I Samuuele 10:1 - O Mikanda Ikola

¹ Bheneʼobho Samuuele anga u sunga thenda ia maji, u ma lunduluila ku mútue ua Saúlo, u mu bhana nzóbole, uixi: Nga ki bhangela mukonda Jihova ua ku undu mu kukala u muenexi mu undundu ué.

I Samuuele 10:1 ပူးပေါင်းရင်းမြစ်များ

II Samuuele 1:14

Davidi u mu ambela, uixi: Uoma-phe ua ku kambela-hi, ua kuzenga lukuaku lué mu kujibha muthu ua Jihova ua mu undu ni maji?

II Samuuele 19:39

Mundu uoso anga a zaúka Njolodá, muenexi ue anga u zaúka; muenexi anga u bhana Badizilai jibeju, u mu tula kizediuise, muene anga u vutuka ku bhata diê.

II Samuuele 20:19

Eme nga tokala ku athu abatama, akua kitongola mua Izalaiele; eie ua-lu sota ku buidisa mbonge ia di bhanga kivuadi mua Izalaiele. Phalahi ua bhindamena kusengulula, ni kuminha undundu uangene ua Jihova?

II Samuuele 5:2

Mu thembu iabhiti, kia kexi hanji Saúlo ku ungana, eie muene ua kexe mu tuamenena Izalaiele mu kutunda ni mu kubokona; Jihova ue ua ku ambelele, kuma: Eie uà kala u mubidi ua mundu uami Izalaiele, eie uà kala u mutuameneni ua Izalaiele.

I Jisobha 1:34

O nganga Zadoko, ni polofeta Natane, a mu undile bhenhobho ku ungana ua Izalaiele. Mua ka xika koloneta, hé mua kèla, muexi: Sobha Solomá a laie, a kole muenhu!

I Jisobha 19:18

Eme nga xalesa ue sambuadi dia midi ia muthu mu Izalaiele, ió o jiphuna jâ joso ki ja fukamena Bahale, ni dikanu diâ dioso ki dia mu bhana jibeju.

II Jisobha 20:5

Vutuka uambele Ezekiia, o mutumini ua mundu uami, kuila: O Jihova, Nzambi ia tatʼenu Davidi uambe kiki: O musambu ué nga uivu, ni masoxi mé nga a mono; tala-phe eme nga-nda ku ku sakula; o mu kizuua kia katatu ua-nda kubanda mʼonzo ia Jihova.

II Jisobha 9:1

Kieneʼokio-phe o polofeta Ilizeu uixana umoxi ku anʼa jipolofeta, hé u muʼambela, uixi: Di kute o phonda mu mbunda, u zangule o mudingi iú ua maji, u uambate bhu maku mé, nda uie bhu Lamote dia Ngiliiade:

II Jisobha 9:12

Maji-phe ene, exi: Makutu. Tuʼijidise ngó kioso kia ku ambela kindaúla, tua ku diondo. Muene-phe, uixi: Kiki ni kiki kia ngi tangela, kuila: Jihova uambe, kiki: Nga ku undu ku usobha ua kutumina Izalaiele.

Jisálamu 135:4

Mukonda Jihova ua solo Jakobo, nʼa kale muthu ua kazola kê, o Izalaiele uene o muiji ua undûndu uê uangene.

Jisálamu 2:12

Bhombenu mona, ki mu kinge kia thathamana; kuma hinu mu diuana ku muia, njinda iê ki i uama kala túbhia. Enhó-phe a zediua oso a dielela kua Muene.

Jisálamu 78:71

Ua mu katula mu kuendesa jimama ja jimbudi ni tuana tuâ, phala kukala mubidi ua Jakobo, o mundu uê uangene, ni Izalaiele dia undundu uê.

Makatukilu 30:23

Eie-phe u kuata ue ni ibatubatu ia miẋi ia mazumba, ioso iate kiavulu: ni mira ni sumu, hâma jitanu ja xikulu, o kanela ka uabha dizumba, ka kala kaxaxi, kifua hâma jiiadi ja xikulu ni makuinhi atanu, ni kálamu ia uabha dizumba, i kala hâma jiiadi ja xikulu ni makuinhi atanu.

Jelemiia 10:16

O dikanda dia Jakobo-phe, ki dia di fuangana ni iá; kuma muene-muène mubhangi a ima ioso, o Izalaiele muene mbangala ia undundu uê; Jihova dia Ilombo Ieta, diene o dijina diê.

Izekiiele 16:13

Kienhiki, nga ku kembesa ni ulu ni phalata, o izuatu ié, i nga ku zuika, ia linhu ia nzeta ni seda, ni ima ia kubordala. Ua di dikila ni fuba ia iuka, ni uiki ni maji; o kuuabha kué kù kua tomboka kinéne-nene, eie ue ua zediua katé ki ua bhixila bhu ditala dia kukala u sobha. Ua kituka eie Na Mvuale!

Hozeia 13:2

O kiki-phe ituxi ia mu di vuala dingi, a nomona ku phalata iâ anga a di bhangela kiteka kia kuzunza, a di bhangela muene iteka ia solo ku miẋima iâ, iene ioso-phe ima iòkalakale ku maku ma jihete ja ufunu, anga aia ni kuila: Enu mu athu satelenu ku jinzambi jiji, bhanenu jibeju ku tungombe tutu.

Jipoxolo 13:21

O mundu kia bhingi sobha, Nzambi u a bhana Saúlu mona Kiji, mukua muiji ua Bejami, hé u bhanga makuinhi a uana a muvu ni ku a tumina.

