I Samuuele 10:22 - O Mikanda Ikola

²² Kienhiki ebhula dingi kua Jihova, exi: Muthu iú manhi kiluua eza bhabha? Jihova anga u vutula, uixi: Muene ió, ua suama mu imbamba ieza na-iu athu.

I Samuuele 10:22 ပူးပေါင်းရင်းမြစ်များ

Dimatekenu 25:22

Ana anga a kala mu bhânga moxi diê; muene-phe uixi: Kua ngiza-hi dingi, ngala kiki? Anga uia mu kuibhula kua Jihova.

II Samuuele 2:1

Kia bhiti iene ioso iii, Davidi u ibhula kua Jihova, uixi: Ki ngalʼiki, ngi banda ku mabhata ma Juda, inga kana? Jihova anga u mu ambela, uixi: Banda. Davidi uixi: Ngi kana dibhata diebhi? Ngana, uixi: Uia ku Hebolone.

II Samuuele 21:1

Anga ku kala nzala mu izuua ia Davidi, i bhanga mivu itatu, kuiza muvu kiene, kuiza muvu kiene. Davidi anga u sota pholo ia Jihova, Jihova anga u zuela, uixi: Nzala iii iejila mukonda dia Saúlo, ni dibhata diê diaiibha ni manhinga, mukonda ua jibha akua Ngibiione.

Dialuilu 27:21

Muene uimana bhu pholo ia nganga Eleazale, o ió u kala mu ku mu zambuila, muzambu ua Udimi kua Jihova, hé bhu kala kutunda, kizuelu ki tunda kua muene; hé bhu kala kubokona, kizuelu ki tunda kua muene; ni muene ni ana oso a Izalaiele kumoxi, kilômbo kiê kioso.

Luka 14:11

Mukonda uoso u di zangula, a mu tulula; o uoso-phe u di tolesa, a mu zangula.

Afundixi 1:1

Mu kukala-kukala, Josuué kia zubha kúfua, anʼa Izalaiele ebhula kua Jihova, exi: Nanhi u tu kalela ku pholo mu kubanda ku Makanana, ni kúlua-nâ?

Afundixi 20:18

Anʼa Izalaiele anga a balumuka, hé a banda aia bhu Betele, mù kuibhula phangu kua Nzambi, exi: Nanhi u tu tuamenena ku ita mu kúlua ni anʼa Bejamí? Jihova anga u zuela, uixi: Juda muene u tuamena.

Afundixi 20:23

Anʼa Izalaiele anga aia hanji mù dila bhu pholo ia Jihova, katé mu ngoloxi; anga ebhula kua Jihova, exi: O kiki tu vutuka dingi mu kúlua ni anʼa Bejamí, o phange jetu? Jihova uixi: Ndenu muene, mua kà a lue.

Afundixi 20:28

Exi: O kiki-phe tuia dingi lua mukuá mu kúlua ni anʼa Bejamí, o phange jetu, inga tu batuka-ku kiá? Jihova uixi: Ndenu-ku dingi; kuma mungu nga-nda ku a bhakula bhu lukuaku luenu.

I Samuuele 10:21

Anga u zukamesa muiji ua Bejamí mu jifamília jê, anga a kuata-bhu Saúlo monʼa Kiji; o kia mu soto-phe, ka moneka.

I Samuuele 14:37

Saúlo anga u ibhula kua Nzambi, uixi: Ngi kulumuka mu kaiela akua Fidíxia-â? U a telekala lelu bhu maku mami? Muene-phe ka mu vutuila kuala Jihova kizuua kienʼokio.

I Samuuele 15:17

Samuuele uixi: Sumbala eie ua tolele ku mesu mé eʼmuene, maji a ku zangeleka-ze mù kala u mutue ua miji ioso ia Izalaiele; Jihova iú ua ku undu kukala u sobha iâ?

I Samuuele 22:10

Muene anga u mu zambuila kua Jihova, u mu bhana huta, u mu bhana ue o xibhata ia Ngoliia mukua Fidíxia.

I Samuuele 23:9

Davidi anga u kʼijiia kuma Saúlo uala ku mu kanena ku mu bhanga kiaiibha! Anga u ambela nganga Abiiatale, uixi: Beka kunu efodi.

I Samuuele 30:7

Davidi anga u ambela nganga Abiiatale, monʼa Ahimeleke, uixi: Nga ku diondo, efodi ngi bhekele-iu kunu. Abiiatale anga u bheka efodi kua Davidi.

I Samuuele 30:8

Davidi anga u ibhula kua Jihova, uixi: Kibuka kiki, se ngi ki kaiela manhi ngʼa kuata? Anga Jihova u mu vutuila, uixi: Kaiela, u a kuata muene, iene ioso u i tambula dingi.

I Samuuele 9:21

Saúlo anga u kumbulula, uixi: Eme ki ngi mukua muiji ua Bejamí, o kasule ka miiji ioso ia Izalaiele? O família iami ue ki iene kasule ka jifamília joso ja muiji ua Bejamí? Eie-phe u ngi zuelesela-hi kiki?