I Samuuele 1:17 - O Mikanda Ikola

¹⁷ Bhenhobho Eli u mu kumbulula, uixi: Ndeie ni kutululuka, Nzambi ia Izalaiele a ku bhane ujitu uoso u ua mu bhingi,

I Samuuele 1:17 ပူးပေါင်းရင်းမြစ်များ

Dimatekenu 25:21

Izake anga u diondela muhatuʼê kua Jihova, mukonda kala kuvuala; Jihova anga u mu ivua kudikola kuê, Bebeka mukajiʼê anga u imita.

II Samuuele 15:9

Muenexi anga u mu ambela, uixi: Ndeie ni paze. Muene anga u balumuka anga uia ku Hebolone.

II Jisobha 5:19

Muene anga u mu ambela, uixi: Ndé ni muxima ua tululuka. Naamane hé u sondoloka kiá kadikanga.

I Malunda 4:10

Mbata Jabeze uadionda Nzambi ia Izalaiele, kuila: Se u ngi zediuisa kiavulu kinéne, o jimbambe jami ni u ji kudisa dingi muene, o lukuaku lué hé lu ngʼendesa, hé ubhangesa kuila o dibhebhu ki di ngi tule anga u ngi konda o malamba! Nzambi anga u mu bhanga kioso kia mu bhingi.

Marku 5:34

Muene iu ua mu ambela, uixi: Mona, o kuxikana kue, kua ku bhulula. Ndeie ni kutululuka, u di sanze ku uhaxi ue.

Luka 7:50

Jezú-phe uambela o muhatu, uixi: O kuxikana kué kua ku bhandulula. Ndaié ni kutululukka.

Luka 8:48

Jezú anga u mu ambela, uixi: Monʼami, o kuxikana kué kuene kua ku bhandulula, ndaiʼé ni kutululuka.

Afundixi 18:6

Nganga anga u a ambela, uixi: Endenu kiambote; njila ioso i muala kuila iala bhu pholo ia Jihova.

I Samuuele 1:16

Mubhikʼé ua muhatu ku mu fike-phe uixi monʼa kadia-phemba; mukonda dia ku di tenda kuami kuavulu, ni kutata kua ngi tatesa kinene, kuene ku nga kuata kuzuelela kiki katé kindala.

I Samuuele 1:23

Elikana munumʼiê anga u mu ambela, uixi: Bhanga kioso kia ku uabhela ki ua mono kia beta kuiuka; xala kunu katé kioso ki u mu sumuna; Jihova phe a kolese ngó o kizuelu kié ki ua zuela. Muhatu anga u xala ku bhata, u amuisa monʼê katé kia mu sumuna.

I Samuuele 20:42

Jonata anga u ambela Davidi, uixi: Ndeie kiá ni paze, mukonda tua di lokela kiiadi kietu mu dijina dia Jihova, tuixi: Jihova u kala bhu kaẋi ka eme ni eie, bhu kaẋi ka luvalu luami ni luvalu lué, sé dizubhilu.

I Samuuele 25:35

Kienhiki Davidi anga u tambula ku lukuaku luê, o ima ioso ia mu bhekela muhatu anga u mu ambela, uixi: Suluka kiá ni kutululuka ku bhata dié, ndeie ni paze. Ua mono, nga ku ivu dízui dié, eme nga ku xikina o pholo ié, ki uezʼiki.

I Samuuele 29:7

Kala kiki-phe, vutuka, uie ni paze phala jingana ja akua Fidíxia ka ku iibhile ngó.