I Samuuele 1:28 - O Mikanda Ikola

²⁸ Mukonda dia kiki, eme uami nga mu lumbila Jihova, katé bhuoso bhua kà suka o muenhu uê. Ukala muthu uangene ua Jihova, mukonda ko kuê kuene ku nga mu bhingi. Anga u bheza Nzambi bhenhobho.

I Samuuele 1:28 ပူးပေါင်းရင်းမြစ်များ

Dimatekenu 24:26

Diiala bhenʼobho bhetama mutue, anga u bheza Jihova.

Dimatekenu 24:48

Kieniʼokio, anga ngi bhetama mútue, ngi bheza Jihova, ngi tanesa Jihova, dia Nzambi ia muadiʼami Mbalahamu, ua ngendesa njila iambote mu kusola monʼa kilumba, monʼa phange ia muadiʼami, mu kala muhatu ua na velu monʼê.

Dimatekenu 24:52

Bhenhobho, o selevende ia Mbalahamu kievu o kuzuela kuâ, u mbolomoka mu mavu, u diunda kua Jihova.

Jisabhu 31:2

Eie Lemuuele, tata, monʼami ua phande-kumbi, nga ku ambela kiebhize? Kiebhi-ze monʼami? Kiebhi-ze tata, mona nga ku vuala mu mala diami? Kiebhi-ze, monʼami ua jiplomesa?

Dialuilu 6:8

Izuua ioso ia di lumbila, u kala muthu ukôla ua Jihova.

II Timote 3:15

Mukonda eiemuène tundé undenge uejiia Mikanda Ikôla i tena ku ku ijidisa o kubhuluka, mu kuxikanʼoko kuene mua Kristu Jezú.

Afundixi 7:15

Anga ki bhita, kuila, kia zubha Ngidiione kuívua nzoji ia tange ialʼó, ni mukuá kia mu jimbuila-iu, u samba; anga u vutuka ku kibangu kia Izalaiele, uixi: Balumukenu, kuma Jihova ua bhakula kifuẋi kia Midiiana bhu maku metu.

I Samuuele 1:11

Anga u di hambelela, uixi: Jihova dia ifuẋi, se ni kidi kiene u ngi tala o kutata kuami eme ngi mubhikʼé, se u ngi ta muẋima, nʼu kambe ku ngi jimba eme ngi mubhikʼé, phala ki ngalʼiki ngi mubhikʼé u ngi bhane monʼa diiala, eme-phe ngi mu bhana kua Jihova izuua ioso ia muenhu uê, ki kua bhita phoko ia bhutu ku mútue uê.

I Samuuele 1:22

Hana-phe u fula kubanda; kuma uambela munumʼie, uixi: Eme ki ngi bande luua, katé mona kia sumuka; o kia sumuka-phe kiene ki ngi mu ambata phala ni ngi mu bhakule bhu pholo ia Jihova, nʼa kalelè-ku kiá kuenhoko.

I Samuuele 2:11

Kiabhiti imʼiii Elikana anga uia ku Lama ku bhata diê. O mona u xala mu xibhidila Jihova bhu pholo ia Eli, o Nganga.

I Samuuele 2:20

Eli anga u benzela Elikana ni mukajiʼê, uixi: Jihova a ku bhane mbutu ku muhatu iú, bhu kididi kia ujitu ua bhingile muene kua Jihova. Anga aia ku bhata diâ.

I Samuuele 28:2

Davidi anga u ambela Akiji, uixi: Ua-ndu ngi mona kioso ki ngi bhânga, ngi mubhikʼé. Akiji anga u ambela Davidi, uixi: Kiene ki nga ku solela phala u kale izuua ioso u dikuenze diami dia ku ngʼinga mútue.