I Samuuele 10:3 - O Mikanda Ikola

³ Monʼami olʼiii a mu bhange kiebhi? Mu Kutunda bhobho, mu kuia dingi ku pholo, ua kà tula bhu mulemba ua Tabola, bhenhobho ua kà takanena-bhu ni malʼatatu ala mu banda kua Nzambi bhu Betele, iú u ambata tuana tutatu tua jihombo, iú u ambata makende matatu ma jimbolo, iú u ambata kisudi kia vinhu.

I Samuuele 10:3 ပူးပေါင်းရင်းမြစ်များ

Dimatekenu 28:19

Kididi kienhokio anga u ki luka Betele; mʼokulu-phe o dibhata diala-bhu a di lukile Luze.

Dimatekenu 28:22

O ditadi didi di ngʼemika kala philadiʼdi, di kala inzo ia Nzambi, o ku jimbongo joso ji u ngi bhana, ngi ku bakuila-ku mbandu ia kakuinhi.

Dimatekenu 35:1

Kienhókio Nzambi u ambela Jakobo, uixi: Balumuka, u bande bhu Betele, u tunge bhobho; ua kà iudike kalatódio kuenhoko ka Nzambi ua ku tukulukila kizuua ki ua lenga o pholo ia kota dié Izaú.

Dimatekenu 35:3

Phala bhabha tu tunde-bhu, tu bande ku Betele; nga kà iudike kuenhoko kalatódio ka Nzambi, ua ngʼitaia bhu kizuua kiami kia kubhondalala, anga uia ku ngi bheka njila ioso ioio i nga kuatele.

Jisálamu 89:12

Ni ku suku ni ku sulu eie-muène ua kalakala; ni milundu ia Tabola ni Helemone eie-muène ia ku tumbula.

Jelemiia 32:8

Hanamiiele, monʼa sekuluʼami hé uiza muene kokuami kala kia tange kizuelu kia Jihova, mu lumbu lua kilangidilu hé u ngʼambela, uixi: Sumba kindala, mukáu uami uala mu Anathothe, mu ixi ia Bejamí; mukonda é-muene ua fuama o undundu, eie uala ni kidikulu; sumba-u u kale mukáu ué. Anga ngi tetuluka ngixi: kiki kizuelu kia Jihova.

Ijila 1:10

O ujitu uê ua bheka se u kala ua kibhaku kiofele mbudi mba hombo, ia sata ia kuoha, a sole ia ndumbe, sé ngó unema, mba dibaka.

Ijila 23:13

O musa ua ujitu uê, tu-inda tuiadi tua fuba iafina, iôlunge ni maji, phala sata ia kubhakula ni túbhia, ikale dizumba dinuha kiambote kua Jihova, kuie dingi tusòla tutatu tua vinhu, ene-phe o maluvu a kúnua.

Ijila 3:12

O ujitu uê se u kala hombo, a i bheke bhu pholo ia Jihova bhene bhua i bhakuila;

Ijila 3:6

Se o ujitu uê ua sata ia kuoha ia ku satela Jihova, u kala ua kibhaku kia mbudi mba hombo, kixi ndumbe mba mukaji, ki kale-phe kiadisanze kiambote sé ngó unema uoso-uoso.

Ijila 7:13

Bhu kala ue ni jimbolo ja felemendu, jʼijila kumoxi ni sata iê ia paze mu kutenesa o sata ia kusakidila.

Josuué 19:12

Kutunda bhu Saíle ualukila ku mbandu ia thunda, ku tundila dikumbi, katé mu mbambe ia Kixilote-tabola, i tubhukila ku Dabelate iia ni kubandesa katé ku Jafiia.

Josuué 19:22

Anga mbambe ienhiʼii bhiẋila ku Tabola, ku Sakaxima ni ku Bete-seme; matundilu mê katé ku Njolodá; kuinhi dia sanzala ni jisamanu ni tumadiembu tuâ.

Afundixi 20:18

Anʼa Izalaiele anga a balumuka, hé a banda aia bhu Betele, mù kuibhula phangu kua Nzambi, exi: Nanhi u tu tuamenena ku ita mu kúlua ni anʼa Bejamí? Jihova anga u zuela, uixi: Juda muene u tuamena.

Afundixi 20:23

Anʼa Izalaiele anga aia hanji mù dila bhu pholo ia Jihova, katé mu ngoloxi; anga ebhula kua Jihova, exi: O kiki tu vutuka dingi mu kúlua ni anʼa Bejamí, o phange jetu? Jihova uixi: Ndenu muene, mua kà a lue.

Afundixi 20:27

Anʼa Izalaiele anga ebhula kua Jihova. (Kuma izuua ienhoio o álaka ia kikutu kia Nzambi ii bhobho ni Finehase monʼa Eleazale, monʼa Alá, uemana bhu pholo ia álaka mu dibhezelu izuuʼoio.)

Afundixi 4:12

Anga a ki tangela Xixela kuila Balake monʼa Abinouamu, ua bande ku mulundu ua Tabola.

Afundixi 4:6

Muene anga u tuma kuixana Balake monʼa Abinouamu, bhu Kadexi ka Nafitali, anga u mu ambela, uixi; Ku kʼijiia kuma Jihova Nzambi ia Izalaiele ua ku tumu kuila: Ndeie u bhongoluele athu ku mulundu ua Tabola, u katule kuinhi dia midi dia mala ku anʼa Nafitali ni anʼa Nzebulone?

Afundixi 8:18

Muene anga u ambela Zeba ni Zalumuna, uixi: Athu a kidifua kiahi, u mua jibhila bhu Tabolo? Ene a mu vutuila, exi: Kiene ki ualʼeiʼiki ene ue kiene; ene oso edi kala anʼa sobha.

I Samuuele 10:4

A kà ku menekena, hé a kà ku bhana makende maiadi ma jimbolo; eie-phe ua kà ji tambula bhu maku mâ.