I Phetele 5:8 - O Mikanda Ikola

⁸ Kalenu ku mesu azele, mu di lange! Kuma o nguma, Diabhu, ua di bhange, mukuâ ni hoji iala mu zuma, u nhunga jinga mu jimbamndu jenu mu kusota uoso a mu dia.

I Phetele 5:8 ပူးပေါင်းရင်းမြစ်များ

Estere 7:6

Kuala Estere: Sai ufe, sai muene nguma ia tu kanena kiki! Kingumba kienhiki muene-phe Hamane. Hamane bhenhobho uoma ua mu kuata kiavulu bhu pholo ia muenexi ni na mvuale.

Jobe 2:2

Bheneʼobho Ngana uambela Satana, uixi: Ua mu tunda kuebhi? Satana anga u vutuila Jihova, uixi: Mu ku kondoloka o ngongo ni ku nhunga-mu.

Jisálamu 104:21

Jindumbe ja jihoji, mu kusota mbole, anga jenda ni kuzuma, a mu bhinga kúdia kuâ, kua Nzambi.

Jisálamu 109:6

Muenhó, mu tele kisuéia ku pholo, phala a mu longe; bhu kale mutatedi u mu imanena ku madilu.

Jisabhu 19:12

Sobha, o ki muiza kutema, mukua ni muzonga ua hoji ia munzangala; o ki muiza kubhanga mbote, mukua ni dimume di tula ku kisasa.

Jisabhu 20:2

O njinda ia sobha, mukua ni hoji ki i dila; uoso u mu salumuna o njinda iê, ua di bhange-kiu, kuma ua di te o muenhu uê bhu kíbhidi.

Jisabhu 28:15

Mukua-phulu kia tambula ukota ua kutumina o muiji ua jingadiama, u di bhanga mukua ni hoji i nanga ni kuzuma, mba mukuâ ni kitôto kia di zekele nzala.

Izaía 50:8

Muene u ngi lungisa iú-ue bhua zukama; nanhi u ngi ta mulonga? Tu tukulukile bhuamoxi; nguma iami nanhi? a bhixile bhabha kokuami.

Jelemiia 2:15

(Kia bhingi) anʼa jihoji a zumina ku thandu diê, a ta muzonga; oxi iê a mu sekalesa-iu; o mabhata mê a mu jikatesa-u, utunga-mu ka moneka.

Jelemiia 51:38

A kà kumuina kumoxi kala minzangala ia jihoji; a kà di zumina muene kala tuana tua jihoji.

Izekiiele 19:7

Anga kejiia mu mazemba mâ, hé ka muanga-muanga o jimbanza jâ; o ixi ioso anga i muangana ni jinzungule jê joso ja athu, mu kuívua o kukoma kuê.

Izekiiele 22:25

O kikutu kia ufe, kia jipolofeta jê, kiala mu kaxi kê; mukua ni hoji ia mu zuma, ia lundama o mbole; ene uâ a dia o mienhu; o jimbongo ni ima iate kiavulu a i ambata, a vudisa nzungule ia atudi mu kaxi kê.

Daniiele 6:24

Sobha-phe u tuma ue kutakana mala ió oso a kunduile Daniiele, anga eza na-u, hé a a takula ue mu ngenda ia jihoje, ni ene, ni anʼâ, ni akajiʼâ. Mu ngenda-phe ka tula-mu luua bhoxi, jihoje ja a kambuila kiá bhulu bhene, anga ji a sasala ifuba.

Hozeia 11:10

Ene a kʼenda ni kukaiela jinga Jihova; muene ua-nda kukoma kala hoji; o kia koma, tuana tuoso tuene ku mufuila-kumbi a kʼèza ni kuteketa.

Hozeia 13:8

Ngi di takuila kua ene kala mama ia kitôto a mu nhana tuana tuê, ngʼa sana-sana o jingoji ja phumbulu; ngʼa dila bhenhobho mukuâ ni hoji, ngʼa sasujula muene kala ki bhanga o iama ia mukáu.

Jouele 3:16

Bheneʼobho Jihova ua kà hunza mu Ziione, ua kà bhana mbimbi iê mu Jeluzaleme, ni diulu, ni ixi ia kà teketa. Kieneʼokio Jihova phe ua kà kala lengelu dia mundu uê, muene kimbaka kia anʼa Izalaiele.

