I Samuuele 10:16 - O Mikanda Ikola

¹⁶ Saúlo anga u ambela sekuluʼê, uixi: Ua tu tangela muene kidi kuma jibûlu a ji bongo kiá. Maka mamukuá-phe ma ungana, ma mu kundu Samuuele, muene ka mu jimbuila-nâ.

I Samuuele 10:16 ပူးပေါင်းရင်းမြစ်များ

Makatukilu 4:18

Mozé anga u suluka, uia ku bhata kua ukouʼê Jétulu, u mu ambela, uixi: Ngi bhane disesa, ngi vutuke ku akuetu a xala mu Ijitu, nga kà mone se iá ni muenhu. Jétulu anga u ambela Mozé, uixi: Ndeie ni paze.

Jisabhu 12:23

Muthu ua dimuka, ka xikina kutanga o kuijiia kuê; maji o muẋima-phe ua ioua, uenda ni ku di tanga o uoua uene.

Jisabhu 29:11

Dilaji, njinda iê ioso u i aneka; maji o njimu-phe, uximbakata anga o njinda iê u i kondeka.

Ndongixi 3:7

Sai thembu ia kutandula, ni thembu ia kutunga; sai kithangana kia kuzuela ni kithangana kia ku di xibha.

Afundixi 14:6

Nzumbi ia Jihova anga iza ni nguzu kua Sansau, u di takuila ku hoje anga u i kuata, u i sauna kala monʼa hombo a mu kuata; o bhu maku-phe muene ka kuata kima, uala ngó maku a hatu. O kia bhange-phe kiki, ka ki tangela ue tatʼâ mba mamʼâ.

Afundixi 14:9

Anga u katula-mu uiki bhu makuʼê anga uia ni kúdia mu njila muala kuila; u tula ue bhuala tatʼâ ni mamʼâ, u a bhana-ku, ene ue a dia; ka a tangela-phe kuila uiki ua u katula mu kisasu kia hoji.

I Samuuele 10:15

Sekuluʼê anga u mu ambela, uixi: Ngi tangele-phe hanji, nga ku diondo, mba Samuuele ua mi zuelesa kiebhi?

I Samuuele 9:20

O jibûlu-phe jedi lelu tatu tunde ki ja jimbila, ku ji te dingi muxima; kuma a ji bongo kiá. O ima ioso ia beta kuuabha mu Izalaiele-phe ia tokala kua nanhi? Oko eie muene, ni dibhata dioso dia tatʼenu.

I Samuuele 9:27

O kia zubha kukulumuka katé bhua suku o dibhata, Samuuele u ambela Saúlo, uixi: Mukua-mbèle ié mu tume a tu tuamenene ku pholo, mukua-mbèle anga u tuamena. Uixi-phe: Eie muene imana hanji, phala ngi kuivise o kizuelu kia tange Nzambi.