I Samuuele 11:11 - O Mikanda Ikola

¹¹ Ki kúkia-phe Saúlo u uanununa mundu mu ibuka itatu, anga a bhixila bhu kilômbo mu makolombolo, anga a beta akua Amone katé kiatu o muanha; o a subhuka-bhu anga a muangana katé kana-bhu dingi kiiadi kia tena kuendela kumoxi.

I Samuuele 11:11 ပူးပေါင်းရင်းမြစ်များ

Dimatekenu 22:14

Mbalahamu kididi kieniʼokio anga u kʼixana, uixi: Jihova-jileh (mu ku ki lombolola edi: Jihova muene ua-nda kusota); kala kiene ku ki tanga katé mu kizuua kia lelu, exi: Ku mulundu ua Jihova muene u sota.

II Samuuele 18:2

Davidi anga u tubhula o mundu mu ifuẋi itatu; kifuxi kimoxi kiala mu lukuaku lua Jouabe, kifuxi kiamukuá, mu lukuaku lua Abisai monʼa Zeluia, phange ia Jouabe, kifuxi kiamukuá mu lukuaku lua hai mukua Ngate. Muenexi anga u ambela o mundu, uixi: Eme uami ngi tunda muene ni enu kumoxi.

Jisálamu 46:1

Nzambi dilengelu dietu, nguzu ietu, kota dia dikuatekesu dia zukama mu jiphaxi.

Makatukilu 14:24

Kutula-phe ku makolombolo, Jihova mu philadi ia túbhia ni dituta kia tale o kilômbo kia akua Ijitu, u kala mu ku a tatesa.

Matesu 7:2

Mbata, o kubatula kuoso ku mu batuila na-ku akuenu, enu uenu kiene Nzambi kia kà mi batuila; ni nzôngo ioso i mu zongela na-iu akuenu, enu uenu a ka mi zongela-iu dingi.

Tiiaku 2:13

Mukonda o Nzambi kia kà fundisa, ka kà lendukila athu ió a kambele kukala ni henda ia akuâ. Maji o kukuatela henda kua somboka o kufundisa.

Afundixi 1:7

Adoni-bezeke anga u zuela, uixi: Makuinhi sambuadi a sobha a kumbuka milembu ia ikota ia maku ni ia inama, a kexi mu nona jisesekenha mʼoxi a meza ami; kioso ki nga bhangele eme, Nzambi ua ngi futu-kiu. Anga a mu bheka mu Jeluzaleme, hé u fuila momo.

Afundixi 4:16

Balake-phe uia ni kukaia makalu, ni kukaia kilombo kioso kia kifuẋi kia Xixela katé bhu Halosete ia matumbu; kifuẋi kioso kia Xixela anga a ki leleka ku mazu a xibhata; ki bhuala diiala dia xala-bhu, né umoxi ngó.

Afundixi 7:16

Anga u uanununa o hâma jitatu ja mala mu ibuka itatu, anga u a kuatesa ene oso jibuzina ni masanga bhu maku; mu masanga-phe ki muala kima, u tesa-mu imakôngolo ia uama túbhia.

Afundixi 7:20

Ibuka itatu ioso anga a xika jimbungu, a bula masanga, a kuata makôngolo ma túbhia bhu lukuaku lua kiasu, o lukuaku lua kúdia lua kuata mbungu ia kuxika. Anga a kola exi: Ku xibhata ia Nzambi ni ia Ngidiione,

Afundixi 9:43

Muene anga u katula mundu uê, u a uana mu ibuka itatu, u a batemena mu mukáu; mu kutala anga u mona mundu ala kutunda mu sanzala, anga u balumuka, u di zangula-nâ, u a kuama.

I Samuuele 11:2

Nahaxi mukua Amone anga ua vutuila, uixi: Eme o kubangana nʼenu, nga mi xindi kima kimoxi: Ngi mi totola diesu dia kadilu enu oso, phala ki mi kale dilebhu di nga te kua Izalaiele ioso.

I Samuuele 14:47

Kienhiki Saúlo kia zubha kutambula ungana ua Izalaiele, u lua ni jinguma jê ku mbandu joso. U lua ni Mouabhe, u lua ni anʼa Amone, u lua ni Edomo, u lua ni jisobha ja Zoba, u lua ni akua Fidíxia; kuoso-phe kua lungu ni ita jinguma jê u ji kaia.