Amoji 1:2

Hé uzuela, uixi: Jihova ua kà hunza mu Ziione, ua kà bhela mbimbi iê mu Jeluzaleme; mu kikála mua tungile jinge o tubhila muà kala mukondo, o bhu thala ia mulundu ua Kalumelu bhua kà kukuta.

Amoji 3:4

Hoji i dilʼé ngó mu ditutu, se ki ia mono mbole? Kamona ka hoji kala mu ngenda, hé ua kevu kà dila, ki ka kuata kima?

Amoji 3:8

Hoji se ia didi, nanhi u kamba ku kala ni uoma? O Jihova, Nzambi, se ua zuela, nanhi u kamba kuzambula ni upolofeta?

Zakadiia 11:3

Ivuenu o kudikola kua abidi, kuma o fuma iâ ia muangana! Ivuenu o kudila kua anʼa jihoji mukonda izala ia Njolodá ki iala-ku dingi.

Zakadiia 3:1

Anga Nzambi u ngi londekeza o nganga ia dikota, Josuué, ua kexile bhu pholo ia Anju ia Jihova, ni Satana uaia ku lukuaku luê lua dilu phala kuenda ni ku mu tatela.

Matesu 13:39

O nguma uoso ua ji kuua, muene Diabhu; o thembu ia kubhongolola, o dizubhilu dia mundu; abhongolodi, o jianju.

Matesu 24:42

Langidilenu-phe! Mbata kizuua kià keza Ngana ienu ki mua kʼijiia.

Matesu 25:41

Muène anga ua kʼàmbela iá ala ku kiasu: Tundenu bhu mbandu iami, enu a mi bhubhidila kuala Nzambi! Ndenu mu túbhia ki tuà jima, a tu iudikila Diabhu ni ji-anju jê!

Matesu 4:1

Kutunda bhobho, Jezú a mu bheka kuala Nzumbi ia Nzambi ku mikáu iakukuta, phala Diabhu ku mu funhisa.

Matesu 4:11

Bhenhobho Diabhu ua mu ambudisa; o ji-anju anga jiza, ji kala ku mu xibhidila.

Marku 4:15

Oso-phe a a kuua bhu mbanduʼa njila, enhá, kia zubha kuívua maka, kithanganʼokio Satana uiza, u katula o maka oso a kuuile ku miẋima ia.

Luka 21:34

Mu ku zubha, Jezú uixi: Alukenu-phe, ki mu di jimbe! Miẋima ienu ni i biluke ia neme ni kúdia jifesa, ni kunua uhôlua, ni makubhindama ma muenhu iú, kizuua kiókio ni ki mi tukumuise kala mubhetu.

Luka 21:36

Uila kiki, di langienu-phe ithangana ioso, ni kudionda mu kusamba, phala mu tene kubhuluka ku ima ioso iíi, ni kuimana nzànza bhu pholo ia Monʼa Muthu.

Luka 22:31

Ngana uixi dingi: Ximá, Ximá, ivua kiambote: Satana ua mi binghi mbé ni a mi lole. Muène ua-nda ku mi bhiata mukuâ ni kidimakaji kia bhiata o tiliku mu ku i uanununa ni ibhiate.

Nzuá 8:44

Enu mua tokala ni tatʼ enu Diabhu, o jihanji ja tatʼ enu jene ji mua mesena kubhanga. Muène kijibhanganga tunde ku dimatekenu dia mundu, o mu kidi ka nangiê-mu, mukonda moxi diê ki mu moneka kidi. Diabhu kia zuela o makutu, u zuela ima iê-muène, kuma kiene o kífua kiê! Mukonda muène mukua makutu, muene tata ia makutu oso.

II Kolindo 2:11

Eme ngi loloka, mbebhu Satana ka tu bhite bhu mbandu, kuma jindunge jê ki tu kamba ku jʼijiia.

Efezo 4:27

Diabhu kana ku mu bhana kididi.

Efezo 6:11

Zuatenu kibhakatu kioso kia mi bhana Nzambi, phala mu di fikidile mu kubhânga ni jindunge joso ja Diabhu.

I Timote 2:15

Kiene ue kimoxi, muhatu hàdia ua kà bhulukila mu kuvuala ana, se u jijila kuenda mu kuxikana, ni mu henda, ni mu kukuata kilunji, ni mu kuzela moxi.

I Timote 2:9

Kiene ue, nginda ahatu a kemba ni izuatu ia fuama muthu ua sonhi, a kala jinjimu. Kana kukemba ni usamuinu ua bhônzo, mba matunda a ulu, mba ni jiphélula, ni izuatu iate kitadi kiavulu.

