I Samuuele 10:21 - O Mikanda Ikola

²¹ Anga u zukamesa muiji ua Bejamí mu jifamília jê, anga a kuata-bhu Saúlo monʼa Kiji; o kia mu soto-phe, ka moneka.

I Samuuele 10:21 ပူးပေါင်းရင်းမြစ်များ

II Samuuele 3:19

Abinele anga u ki zuela ue mu mátui ma akua Bejami oso. Abinele anga uia ue kuzuelela mu mátui ma Davidi bhu Hebolone, kioso kia uabhela Izalaiele, ni dibhata dioso dia Bejamí.

Jisabhu 18:18

Athu kia di kuata jiphata, ata-bhu-phe Sorte; iene i batula o phata, iene i uanena mazonda.

Jona 1:7

Anga a di ambela kala muthu mu diâ exi: Zenu, tu tienu jisorte, phala tu ijiie se mukuaʼhi ua tu bhekela uíndua uosʼú. Hé a ta jisorte, o Sorte ia buila kua Jona.

Jipoxolo 13:21

O mundu kia bhingi sobha, Nzambi u a bhana Saúlu mona Kiji, mukua muiji ua Bejami, hé u bhanga makuinhi a uana a muvu ni ku a tumina.

I Samuuele 10:20

O Samuuele anga u zukamesa miiji ioso ia Izalaiele, anga a kuata-bhu o muiji ua Bejamí.

I Samuuele 10:22

Kienhiki ebhula dingi kua Jihova, exi: Muthu iú manhi kiluua eza bhabha? Jihova anga u vutula, uixi: Muene ió, ua suama mu imbamba ieza na-iu athu.

I Samuuele 9:2

Muenhú anga u kala ni monʼê ua diiala, dijina diê Saúlo, munzangala ua uabha iu uadisanze kiambote; muʼaxaxi ka anʼa Izalaiele kanamu muthu ua mu tundu mu kuuabha ni kudisanza, o mu kitala mundu uoso a mu suku ngó bhu isuxi.