I Samuuele 10:18 - O Mikanda Ikola

¹⁸ angu u ambela anʼa Izalaiele, uixi: Eme Jihova, Nzambi ia Izalaiele, uambe, kiki: Nga katula Izalaiele mu Ijitu, nga mi kudila bhu maku ma akua Ijito, ni bhu maku ma maungana moso mamukuá ma kexe ku, mi bhikisa,

I Samuuele 10:18 ပူးပေါင်းရင်းမြစ်များ

Makatukilu 29:46

Ene hé a kèjiia kuma eme Jihova ngi Nzambi iâ, nga a katula mʼoxi ia Ijitu phala ni ngi tunge mu kaẋi kâ; emʼeme ngi Jihova Nzambi iâ.

Dialuilu 10:9

O ki ki bhinga kuia ku ita mʼoxi ienu, mukonda dia nguma ueza ku mi bhondeleka, kienʼokio ue ni jikoloneta mu ji xika dízui dia suina, phala a mi lembalale bhu pholo ia Jihova, Nzambi ienu, ni a mi kudile ku jinguma.

Afundixi 2:1

Mukunji ua Jihova anga u tunda bhu Jidingale u banda ku Betele. Uixi: Eme nga mi katula mu Ijitu, nga mi bheka mʼoxi i nga lokela ku jitata jenu, ngixi; Kikutu kiami kioso, ki nga te ni enu, ki ngi ki tondala kana, kate ku miji ni miji.

I Samuuele 12:8

Jakobo kioso kia kulumuka mu Ijito, akua Ijito a mu bhondeleka; jitata jenu anga ji dikola kua Jihova, Jihova kienʼokio u tuma Mozé ni Alá, hé a katula jitata jenu mu Ijito, anga a a bheka kutunga mʼoxi mumu.