I Timote 3:11

Ahatuʼâ ue ki bhinga a kala jifiiele, ka kale ni jimbuèmbue. A kale ku mesu a zele, a kumbidile jinge mu ima ioso.

I Timote 3:2

Bispo-phe u bhinga ka kala ni kima kia ku mu elêsa na-kiu. U kala mukua muhatu uê umoxi, u kala mukua kilunji, mukua sonhi, mukua ujitu. U kala mukua kulangeka asonhi, muthu uala hete ia kulonga.

II Timote 4:17

Bhenhobho-phe Ngana ua ngʼimanena, ua ngi bhana nguzu, phala ngi tene kuzubha kubhana o Ngolokela, akua jixi joso, ka tokala ue mu muiji ua Jijudé, nʼévue. Iu ua ngi kudila mu kanu dia hoji.

Tito 1:8

A kale muthu u langeka asonhi, mukua kubindumuna, ua uabhela kubhanga mbote. Muthu ua tetuluka, mukua kidi, ua zele, ua di tumina muène.

Tito 2:12

O kiadi kienhiki ki tu longa kuma, tu ehe o kubhuma ni jihânji jaiibha ja mundu, phala tuende mu ngongo muenhumu ni kilunji, ni kuiuka, ni kuxila Nzambi.

Tito 2:2

Ambela adiakimi kuma a kale ku mesu azele, a kale ajitu, a kuate kilunji, a di sanze mu kuxikana kuâ, ni mu henda, ni mu kukolokota.

Tito 2:4

phala o jindenge jâ ja ahatu, a a sase ni kuzola jinga anumeʼâ, ni kuzola anʼâ.

Tito 2:6

Minzangala ia mala ue a longe kuximbakata.

Tiiaku 4:7

Uila kiki, tolokenu kua Nzambi; zokenu-phe ni Diabhu, muène u mi lenga.

I Phetele 1:13

Uila kiki, kalenu polondo. Mu kilunji di kutienu inhonga, mu kale ku mesu a zele, mu suime ni kudielela o kiadi kia kà mi bhekela, bhuoso bhu tukulukila Jezú Kristu.

I Phetele 4:7

Disukilu-phe dia ima ioso dia zukama. Kuatenu-phe kilunji, mu kale ku mesu azele, mu kale mù samba.

Dijingunuinu 12:10

Anga ngʼívua dízui dia dikota mu diulu, dixi: Kiki kueza ubhulukilu ua Nzambi ietu! Kiki o Nzambi ietu uedikiza o unéne uê kuila Muène Sobha! Kiki o Kristu iê, ua londekeza ki kala o ungana uê! Kuma o mutatedi ua jiphange jetu a mu lundumuna, ua kexile ku a tatela bhu pholo ia Nzambi muanha ni usuku, mu diulu a mu kaie-mu.

Dijingunuinu 12:12

Kala kiki, ku madiulu-phe tanenu-ku, ni enu oso mua tunga momo! Lamba dienu mu ngongo ni ku musanza! Mukonda Diabhu ua mi tulukila ni njinda iavulu, kuma muène uejiia kuila o thembu iê ia butu kia.

Dijingunuinu 12:9

Kimudikixi kia dikota anga a mu takuila ku kanga! A mu kaia, na Kinhoka Kiokulu, a mu ila Diabhu, a mu ila Satana, mukua kunganala o mundu uoso. A mu lundumuina mu ngongo, ni ji-anju jê a ji lundumuina-nê kumoxi.

Dijingunuinu 20:10

Bhenhobho, o Diabhu ua a bhombo, a mu takuila ue mu kizanga kia túbhia ni xofidi, mu ala kiá o kiama a mu takuila momo kumoxi ni polofeta ia makutu. Enhá à kala muenhomo, mu ku a tatesa usuku ni muanha, mu mivu ni mivu sè dizubhilu.

Dijingunuinu 20:2

Anga u kuata mudikixi, na kinhoka kiòkulu-ô, muène Diabhu, mba Satana, anga u mu kuta phala a bhange midi ia muvu bhu lubhambu.

Afundixi 14:5

Ku izúua Sansau u kulumuka ku Timinate, ni tatʼâ ni mamʼâ, anga u tula bhu mivide ia Timinate; kiedi-phe u bhixila bhenhobho u takana ni munzangala ua hoji, i kala mu ku mu zumina.