I Phetele 5:6 - O Mikanda Ikola

⁶ Uila kiki, batâmenu bhoxi dia lukuaku lua Nzambi lua suina, muène a mi zangeleke bhu kitangana kiatokala.

I Phetele 5:6 ပူးပေါင်းရင်းမြစ်များ

I Jisobha 21:29

Eie Akabe kua mu mono kuila uala ku di tululula bhu pholo iami? Mukonda-phe ua di tululula bhu pholo iami, uíndua iú u nga tange ku mu bhanga ki nga-nda ku u bheka mu izuua iê, kana; nga kà u bheka-phe mu izuua ia monʼê ku thandu dia dibhata diê.

II Jisobha 22:19

uixi: Mukonda o muxima ué ua teketa eie ua toloka bhu pholo ia Jihova, kioso ki uevu ki nga zuela ku kididi kiki, ni ku iá oso a tunga-bhu, kuma a kexila-bhu dibuikilu ni uíndua, eie-eie ua tandula o izuatu ié, ni kudidila bhu mesuʼami, eme ue nga kuʼivu, Jihova muene ua ki tange.

II Malunda 12:12

Kioso muene kia di bhombo, o njinda ia Jihova ki i mu tula dingi phala ki i mu sengulule nʼa jimina-ku; mukonda hanji mu Juda mua kexile ima ia mbote.

II Malunda 30:11

Sumbala kiene, maji amoxi-mu, ku akua Asele, ni ku akua Manasa, ni akua Nzebulone, a toloka, ia eza mu Jeluzaleme.

II Malunda 32:26

Ezekiia-phe anga u di tolesa mukonda dia kudizangeleka kua muẋima uê, ni muene ni ene oso a tungu mu Jeluzaleme anga o njinda ia dikota ia Jihova i fula kuiza ku thandu diâ mu izuua ia Ezekiia.

II Malunda 33:12

O muene, kia mu iza o kubhindama, ua sambe kiavulu kua Jihova Nzambi iê, anga u di bhomba, u toloka muene kiavulu kua Nzambi ia jitata jê.

II Malunda 33:19

Ni musambu uê ua sambela Nzambi, ni kioso Ngana Nzambi kia mu tambuijila anga u sosoloka mu kutema kuê, ni kituxi kiê kioso ni mulonga uê, ni ididi ioso ia tungile matala anga u i kuna mixitu ni ku ta-mu iteka ia kusonga, kioso hanji sobha kiluua a toloka kua Jihova, tala ima ioso iii a i soneka mu madivulu ma akua kuzambula.

II Malunda 33:23

Maji ua tokoka o ku tolokela Jihova kala kia tolokele Manasa dia tatʼâ; muene-phe kia mu kexile kota o kuvudisa dingi o ikuma ni milonga iê.

II Malunda 36:12

Anga u bhanga muene ima ia ibha ku mesu ma Jihova, Nzambi iê; nguê ku di tolesa bhu pholo ia polofeta Jelemiia, ua kexi mu ku ta maka kumbandu ia Jihova.

Jobe 36:22

Tala-phe, Nzambi u diʼdikiza kuma muene munéne mu kutena kuê! Nanhi u longa kala muene?

Jisálamu 75:10

Jimbinga ja isuéia ngi ji batula muene; maji o jimbinga ja iá aiuka-phe ji kala mu kuimana.

Jisálamu 89:13

Eie o lukuaku lué luala ni nguzu ia kindanda; o lukuaku lué lua suína, o lua dilu se ua lu sunununa lu bhanga muene madiuanu!

Makatukilu 10:3

Mozé ni Alá anga aia a bokona kua Falaó, a mu ambela, exi: O Jihova, Nzambi ia Jihebeleu uambe kiki: Eie u dituna katé bhebhi kutoloka bhu pholo iami? Eha o mundu uami, phala aie a ngi bhikile.

Makatukilu 3:19

Eme nga kʼijiia-phe kuma muenexiʼa Ijitu ka-nda kuẋikina ku mi eha, se a kamba ku mu bhinjika kuala lukuaku lua nguzu.

Makatukilu 32:11

Mozé anga u dionda Nzambi iê, uixi: Phalahi Ngana, njinda ié i uama ku mundu ué u ua katula mu Ijitu ni kusuina kuavulu ni lukuaku lua undanda?

Jisabhu 29:23

Muthu mukua ukumbu, o ukumbu uê uene hádia u mu katula o kijingo; maji o mukua muẋima ua batama-phe u bonga ujitu.

Izaía 2:11

O mesu ma bhumu, ma athu, a kà a tululula; o kuzangalala kua makuenze kua kà tunuka; bhu kumbiʼodio Jihova muene ngó a kà mu zangeleka.

