I Phetele 5:4 - O Mikanda Ikola

⁴ Kioso o Mubhidi ua Dikota-phe kia kà tukuluka, mu tambule kitundu ki kia kà lela dingi.

I Phetele 5:4 ပူးပေါင်းရင်းမြစ်များ

Jisálamu 23:1

Jihova mubidi uami uala ku ngʼinga ki ngi bhindama ni kima kana.

Izaía 40:11

O kilunga kiê, ua kà ki disa kala mubidi; O tumbudi ua kà tu ongeka bhu maku, hé u tu akata bhu jihata jê; o joso javuala, muene u ji endesa kilendu.

Izekiiele 34:23

Anga nga kà jