I Samuuele 11:2 - O Mikanda Ikola

² Nahaxi mukua Amone anga ua vutuila, uixi: Eme o kubangana nʼenu, nga mi xindi kima kimoxi: Ngi mi totola diesu dia kadilu enu oso, phala ki mi kale dilebhu di nga te kua Izalaiele ioso.

I Samuuele 11:2 ပူးပေါင်းရင်းမြစ်များ

Dimatekenu 34:14

Anga a ambela, exi: Ki tu tena ku ki bhanga, o kubhana phagiʼetu ia muhatu ku diiala a kambe ku mu saia; kiókio ki kala kala tua sebuluka.

II Jisobha 18:31

Ezekiia-phe kana ku mu bhana mátui, kuma o sobha ia Asídia uambe kiki, uixi: Tenu maka nʼeme, muize kokuami ni mibhaku, nda muthu ni muthu a die ku muvide uê, ni ku mufiku uê, ni kúnua o menha a tunda bhu fixi iêmuène-muene.

Jisálamu 44:13

Tua bongo malebhu ku akua madiembu u tua zukama na-u; tua di bhange tu jisemenhi, tu ioua ia iá a tungu mu jimbandu jetu.

Makatukilu 3:6

U kumuna dingi, uixi: Eme ngi Nzambi ia tatʼenu, ngi Nzambi ia Mbalahamu, ngi Nzambi ia Izake, ngi Nzambi ia Jakobo. Mozé anga u di futa o pholo iê; kuma uala ni uoma ua kutala mesu kua Nzambi.

Jisabhu 12:10

Muiuki uinga o muenhu ua ibhaku iê; maji o muẋima ua athu abhumu-phe, uezala usuéia.

Jelemiia 39:7

Hé u tufula mesu a Zedekiia, u mu kuta ni malubhambu aiadi a ngondo, phala kuia-nê ku Babilonha.

Dialuilu 16:14

Mu ixi izunzumuka lete ni uemba, nêngó bhuòfele kua tu bheka-mu, mba u tu bhana kulundula mikáu ni mábhia a mivide, lémbue; manhi o athu iá eie ua-nda ku a ẋakula o mesu? Etu-phe, koko ki tua-nda kubanda-ku.

Afundixi 16:21

Akua Fidíxia anga a mu kuata, a mu tufula mesu, a mu bheka ku Ngaza, a mu kuika ni jingidinhá ja ngondo; u kala mu nhungisa matadi a kuzukila fuba mu kaleia.

I Samuuele 11:10

Akua Jabezi anga a zuela, exi: Mungu tu di bhakula kokuenu, mu tu bhange kioso kia mi kala ku muẋima.

I Samuuele 12:12

Maji o ki mua mono-phe Nahaxi, sobha ia anʼa Amone, ueza ku mi lua, enu mueza ko-kuami, muixi: Kana, kikale tu kala kiá ni sobha iia ni ku tu tumina; sumbala Jihova muene sobha ienu.

I Samuuele 17:26

Davidi anga u zuela ni mala a mu imanena, uixi: A mu bhanga kiebhi, uoso u jibha mukua Fidíxia iú, anga u katula o dilebhu dioso dia te muene kua Izalaiele? Kiiala kienhiki kia mukuadibôlo ku Fidíxia, mukua-hi muene, phala a tene kulebhula kiki o kilômbo kia Nzambi ia muenhu?