambela, uixi: Eme ki ngi mi tumina, ne bhuofele ue monʼami ka mi tumina; kikala u mi tumina Jihova.

Afundixi 9:18

Enu-phe kizúua kia lelu mua balukila dibhata dia tatʼetu, enu mua jibha anʼê, makuinhi sambuadi a muthu ku thandu dia ditadi dimoxi, enu mua kuata Abimeleke, monʼa mukamʼê mua mu hingisa ungana ua Xikeme, mukonda dia kukala phangʼienu;

I Samuuele 10:19

Enu-phe kizuua kia lelu mua ditunu Nzambi ienu uene ku mi kudila mu mavuua menu moso ni mu malamba menu; mua mu ambela, muixi: Kana, tu bhane sobha i tu tumina. Kiki-phe di tienu ku minono bhu pholo ia Jihova, mu di tungule kala kioso ki mua di kaiejela mu miji ienu ni mu jimidi jenu.

I Samuuele 8:3

Anʼé-phe anga a fula kuendela mu njila jê, a bhambukila mu luimbi lua kuinda nganhu ia mangonha, a tambula kitadi kia a felesela jinga, milonga anga aia ni ku i bhengelekela muengi.