Izaía 40:4

Jihonga a kà ji lamba, milundu ionéne ni iòfele a kà i sengulula; Kioso kia bhengalala a kà ki iukisa, o kia kundamana a kà ki sokelesa.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Jelemiia 13:18

Tangela sobha ni na mvuale: Ditulululienu, mu xikame bhoxi; mbata o makembu oso a mítue ienu a sonoka kiá, o kitundu kia kizunda kienu.

Jelemiia 44:10

Nguâ ku di tolesa katé mu kizuua kia lelu, mba a kala ni uoma, mba enda mu ngonge iami, mba mu itumu iami i nga te bhu pholo ienu ni bhu pholo ia jitata jenu.

Izekiiele 17:21

O jingômbo jê joso ni masoladi ê oso, a kà-bua ngàmbu ku xibhata, o ió oso a kà subhukabhu a kà a muangena mu jimbandu joso; kiene ki mua kà kʼijiia kuila eme ngi Jihova nga ki tange.

Izekiiele 21:6

Eie-phe, tata, monʼa diiala, di-tule muenhu; di-tule muene o muenhu bhu mesuʼâ ni mukondo uoso ua muẋima ni kikote.

Daniiele 5:22

Eie-phe, tata, Belxazale, u monʼê, ua lémbua kubatamesa muẋima ué, sumbala ima ioso iii ua ijiia muene kiambote.

Ijila 26:41

Eme uami, mu kuenda-nâ ene, nga a balukila jinga ʼte ki nga a tande mʼoxi ia jinguma jâ; bhenhobho-phe se o muxima uâ ua dibôlo u di tululula, anga o kibetuʼiki kia ikuma iâ a di ẋikina na-kiu, kuamba kia a fuama,

Mikeia 6:8

Muene ka kuambela kiá, eie u muthu ua-kimi, kioso kia uabha, kia fuama, kia solo Ngana kuma kiene ki u bhanga, kuila ubhanga jinga kuiuka ni kubatula mu kidi, uzola kubhanga o mbote, ukala jinga mu kuenda bhu pholo ia Nzambi ié ni ku di tululula?

Matesu 23:12

Uoso u di zangeleka, a kà mu tululula; ni ió uoso u di tolesa, a kà mu zangeleka.

Luka 1:52

Anʼa jingana ua a tulula ku iandu, iú ua bandesa-ku a tolo o majina.

Luka 14:11

Mukonda uoso u di zangula, a mu tulula; o uoso-phe u di tolesa, a mu zangula.

Luka 18:14

Ngi mi ambela kuma, iú ua kulumuka ni muẋima uazele ku bhata diê, o mukuá, kana! Mukonda uoso u di zangula, a mu tulula; o uoso-phe u di tulula, a mu zangula.

Loma 5:6

Kuma ki tua kexile hanji tua lémbua kubhanga kima kioso-kioso, Kristu kia bhixila bhu thembu iê ia solo Nzambi, ua fuila athu abhumu bhu kididi.

I Kolindo 10:22

Inga tua mesena kuila Ngana tu mu bhekela difuba? Enu mua xinganeka kuila etu kifua tua mu tundu mu kusuina?

Matendelelu 32:35

Phonzo ia ngi tokala eme, eme-muène ngi futa bhu kizuua kiê; sai bhuoso mungu bhua kà ẋangumukina o dikanda diâ; mbata o kizuua kiâ kia kusenguluka kiazukama. O ima-phe ia-nda kubhita-na-iu kindala ia-nda kuiza muene, ki i kokoloka.

I Timote 2:6

ua di bhele kíximbi kia ku tu kula etu ene oso. O iú uene umbangi uê uaxalela, ua bhana bhu thembu ioso ia tokala, kuila Nzambi uendi athu oso a bhuluka.

Tito 1:3

Maji bhu thembu iê, muène iú ua tu tukuluila o muenhu uenhú mu maka mê ma tu ambela. Eme-phe ia a ngi bhana kuxika ngonge ia maka enhá, u ngala kutula ku mundu uila kia ngi tumu Nzambi, Mubhuludi uetu.

Tiiaku 4:10

Di tolesienu bhu pholo ia Ngana, muène anga u mi zangeleka.

Tiiaku 4:7

Uila kiki, tolokenu kua Nzambi; zokenu-phe ni Diabhu, muène u mi lenga.

Tiiaku 5:10

Xinganekenu, enu jiphange, o jipolofetʼ ojo ja zuelele mu dijina dia Ngana, kia tu bhana phangu mu kutala hadi, ni mu kukuata kinhenge.