I Phetele 5:5 - O Mikanda Ikola

⁵ Enu mu minzangala ue kiene, beleselenu adiakime. Katé ni enʼuenu oso di kutienu o kubatama kua ku di bhikila mudienu, kuma o Mikanda ia Ngana, iambe iexi: Nzambi u bhânga ni akua izala, u bhana-phe ujitu oso a batâma.

I Phetele 5:5 ပူးပေါင်းရင်းမြစ်များ

II Malunda 6:41

Balumuka-phe kiá kindala, Ngana Nzambi, u bokone mu kibuta kié, nʼEie ni álaka ia kusuina kué; o jinganga jé, Ngana Nzambi, a a zuike ubhulukilu, o athuʼê a ngene a sanguluke ni mbote.

Jobe 22:29

O iá kiʼaia ni ku kulumuka, eie-phe ua kèla uixi: Bhulu! Anga Nzambi ua kà bhulula uoso ua di tolesa.

Jobe 29:14

Eme nga di vunga jinga o kuiuka, o kuene kua dibhangele kiá kiene o kizuatu kiami, o kubhanga ima ia ku kamba kathômbo kua di bhangele kiá diene o divunga diami ni kitundu kiami kia mútue.

Jisálamu 132:16

Jinganga jê ngi ji zuika kubhanduluka; akua bhata momo, a zanzuka, ni kusanguluka!

Jisálamu 132:9

Jinganga jé ji zuate kukumbidila ni kubatula mu kidi, o athu é angene a sanzuke ni kusanguluka.

Jisálamu 138:6

Kuma Jihova sumbala kota dia ngana, maji u suua ió ua batama; mukua izala-phe u mu muena ngó mu kanga.

Jisabhu 25:7

Mukonda sembele a ku idi: Banda bhabha; ki ki soko ni ku ku tulula hé a ku tununa bhu pholo ia mundu ni ia sobha ua mu mono kiá ni mesu mé.

Jisabhu 3:34

Kutanga kidi, o jisemenhi muene ue u a bhanga kasekelelu; u bhana-phe kiadi kua oso a talamana.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Izaía 61:10

Nga kà sangulukila kiavulu mua Jihova, muẋima uami u tanena mua Nzambi iami; mukonda ua ngi zuika ni izuatu ia kubhuluka, ua ngi vungu dibeka dia kuiuka, mukuâ ni ngàiala ua kembela ubhanga, kala dibhanga dia di-zakela ni makembu mê.

Izaía 66:2

Kuma lukuaku luami luene lua bhange imbamba iosuʼiii, imbamba iosuʼiii í iòbhange, kiene kiambe Jihova; maji, ivua uoso ngi mu tala: Eme ngi suua uoso ngadiama uala ni muẋima ua toloka, anga u kenanena kizuelu kiami, ió muene ngi mu suua.

Izekiiele 26:16

Ilamba ioso ku musanza a kà tuluka ku iandu iâ, hé a kà di vulumuna o mavunga mâ, o izuatu iâ ia kubolodala a kà i zula; a kà zuata kimbulambula a kà xikama mu mavu hé aia ni kuteketa ithangana ioso; anga a kà kakuka mukonda dié-eie.

Daniiele 11:12

Mu kuila kifuẋi kiokio ua ki jimisa o mbutu, mu muẋima uê mua kʼèza izala; maji né ua jibha makuinhi a jimidi, o kutolola ka-nda kutena.

Ijila 19:32

Ki u mona mukua-jimvi, mu balumukine; o muadiakimi uasunga-ku kiá, u mu jingisa; Nzambi ié mu xile jinge: Eme-muene Jihova.

Luka 22:26

Enu-phe mudienu, ki kiene ki ki kala. Mudienu uoso ua beta o ukota, a kale kala muène o ndenge; o uoso u tumina, a kale kala muène ala ku mu tumina.

Loma 12:10

Di zodienu mudienu mu undandu uambote mua Kristu, o mu ujitu kala muthu a xile mukuâ.

Loma 13:14

Maji kuatenu o mata a Ngana Jezú Kristu, o xitu ki mu i te dingi muẋima, kuila mu kaiela ngó kubhanga o jihanji jê.

Efezo 5:21

Anga muia ni ku di belesela enu-enu mudienu, mu uôma ua Kristu.

Filipe 2:3

Ki mu bhange kima ni masunga a kusota ngó mbote ienu, mba izala ia ku mi ximana. Maji ni kubatama, kala muthu a kite mukuâ kota diê; Kana ku di fika kuila mua beta kuiuka o akuenu ndenge.

Kolose 3:12

Enu phe muala mu athu a Nzambi. Muene ua mi tungula phala mu kale mu athu ê, ua mi lumbu, ua mi zola. Kala kiki, enu zuatenu muẋima uanengana, ni kunheṗhuka, ni kubatama, ni kubelesela, ni kuxidikika.

I Timote 5:1

Kana kubazela muadiakimi, inda u mu dionda kala tatʼenu. Minzangala ia mala di tume-nâ kala jiphange jé,

Jihebeleu 13:17

Enió oso a mi kala ku pholo a tumakienu, mu itaie ioso ia mi mesena ku bhanga. Kuma ene a mi lange o mienhu ienu, mbata athu a bhinga hinu a kà ki bhela konda kua Nzambi. Se enu mu a tumaka, ene o kikalakalu a ki bhanga ni ngalasa, kuma se o kikalakalu a ki bhanga ni malamba, enu ki kala kima kia kuxixima kuenu.

Tiiaku 4:6

Maji o dikuatekesu di tu bhana Nzambi phe, dia beta kota mu ujitu. Mukonda o Mikanda ia Ngana, iexi: Nzambi u zoka ni akua izala, maji oso a batama u a kuatekesa ni kiadi kiê.

I Phetele 3:8

Mu kuzubha-phe, kalenu ni muẋima umoxi ni kixinganeku kimoxi, mu di xinganeke jinge mudienu. Mu di zole kala mu jiphange, mu nengane miẋima, mu batâma.

I Phetele 4:1

Ki tualʼiki-phe kuma Kristu mu xitu ua tale hadi, enu uenu kuatenu kilunji kimoxi ni kia muène, mu kutala hadi uila kia i tale muène. Kuma ió uoso ua tale hadi mu xitu, ua zumbuka kiá ku ituxi.

I Phetele 4:5

A kà ki bhela konda-phe kua ió uala polondo ia kufundisa athu a muenhu ni madifundu.