I Samuuele 10:27 - O Mikanda Ikola

²⁷ Bhu kala-phe ue ni anʼa Kadiaphemba, exi: Iú ue muthu uahi? Manhi utena ku bhulula? Anga a mu tènda, a fula ku mu bhekela maujitu. Muene-phe ua di xibhʼê kala ka kʼivu.

I Samuuele 10:27 ပူးပေါင်းရင်းမြစ်များ

II Samuuele 20:1

Bhenhobho anga bhu kala muthu ua tokala ni Kadiaphemba, dijina diê Seba, monʼa Bikidi, mukua muiji ua Bejamí; muenhú anga u xika koloneta, uixi: Etu mu kisangela kia Davidi, ki tuala-mu, mba tu kala ni undundu mua monʼa Jese! Muanganenu Izalaiele, kala muthu aie ku balaka iê!

II Samuuele 8:2

Anga u beta akua Mouabhe ni ku a zonga ni mukolo; u a zekesa bhoxi, anga u zonga mikolo iiadi ia ku jibha, mukolo umoxi ua ku a xisa ni muenhu. Akua Mouabhe anga a kala mu bhikila Davidi, enda ni ku mu bhakuila madijimu.

I Jisobha 10:25

Anga athu oso a kuata ku mu bhekela muthu ni muthu ni ujitu uê ua itutu ia phalata ni itutu ia ulu, ni izuatu, ni ibhakatu, ni ima ia mazumba ia kutoua, ni jikabalu ni jimula. Anga a kuata kubhanga kienhiki muvu ni muvu.

I Jisobha 4:21

Solomá anga utumina o jisobha joso tunde ku Honga ia Ufalate katé ku ixi ia akua Fidíxia, katé ku mbámbe ni Ijito; ene oso a bheka jinga lubhaku kua muene, a bhikila jinga Solomá izuua ioso ia muenhu uê.

I Jisobha 5:1

Hilamu, sobha ia Tilu, anga uívua kuila Solomá a mu hingisa ungana bhu kididi kia tatʼâ, anga u mu tumikisa jiphunga mukonda muene ua kexile jinge dikamba dia Davidi.

II Malunda 13:7

Kokué-muène kua di bande anʼa kadiaphemba, athu ka moneka kia kubhanga; ia a suína mu kúlua ni Lebouamu, monʼa Solomá, kioso Lebouamu kiala hanji mona-ndenge, ua nengana muẋima, anga u a lémbua mu nguzu.

II Malunda 17:5

O Jihova iú ua kuatesa o ixi ia utuminu uê bhu maku mê, ni Juda dioso dia bhana jinga maujitu kua Jozafate, anga u kala ni matunda avulu.

Jisálamu 38:13

Eme-phe, kifua nga di bhange ngi muxilu, ki ngʼivu kima; mukuâ ni dibhubu, ki ngi jikula dikanu.

Jisálamu 72:10

Jisobha ja Talxixi ni mu ikolo a kà mu bhana o lubhaku; o jisobha ja Xeba ni Saba ja kà mu bhekela maujitu.

Ndongixi 7:21

Muẋima ué kana ku u ta mu kuividila ngó ioso i zuela athu, phala ki ki ku bhite o kuividila mubhikʼé ua mu kuâmba.

Izaía 36:21

Maji ene-oso a dixibha, ka mu kumbulula né ngó diba dimoxi; mbata kiene kia tumu muenexi, kuila: Kana ku mu vutuila kima.

Matesu 2:11

Anga a bokona mʼonzo, hé a sanga kamona ni Madiia mamʼâ; anga adibhala, hé a mu sambela. O kuila a jikula mu imbamba iâ, a mu bhanga ujitu, ni ulu, ni uasu ua dizumba ua libana, ni uamukuá ua sumuna; a mu bhana.

Jipoxolo 7:35

Xitevá uamba dingi uixi: Mozé imoxi iii, a mu ditunine kuala anʼ a Izalaiele, exi: Eie nanhi ua ku bhange kukala u dikota dia ku tu fundisa etu? Muene Mozé a mu tumu kuala Nzambi kukala dikota, ni mukudi, ku lukuaku lua anju ia mu tukulukila mu kisasa.

Matendelelu 13:13

kuila o muenhomo muala iiala anʼa Kadiaphemba, a mi tokala enu-enu, o enhá hé a funhisa akuâ, exi: Tuienu, tu bheze jinzambi jengi, o jene ki mua jʼijidile;

I Samuuele 11:12

Mundu anga ambela Samuuele, exi: Ene iá kuebhi oso a ki ambele, exi: Kífua Saúlo muene u tu tuminʼá? Mala enhó a tunde, tu a jibhe.

I Samuuele 11:13

Saúlo-phe, uixi: Kana, ki mu jibhe-bhu muthu lelu; mukonda lelu Jihova ua kalakala ubhulukilu mua Izalaiele.

I Samuuele 16:20

Jese anga u kuata bûlu iê u i longa, ni jimbolo, ni kisudi kia vinhu, ni monʼa hombo, anga u i tumikisa ni Davidi monʼê kua Saúlo.

I Samuuele 2:12

Anʼa Eli-phe, a mala, anga a sekala kiavulu kuma a kexile anʼa kadiaphemba; a lembua kuijiia ngó Jihova.

I Samuuele 25:17

Kiki-phe eie ijiia na-kiu, u tongolole kioso ki u bhanga, kuma muadiʼetu kua-nda ku mu iza divuua, anga u senguluka ni dibhata diê dioso. Muene-phe o kusekala ni kuhuka kuala na-ku, ua di bhange monʼa kadia-phemba, muthu ka xikina ngó ku mu zuelesa.