I Samuuele 10:11 - O Mikanda Ikola

¹¹ Bhenhobho athu a mu ijiia mʼokulu kia mu mono, kuma iú zuela ni uanji kumoxi ni jipolofeta, mundu a di ambela mudiâ, exi: Monʼa Kiji, ihi kia mu bhiti? Saúlo manhi ua di bundu ue kumoxi mu jipolofeta?

I Samuuele 10:11 ပူးပေါင်းရင်းမြစ်များ

Amoji 7:14

Amoji hé u vutuila Amaziia, uixi: Eme ki ngi polofeta, kana! mba monʼa polofeta, maji ngi muingi a jingombe, ngi mudimi a jisikómolo.

Amoji 7:15

Maji-phe Jihova ua ngi katula mu kuinga ibhaku, iú ua ngi tangela, uixi: Ndé ua kà zambuile kifuẋi kiami kia Izalaiele mu upolofeta.

Nzuá 7:15

Jijudé anga ji tukumuka, exi: Iú uejiia kiebhi kiosuʼiki o Madivulu, ua kambe ku di longa na-u?

Jipoxolo 3:10

O kioso kia mu tongolola kuma muène ua kexile kuxikamena jimola bhu Muelu Uauabha ua Tembulu, a sasumuka kiavulu, hé a kala mu kudiuana o kisumua kia bhiti na-kiu.

Jipoxolo 4:13

Kienʼiki o adiakime bhu Kionge Kiadikota, kia zubha ku mona o kúbhua uôma kua Phetele ni Nzuá, ni ku a tongolola kuma athu akua-tutu, ka zubha ku dilonga madivulu, a diuana, anga ki a lombolokela kuma ende ni Jezú.

Jipoxolo 9:21

Oso a mu ivua jinga anga a diuana, exi: Ki muenʼiú mu Jeluzaleme ua jibha-mu ni kuhama oso bheza mu dijina didi dia Jezú? O kunu ki kiene kia mu bheka, kuta athu iá ku mikolo, nʼaie-nâ ku jinganga ja makota?

I Samuuele 19:24

Anga u zula ue izuatu iê, u ximana ni kutanga uanji ua upolofeta bhu pholo ia Samuuele, hé u zeka ni tuẋi kumbi diosuʼodio ni usuku uê. Mukonda dia kiki a ki ta dingi ku mukûmbi, exi: Saúlo manhi ua di bundu ué mu jipolofeta?