I Samuuele 11:15 - O Mikanda Ikola

¹⁵ Mundu uoso anga a katuka aia bhu Jidingale; Saúlo a mu hingisa ungana bhebhobho bhu pholo ia Jihova, bhu Jidingale; anga a bhana jisata, ni jisata ja kuluulula bhu pholo ia Jihova. Ni Saúlo ni akua Izalaiele oso anga a sanguluka kiavulu bhenhobho.

I Samuuele 11:15 ပူးပေါင်းရင်းမြစ်များ

II Samuuele 19:15

Akua Juda anga eza bhu Jidingale, kutakana ni muenexi, ni ku mu zaukisa Njolodá.

Makatukilu 24:5

Anga u tuma minzangala ku anʼa Izalaiele, kuia mu kubhakula jisata ja kuoha, a jibha jisata ja paze, ja jingombe ja satela Jihova.

Tiiaku 4:16

Maji enu-phe mu di thatha mu jinzabala jenu, mukonda dia kudizangeleka kuenu. O kudithatha kuosuʼoko-phe, kuaiibha!

I Samuuele 10:17

Samuuele anga u bhongolola mundu uoso kua Jihova, bhu Mixipa;

I Samuuele 10:24

Samuuele anga u ambela mundu uoso, uixi: Mu tadienu, mueneʼó a mu solo kuala Jihova. Mu mundu uoso ki muala muthu uedi kala muene. Mundu uoso anga a dikola, exi: Muenexi a kole muenhu!

I Samuuele 10:8

Ua kà ngi tuamenena mu kulumuka ku Jidingale; nga kà ku sanga kuenhoko, mu bhana jisata ja kuoha ni jisata ja kutululuka; eie ua kà kinga sambuadi dia izuua, katé ki ngi ku sanga, ngi ku tangele kioso ki u bhanga.

I Samuuele 12:1

Samuuele anga u ambela Izalaiele ioso, uixi: Talesenu, kala ki mua di muena-kiu, eme nga mʼivu dízui dienu mu ima ioso i mua ngʼambela, mu ku mi bhana sobha ienu phala ku mi tumina.

I Samuuele 12:17

Ngi dikola-phe kua Jihova phala a tumikise o inuminu ni mvula; phala mu kʼijiie nda mu mone kuma kubhukumuka kuenu kua vulu ku mua bhange mu mesu ma Jihova, mu ku mu bhinga sobha phala enu.

I Samuuele 8:19

Mundu-phe aditunu dízui dia Samuuele; exi: Kana; tu kala muene ni sobha i tu tumina,