I Samuuele 10:6 - O Mikanda Ikola

⁶ Bheneʼobho-phe Nzumbi ia Jihova ua kà tula ni nguzu ku thandu dié, eie ua kà zuela ue ni uanji ua upolofeta, ua kà biluka kiá u muthu uengi.

I Samuuele 10:6 ပူးပေါင်းရင်းမြစ်များ

Dialuilu 11:17

Eme ngi tuluka, ngi ku zuelesa bhenhobho; ngi katula ku Nzumbi iala ku thandu dié, ngi ta ku thandu diâ-ene; ene ue ambate-ku ku kimbamba, ki ki kale kia ubheka ué.

Dialuilu 11:25

Jihova anga u tuluka mu dituta, u kala mu ku mu zuelesa, anga u katula ku Nzumbi iala ku thandu dia muene, u ta ku adiakimi, makuinhi sambuadi a muthu; anga ki bhita kuma kia tula Nzumbi ku thandu diâ, a kuata kuzambula ni uanji ua upolofeta, maji kithangana ngó bhenhobho, ka ki tona dingi.

Dialuilu 11:26

Bhu kilômbo-phe bhua xala kiiadi, iú dijina dié Eledade, iú dijina diê Medade; Nzumbi anga ia tula ku thandu; ene-phe a a soneka, maji a kambe kubhiẋila ni akuâ bhu balaka; anga a kala mu zuela ue ni uanji ua upolofeta, bhene bhu kilômbo bhuala.

Dialuilu 11:29

Mozé-phe, uixi: Uala ni dixinga mukonda diami eme? Eme nginda kifuẋi kioso kia Jihova a kale jipolofeta, Jihova nʼa te Nzumbi iê ku thandu diâ.

Matesu 7:22

Sai avulu a kà ngʼ ambelà mu kizuʼ okio kuila: Ngana, kífua etu ki tua tele maka mu dijina dié, o mu dijina dié, anga tu kaia madimonho, mu dijina dié anga tu bhanga madiuanu mavulu!

Afundixi 14:6

Nzumbi ia Jihova anga iza ni nguzu kua Sansau, u di takuila ku hoje anga u i kuata, u i sauna kala monʼa hombo a mu kuata; o bhu maku-phe muene ka kuata kima, uala ngó maku a hatu. O kia bhange-phe kiki, ka ki tangela ue tatʼâ mba mamʼâ.

Afundixi 15:14

O kia tuia-nê mu Leki, akua Fídixia a solomoka mu ku mu kauidila, hé a dikola ni kusanguluka kia zubha ku mu mona. Maji o Nzumbi ia Jihova anga iza ni nguzu kua Sansau, o mikolo ia mu kala mu maku i di bhanga kala jingoji ja linhu ja jokota mu túbhia, iene ioso ia mu zuluka mu maku.

Afundixi 3:10

Nzumbi ia Jihova anga iiza ku thandu diê, u kala mu fundisa Izalaiele; anga u tunda mu kúlua ita, Jihova anga u bhakula Kuxane-Lesataime, sobha ia Sídia, bhu lukuaku luê; lukuaku luê anga lu lenda o kutolola Kuxane-Lesataime.

I Samuuele 10:10

O kia bhixila bhu kalundu, kibuka kia jipolofeta kiki, anga u takana na-kiu; Nzumbi ia Nzambi anga uiza ni nguzu ku thandu diê, muene hé u kala mu zuela ni uanji ua upolofeta muʼaxaxi kâ.

I Samuuele 10:9

Anga ki bhita kuila, muene kia lunguluka dikunda mu kutunda bhuala Samuuele, Nzambi ua mu bhana muẋima uengi. O ijimbuete ioso iii anga i bhita muene kizuua kienʼokio.

I Samuuele 11:6

Nzumbi ia Nzambi anga u tula ni nguzu ku thandu dia Saúlo kievu makʼama, njinda iê anga i mu kuata kiavulu.

I Samuuele 16:13

Samuuele bhenhobho u sunga lumbinga lua maji, u mu unda muʼaxaxi ka jiphange jê. Nzumbi ia Jihova anga u tula ni nguzu ku thandu dia Davidi tunde kizuua kienʼokio. Kienhiki Samuuele u balumuka, hé u vutuka ku Lama.

I Samuuele 19:20

Kia zubha-phe kusanga o kilunga kia jipolofete ala mu ximana ni kutanga uanji ua upolofeta, ni Samuuele uemana kuma muene mesene iâ, Nzumbi ia Nzambi hé uiza ku thandu dia jiphunga ja Saúlo, ene uâ anga a kala mu ximana ni kutanga uanji ua upolofeta.