I Samuuele 10:10 - O Mikanda Ikola

¹⁰ O kia bhixila bhu kalundu, kibuka kia jipolofeta kiki, anga u takana na-kiu; Nzumbi ia Nzambi anga uiza ni nguzu ku thandu diê, muene hé u kala mu zuela ni uanji ua upolofeta muʼaxaxi kâ.

I Samuuele 10:10 ပူးပေါင်းရင်းမြစ်များ

Afundixi 15:14

O kia tuia-nê mu Leki, akua Fídixia a solomoka mu ku mu kauidila, hé a dikola ni kusanguluka kia zubha ku mu mona. Maji o Nzumbi ia Jihova anga iza ni nguzu kua Sansau, o mikolo ia mu kala mu maku i di bhanga kala jingoji ja linhu ja jokota mu túbhia, iene ioso ia mu zuluka mu maku.

Afundixi 3:10

Nzumbi ia Jihova anga iiza ku thandu diê, u kala mu fundisa Izalaiele; anga u tunda mu kúlua ita, Jihova anga u bhakula Kuxane-Lesataime, sobha ia Sídia, bhu lukuaku luê; lukuaku luê anga lu lenda o kutolola Kuxane-Lesataime.

I Samuuele 11:6

Nzumbi ia Nzambi anga u tula ni nguzu ku thandu dia Saúlo kievu makʼama, njinda iê anga i mu kuata kiavulu.

I Samuuele 16:13

Samuuele bhenhobho u sunga lumbinga lua maji, u mu unda muʼaxaxi ka jiphange jê. Nzumbi ia Jihova anga u tula ni nguzu ku thandu dia Davidi tunde kizuua kienʼokio. Kienhiki Samuuele u balumuka, hé u vutuka ku Lama.

I Samuuele 2:35

Nga kà zangeleka nganga iami iengi ia fiiele, uà kala muthu ua kukumbidila ioso ia ngi kala ku muẋima ni mu kilunji kiami; muene nga ka mu tungila dibhata diakolo, uà kala mu kuenda jinga bhu pholo ia muthu uami nga mʼundu ni maji sé dizubhilu.