I Phetele 5:9 - O Mikanda Ikola

⁹ Kolokotenu-phe mu kuxikana, mbé mu tene kubhânga ni Diabhu, kuma mua kʼijiia kuila jiphaxʼojo jene jimoxi ni jala kubhita-naju o jiphange jenu ja xikana, jala mu ngongo.

I Phetele 5:9 ပူးပေါင်းရင်းမြစ်များ

Luka 22:32

Eme-phe nga ku diondela, Ximá, phala o kuxikana kué ki kúbhue ni ku lémbue. Eie-phe, hinu ki u vutuka dingi kokuami, kolokotesa jiphange jé.

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Jipoxolo 14:22

Ene anga a kala mu kukolesa o miẋima ia jixibulu ni ku a longesa kujijila o kuxikana. A kala ue mu longa kuma tu bhinga tu bokona mu Utuminu ua Diulu mu kubhita ni malebhu mavulu.

I Kolindo 10:13

O jitendasa jene mù kuiza kokuenu, jene jimoxi ni jala kulua na-ju akuenu oso. Maji o Nzambi-phe kizuelu kiê u ki kumbidila, kehela ku mi diangula kia tundu o nguzu ienu. Maji kioso kʼ iza o mudiangu, Nzambi u mi bhana nguzu phala mu tene kubhalakata, ni ditundilu dia kutena kubhita.

Efezo 4:27

Diabhu kana ku mu bhana kididi.

Efezo 6:16

Ambatenu jinga ue o ngubu ia kuxikana, phala mu tene kujima na-iu o mifula ia Diabhu ia uama tubhia.

Kolose 2:5

Kuma sumbala mu xitu ngala kuengi, mu nzumbi-phe ngala kuene ku mualʼoko. Ngala mu tana mu kutala o ku di tuma kuenu mudienu, ni kukolokota kuenu mu kuxikana Kristu.

I Tesalonika 3:3

mbé ki bhu kale muthu mudienu u bhuila nʼa vutuke ku dima mukonda dia jihadi ni izudidiku. Kuma enʼuenu mua kʼ ijiia kuila a tu xindila-ju kuala Nzambi, mukonda iene ue o vondadi iê phala etu.

I Timote 6:12

ʼLua o ita iambote ia kuxikana, naminina o muenhu ki uabhue. Kuma kiene Nzambi kia kuixanena, kioso eie mu kuxikana kué ki ua fisalele bhu pholo ia jimbangi javulu.

II Timote 3:12

Kiene muene! Ene oso kiá a sola kuenda mu ukidistá kala ki andala Nzambi mua Kristu Jezú, andù tala hadi ni ku a zukutisa!

II Timote 4:7

Ngalu ita iambote, dikanga dia ngi xindile nga di zubha, o kuxikana ki nga ku eha.

Jihebeleu 11:33

Athu edile mu kuxikana kuâ, a tolola ilômbo ia muvimba. A iukisa milonga, hé a tambula o jipolomesa ja Nzambi. A xita o makanu ma jihoji.

Jihebeleu 12:8

O ki kala mua kambe ku mi longa, kala kiene ku a bhanga o ana oso a Nzambi, ki muala-phe mu anʼê angene, maji mu anʼa katumba.

Tiiaku 4:7

Uila kiki, tolokenu kua Nzambi; zokenu-phe ni Diabhu, muène u mi lenga.

I Phetele 1:6

Mukonda dia kiki, mua fuama mu sanguluka, sumbala kiosuʼiki kua bhingi mu di kuata mukondo, mukonda dia malamba ma vudila-ku, u muala kubhita na-u.

I Phetele 2:21

Mukonda enʼuenu Nzambi kiene kia mʼixanena. Mbata Kristu kiene kia tu talela hadi, iú ua tu xila o phangu, phala tu mu kaiele mu makanda.

I Phetele 3:14

Se enu mua tale hadi-phe mukonda dia kuiuka, mua zediua! Ki mu kale ni uôma ua muthu, ki mu tandanganhe.

I Phetele 4:13

Inda kiosuʼiki-phe a mi bhana-ku mbandu ku jiphaxi ja Kristu, tanenu-ku, phale bhuoso bhua kà tukuluka o fuma iê, enu uenu mua kà tana ni ngalasa iavulu.

Dijingunuinu 1:9

Eme Nzuá, ngi phangʼienu, ngi mukuenu mu hadi ia Jezú, ni mu Utuminu uê, ni mu kukolokota kuê, Nga kexile mu kikolo kia Pátamo, a ngi kuika mukonda dia kutanga maka ma Nzambi ni umbangi ua ima ia ngi tukuluila Jezú.

Dijingunuinu 6:11

Anga a a bhana izuatu izela, ene oso a sokelà-ku. Hé a ambela kuma a nhohe-ku hanji kathangana, katé ki tenena o konda ia jiselevende ni akuá o jiphange jâ, oso a-nda ku a jibha ue uila kia a jibhile ene.

Dijingunuinu 7:14

Nga mu ambela, ngixi: Eʼmuène, ngana, ua ejiia. Kuala muène: Enhá ene a tundu mu hadi ia dikota. Ene a sukula izuatu iâ, ia a i zelesa mu manhinga ma Kambudi.