I Samuuele 1:22 - O Mikanda Ikola

²² Hana-phe u fula kubanda; kuma uambela munumʼie, uixi: Eme ki ngi bande luua, katé mona kia sumuka; o kia sumuka-phe kiene ki ngi mu ambata phala ni ngi mu bhakule bhu pholo ia Jihova, nʼa kalelè-ku kiá kuenhoko.

I Samuuele 1:22 ပူးပေါင်းရင်းမြစ်များ

Jisálamu 110:4

Jihova ua loka, ka ẋikina kualuluka, kuma eie uala u nganga inangenena, mukuâ ni unganga ua Melekizedeke.

Jisálamu 23:6

Kidi muene, o mbote ni henda i kala mu ku ngi kaiela, izuua ioso ia muenhu uami; ngà kala ni kukondama mʼonzo ia Jihova, mu izuua ni izuua sé dizubhilu.

Jisálamu 27:4

Kima kimoxi ki nga bhingi kua Ngana, kiene ki ngi bhindamena jinga: o kutunga mʼonzo ia Jihova izuua ioso ia muenhu uami, mbé kutala o kuuabha kua Ngana, ni kudilonga jinga maka mu Tembulu iê.

Makatukilu 21:6

ngana iê-phe u mu bheka bhu pholo ia afundixi, anga u mu bhiẋidisa ku dibhitu, mba ku mikangalu ia dibhitu, ngana iê bhenhobho a mu kubule dítui ni sovela; u kala-phe kiá mubhika katé bhu ufuilu.

Izaía 9:7

O kukula kua ulamba uenhú, ki kuene mbambe; o kutululuka kuê ki kuene kúbhua; ua tulama bhu kiandu kia Davidi ni ku usobha uê, phala ku u kuatesa bhu kididi, ni ku u fikidila mu kutetuluka ni mu uiukilu, tunde kiki katé ku hádia ni hádia; o muanu ua Jihova dia Ilômbo Ieta uene ua-nda ku bhanga kienhiki.

Ijila 25:23

Kana kusumbisa mavu anga mendelela ku maku ma ngenji ua ma sumbu, mbata oxiʼii ixi iami-Eme ia ngi tokala; enu muala mu asonhi ngó mueza kutunga nʼEme, mu jinzuángiza.

Luka 2:22

O kia tena izuua ia kubonza adiʼê, kala kiala mu Kitumu kia Mozé, Zuze ni Madiia aia-nê mu Jeluzaleme, ku mu bheka bhu pholo ia nganga.

Matendelelu 16:16

Mala oso mu kaẋi kenu a tokala kuiza lutatu ku muvu mu ku di bhakula bhu pholo ia Jihova Nzambi ié, bhu kididi bhuoso bhua solo muene; moxi, bhu fesa ia jimbolo ja hangâla; kadi, bhu fesa ia jisemana; tatu, bhu fesa ia jifundu; maji kana kuiza ni maku ahatu bhu pholo ia Jihova.

Josuué 4:7

Kienhókio mua kà a tangela, muixi: Mukonda menha a Njolodá a batukile bhu pholo ia álaka ia kikutu kia Jihova; kioso ki ia zaukile Njolodá, menha a Njolodá a batukile ku thala iê; matadi enhá-phe a kala dixinganeku di nangenena dia anʼa Izalaiele.

I Samuuele 1:11

Anga u di hambelela, uixi: Jihova dia ifuẋi, se ni kidi kiene u ngi tala o kutata kuami eme ngi mubhikʼé, se u ngi ta muẋima, nʼu kambe ku ngi jimba eme ngi mubhikʼé, phala ki ngalʼiki ngi mubhikʼé u ngi bhane monʼa diiala, eme-phe ngi mu bhana kua Jihova izuua ioso ia muenhu uê, ki kua bhita phoko ia bhutu ku mútue uê.

I Samuuele 1:28

Mukonda dia kiki, eme uami nga mu lumbila Jihova, katé bhuoso bhua kà suka o muenhu uê. Ukala muthu uangene ua Jihova, mukonda ko kuê kuene ku nga mu bhingi. Anga u bheza Nzambi bhenhobho.

I Samuuele 13:13

Samuuele anga u ambela Saúlo, uixi: Ua bhange uoua; ua kambe kubhaka o kijila kia Jihova Nzambi ié, kioso kia ku tumu; kuma Jihova hinu ueje kukolesa o utuminu ué mu Izalaiele ni u nangenena.

I Samuuele 2:11

Kiabhiti imʼiii Elikana anga uia ku Lama ku bhata diê. O mona u xala mu xibhidila Jihova bhu pholo ia Eli, o Nganga.

I Samuuele 2:18

Samuuele anga u kala mu xibhidila bhu pholo ia Jihova, hanji monandenge muene, ua zuata efodi ia linhu.

I Samuuele 28:2

Davidi anga u ambela Akiji, uixi: Ua-ndu ngi mona kioso ki ngi bhânga, ngi mubhikʼé. Akiji anga u ambela Davidi, uixi: Kiene ki nga ku solela phala u kale izuua ioso u dikuenze diami dia ku ngʼinga mútue.

I Samuuele 3:1

Mona Samuuele anga u kala mu xibhidila Jihova bhu pholo ia Eli. Kizuelu kia Jihova ki kia vudile ku kʼivua mu izuuʼomo; kana-ku ue kisukila kia di monekena jinga luavulu.