I Samuuele 10:5 - O Mikanda Ikola

⁵ Kutunda bhobho ua kà bhita kalundu ka Nzambi, bhuala o kibangu kia akua Fidíxia; kia kà bhita-phe kuila, mu kutula bhu bhata bhobho, ua ka takana ni kibuka kia jipolofeta, ala mu tunda ku thala ni kuxika kakoxi, ni ngoma, ni mbéndu, ni mbanza, a kà kala mu zuela ni uanji ua upolofeta.

I Samuuele 10:5 ပူးပေါင်းရင်းမြစ်များ

I Jisobha 18:29

Anga ki bhita-phe kuma, kia bhiti kaxaxi ka kizuua, kumbi ku mediia dia sembuluka-ku kiá, ene a kuata kuzambula katé mu ola ia kubhana mubhaku ua musa ku ngoloxi, hanji-phe ki kuene dízui, ki kuene kuitaia mba ngó ku a suua.

II Jisobha 2:15

O anʼa jipolofeta-phe a kexile ku sámbua diodio, mu Jedikó, kioso kia ki mono, zuela, exi: O nzumbi ia Elija ia tula kua Ilizeu. Anga eza ku mu kauidila, a di bhala bhoxi mu ku mu diundila.

II Jisobha 2:3

Bheneʼobho o anʼa jipolofeta a kexile bhu Betele, aia mu ku kauidila Ilizeu, há a muʼambela exi: Eie ua kʼijiia kuila, o ngana ié, lelu, Jihova ua-nda ku mu tambuila bhu thalʼa mutue ué-eie? Muene uixi: Eme ue nga kʼijiia muene kiambote. Dixibhienu ngó.

II Jisobha 2:5

Bheneʼobho o anʼa jipolofeta a kexile mu Jedikó, a bhixila kua Ilizeu, exi: Eie ua kʼijiia kuila, o ngana ié, lelu Jihova ua-nda ku mu tambuila bhu thalʼa mútue ué-eie? O muene-phe, uixi: Eme ue nga kʼijiia muene kiambote. Dixibhienu ngó.

II Jisobha 2:7

Ku anʼa jipolofeta anga ku tunda makuinhi a tanu a muthu eza emana mu kanga, o ene, kiiadi kiâ, emana ku mbanduʼa ngiji ia Njolodá.

II Jisobha 3:15

Uila kiki, ngi bhekedienu Kixikilu. Anga ki bhita-phe kuila, o muene kioso kia xiki ku kixikilu, lukuaku lua Jihova lueza muene ku thandu diê.

II Jisobha 4:38

Kioso Ilizeu kia vutuka ueza ku Jidingale. O mu ixi ieneʼoio mua kexile nzala; kioso anʼa jipolofeta kia xikama bhu pholo iê, muene uambela mubhikʼê, uixi: O ímbia ia dikota, ta na-iu bhu jiku u bhange muzonge ua izàza phala anʼa jipolofeta.

II Jisobha 6:1

Anʼa jipolofeta anga ambela Ilizeu, exi: Tala, o kididi mu tua tungu bhu pholo ié, kia tu tolela, kuma kia bhoto.

I Malunda 11:16

Davidi-phe uakexile bhu kididi kia kondama, kia nguzu, mu dibanda; maji o masoladi a kilangidilu kia akua Fidíxia kia kexile mu Beleme.

I Malunda 13:8

Davidi-phe, ni Izalaiele ioso, anga akala mu sanguluka enhoso kumoxi bhu pholo ia Ngana Nzambi, ni nguzu iâ ioso, ala mu kuimba, ni tukoxi, ni isàka, ni isanji, ni tungoma ni tumingeia, ni jikoloneta.

I Malunda 16:42

Kala kiki, ene-phe a kexile kiá kumoxi ni Jedutunu, ia akexile mu xika o jikoloneta ni tungoma, phala kuia ni kuivisa o ingolongondo ioso ia kuxika o jimujika ja mimbu ia kuimbila jinga Nzambi; maji o ana a Jedutunu-phe akexile mu langidila jinga bhu muelu ua dibhitu.

I Malunda 16:5

Azafu muene uakexile o mutumini a mu te ku pholo ia enhoso, o kua iú kua kaiela Zakadiia muene kaiadi, o kua muene kueza Jeiele, ni Semilamote, ni Jeiele, ni Matitiia, ni Eliiabe, ni Benaia, ni Obede-Edomo; O Jeiele muene a mu bhele kuxikisa o tukoxi ni jimbànza, o Azafu-phe muene ua kexile mu kuivisa o jingoma.

Jisálamu 49:4

Ngʼividila kiambote ku tunda o kifika; o Sabhu iami ngenda ni ku i xikila ku mbànza.

Jisálamu 92:3

Ku i xikila muene ku mujika ua kuinhi dia ngoji, ni ku kakoxi; ni dízui dia manuma ku mbànza.

I Kolindo 14:1

Kaielenu o henda. Sotenu ue ni muanu o mauhete ma nzumbi, kota-kota-phe ua kukola o Njimbu ia Nzambi.

I Samuuele 10:10

O kia bhixila bhu kalundu, kibuka kia jipolofeta kiki, anga u takana na-kiu; Nzumbi ia Nzambi anga uiza ni nguzu ku thandu diê, muene hé u kala mu zuela ni uanji ua upolofeta muʼaxaxi kâ.

I Samuuele 10:4

A kà ku menekena, hé a kà ku bhana makende maiadi ma jimbolo; eie-phe ua kà ji tambula bhu maku mâ.

I Samuuele 13:2

Saúlo u nona midi jitatu ja mala mu Izalaiele, o ku midi jitatuʼiji, midi jiiadi ji kala ni Saúlo bhu Mikimaxi ni mu mulundu ua Betele, midi imoxi i kala ni Jonata bhu Ngibeia ia Bejamí; Mundu ua subhukaku ua mukuá hé u a muanganesa kala muthu ku balaka iê.

I Samuuele 13:3

Jonata anga u beta kú mazu a xibhata o poxto ia akua Fidíxia bhu Jibeia; akua Fidíxia anga a kʼivua. Saúlo anga u xikisa koloneta mʼoxi ioso ia Izalaiele, uixi: Jihebeleu joso ni jʼivue.

I Samuuele 19:20

Kia zubha-phe kusanga o kilunga kia jipolofete ala mu ximana ni kutanga uanji ua upolofeta, ni Samuuele uemana kuma muene mesene iâ, Nzumbi ia Nzambi hé uiza ku thandu dia jiphunga ja Saúlo, ene uâ anga a kala mu ximana ni kutanga uanji ua upolofeta.

I Samuuele 9:12

Anʼa ilumba a kumbulula, exi: Iú koko; uala ku pholo ienu kuenhoko; endelenu-ku, kuma lelu muene ua bhixila bhu bhata bhabha, mukonda akua bhata ala ni sata lelu ku thala kuná.