Matendelelu 32:9

Mbata dikânda dia Jihova o povo iê iii; Jakobo muene dijikita dia undundu uê.

I Tesalonika 5:26

Jiphange joso koko a menekenienu ni beju ia ujitu.

Jihebeleu 2:10

O ima ioso i laia phala Nzambi, mukonda dia muène. O muène-phe ua mesena anʼê oso a nomona ue ku fuma iê. Uila kiki, kia fuamena kuila Nzambi u ehela Jezú ku tala jihadi mukonda dia kuiuka. Kuma Jezú muene musonguedi uâ ua kubhuluka.

Dijingunuinu 5:8

Kia zubha ku di tambula, o iama iuana ia muenhu ni makuinhi aiadi a kikulakaji ni iuana, a di bhala bhu pholo ia Kambudi. Ene oso a sokelèlaku ni kukuata jimbànza ni jinganza ja ulu jezala fufutila ia dixi dia dizumba, iene o misambu ia akua-Ngana.

I Samuuele 12:3

Emʼiú: anuenu bhanenu umbangi bhu plo ia Jihova, ni bhu pholo ue ia muthu uê ua mu undu ni maji. Eme nanhi nga mu tambula ngombe iê? Nanhi nga mu tambula bûlu iê? Nanhi nga mu di mangonha? Nanhi nga mu zukutisa? O ku milonga nanhi nga mu tambula kitadi bhu maku mê, phala ku ngi xitisa na-kiu mu mesu? Ambenukiu, phala imʼii ngi mi fute-iu.

I Samuuele 13:14

Kiki-phe o utuminu ué ki ua-nda kunanga. Jihova ua di sotela kiá muthu ua mu zelela ku muẋima uê, muene ua-nda ku mu tumbika kukala mutuameneni ua mundu uê, mukonda eie kua bhake kijila kia ku tumu.

I Samuuele 15:1

Samuuele anga u ambela Saúlo, uixi: Jihova ua ngi tumu ku ku unda ku ungana ua mundu uê Izalaiele; kiki-phe ívua dízui dia kizuelu kia Jihova.

I Samuuele 15:17

Samuuele uixi: Sumbala eie ua tolele ku mesu mé eʼmuene, maji a ku zangeleka-ze mù kala u mutue ua miji ioso ia Izalaiele; Jihova iú ua ku undu kukala u sobha iâ?

I Samuuele 16:1

Jihova anga u ambela Samuuele uixi: Ua-nda kusuka bhebhi ni kudila Saúlo, se ki tualʼiki eme nga mu ditunu ku ungana ua Izalaiele? Izalesa lumbinga lué ni maji, uize. Eme nganda ku ku tuma kua Jese, mukua Beleme; mukonda nga solo sobha iami muʼaxaxi ka anʼê.

I Samuuele 16:13

Samuuele bhenhobho u sunga lumbinga lua maji, u mu unda muʼaxaxi ka jiphange jê. Nzumbi ia Jihova anga u tula ni nguzu ku thandu dia Davidi tunde kizuua kienʼokio. Kienhiki Samuuele u balumuka, hé u vutuka ku Lama.

I Samuuele 2:10

Oso a bhânga ni Jihova a kà tolojoka; muene u a numinina tunde mu diulu. Jihova uà fúndisa maẋokololo a jixi. Sobha iê ua kà mu bhana o nguzu ni kutumina ua kà zangeleka o kutena kua muthu uê ua mu undu ni maji.

I Samuuele 24:6

Anga u ambela makuenze mê, uixi: Ki kola! Ngana a ngi lange, phala eme ki ngi te kituxi kala kiki, kia kusunununa lukuaku luami kuthandu dia muthu a mʼundu ni maji kuala Jihova; ki ngi kala kisunji eme ku mu zengela lukuaku, kuma Jihova muene ua mu undu ku ungana.

I Samuuele 26:11

Ngana ka ngehele; kuma ki kala kisunji se eme ngi mu zengela lukuaku, hé ngi sota kukuama muthu a mu undu kuala Jihova. Eie-phe katula ngó, nga ku diondo, o sosa iala bhu mutuelu uê, ni mudingi ua menha, tuende ni kuietu.

I Samuuele 26:9

Davidi anga u ambela Abisai, uixi: Kana ku mu jibha; kuma nanhi u tena: kuzengela muthu Jihova ua mu undu ku ungana nʼa kambe kuêla?

I Samuuele 8:19

Mundu-phe aditunu dízui dia Samuuele; exi: Kana; tu kala muene ni sobha i tu tumina,

I Samuuele 8:9

Kiki-phe a evue dizui diâ; maji eie-phe ua a ambela kidi kioso, u a lomboluela ni muanu kioso kia-ndu kala o utuminu ua sobha iâ, uoso anda ku mu hingisa.

I Samuuele 9:16

Mungu mu kumbi kala mumu nga-nda ku ku tumikisa muthu, mukua ʼxi ia Bejamí, eie-phe u mu unda ni maji, phala a kale mutuameneni ua mundu uami Izalaiele; muene uà bhulula o mundu uami bhu maku ma akua Fidíxia; kuma mundu uami nga a zambuila dingi mesu, eme nga a tongolola dingi, o ngololo iâ ia ngi bhixila.

I Samuuele 9:27

O kia zubha kukulumuka katé bhua suku o dibhata, Samuuele u ambela Saúlo, uixi: Mukua-mbèle ié mu tume a tu tuamenene ku pholo, mukua-mbèle anga u tuamena. Uixi-phe: Eie muene imana hanji, phala ngi kuivise o kizuelu kia tange Nzambi.