I Samuuele 1:11 - O Mikanda Ikola

¹¹ Anga u di hambelela, uixi: Jihova dia ifuẋi, se ni kidi kiene u ngi tala o kutata kuami eme ngi mubhikʼé, se u ngi ta muẋima, nʼu kambe ku ngi jimba eme ngi mubhikʼé, phala ki ngalʼiki ngi mubhikʼé u ngi bhane monʼa diiala, eme-phe ngi mu bhana kua Jihova izuua ioso ia muenhu uê, ki kua bhita phoko ia bhutu ku mútue uê.

I Samuuele 1:11 ပူးပေါင်းရင်းမြစ်များ

Dimatekenu 28:20

Jakobo anga u di hambelela, uixi: Se Nzambi u kala ni eme, nʼa ngʼendese mu njila i ngala kuilʼiii, nʼa ngi bhane o mbolo ia kúdia ni kizuatu kia kuzuata,

Dimatekenu 29:32

Liia anga uimita, u vuala monʼa diiala, u mu luka Lubene: kuma uambe, uixi: Jihova ua ngi suu mu kusebuluka kuami; kiki munumʼiami ua-nda ku ngi zola.

Dimatekenu 30:22

Nzambi anga u xinganeka Lakele, Nzambi anga u mu ívua, u jikula o divumu diê.

Dimatekenu 8:1

Nzambi anga u lembalala Noué, ni iama ioso ia muenhu, ni ibhaku ioso iala-nê mu álaka; Nzambi anga u bhangesa kitembu kubhuka mu ngongo, menha ma kala mu sosoloka.

II Samuuele 16:12

Imoxi Jihova u suua o kutata kuami ni kulebhuka kuami, hé u ngi bhanga mbote mukonda dia jindaka jê ja ngi xingi kizuua kia lelu.

Jisálamu 25:18

Xinganeka o kukenanana kuami, ni kubhondalala kuami, u ngi loloke o ituxi ioso ia ngi nemena.

Makatukilu 4:31

Kifuẋi anga a xikana; o kia zubha kuívua kuma Jihova ua suu anʼa Izalaiele iú ua mono o jiphaxi jâ, ene a bheteka o mítue, anga a bheza.

Jisabhu 31:2

Eie Lemuuele, tata, monʼami ua phande-kumbi, nga ku ambela kiebhize? Kiebhi-ze monʼami? Kiebhi-ze tata, mona nga ku vuala mu mala diami? Kiebhi-ze, monʼami ua jiplomesa?

Ndongixi 5:4

Kioso ki u plometela kima kua Nzambi, bhanga na-kiu lusolo; kuma Nzambi kà uabhela ioua; kala kiki, ioso i ua polometela Nzambi, futa na-iu muene.

Ijila 27:2

Anʼa Izalaiele a tangele, u a ambela, kuma: Se bhu kala muthu uta hasa iê-muène, athu-phe kua Jihova kuta kuê akale ni suilu ioso i u a xindila eie, se hasa ia tokala muenhu ua muthu.

Dialuilu 21:2

Izalaiele anga a di hambelela kua Jihova, exi: Se kidi muene u ngi bhana kifuẋi kienhiki bhu maku mami, jimbonge jâ ngi ji buidisa muene.

Dialuilu 6:11

nganga anga u bhana kamoxi ku sata ia kituxi, ni kamukuá ku sata ia kuoha, mu ku mu bhuisa ikuma, mukonda ua te kituxi mu takana ni kimbi, anga u zelesa dingi mútue uê kizuua kienhókio.

Dialuilu 6:5

Izuua ioso ia hasa iê ia unazilé ki ku bhiti phoko ia bhutu ku mútue uê; katé kia kà-bhua izuua ioso ia di lumbila kua Jihova, u kala muthu ukôla; kindemba kiê ku mútue u kieha, ki lebha.

Dialuilu 6:8

Izuua ioso ia di lumbila, u kala muthu ukôla ua Jihova.

Afundixi 11:30

Jefete anga u di hambelela kua Jihova, uixi; Se kidi muene u ngi bhakuila anʼa Amone bhu lukualu luami,

Afundixi 13:5

Mukonda-ze, eie ua-nda kuimita, hinu u vuala monʼa diiala, mona-phe ua bhingi ki ku mu tula phoko ia bhutu ku mútue uê, mbata muene ua-ndu kala Nazilé ia Nzambi, a mu lumbila Nzambi tunde mu divumu dia mamʼâ; muene hinu ua kà kula Izalaiele bhu lukuaku lua akua Fidíxia.

I Samuuele 1:10

O muhatu mukonda kia mu ludila ku muẋima, u kala mu sambela Jihova, anga u kala mu dila kiavulu.

I Samuuele 1:12

Bhenhobho kiala kuenda ni kusamba kiki bhu pholo ia Jihova, Eli ua mu tongolola ku dikanu.

I Samuuele 1:19

Ki kúkia a di meneka, a bheza bhu pholo ia Jihova, anga a vutuka ku bhata diâ ku Lama. Elikana anga u ijiia mukajiʼê Hana, Jihova phe anga u ta muẋima kua Hana u mu lembalala dingi,

I Samuuele 1:22

Hana-phe u fula kubanda; kuma uambela munumʼie, uixi: Eme ki ngi bande luua, katé mona kia sumuka; o kia sumuka-phe kiene ki ngi mu ambata phala ni ngi mu bhakule bhu pholo ia Jihova, nʼa kalelè-ku kiá kuenhoko.

I Samuuele 1:27

Nga sambelele ku ngi bhana mona muenʼiú; Jihova iú ua ngi bhana ujitu uoso u nga mu bhingile.

I Samuuele 1:28

Mukonda dia kiki, eme uami nga mu lumbila Jihova, katé bhuoso bhua kà suka o muenhu uê. Ukala muthu uangene ua Jihova, mukonda ko kuê kuene ku nga mu bhingi. Anga u bheza Nzambi bhenhobho.

I Samuuele 2:20

Eli anga u benzela Elikana ni mukajiʼê, uixi: Jihova a ku bhane mbutu ku muhatu iú, bhu kididi kia ujitu ua bhingile muene kua Jihova. Anga aia ku bhata diâ.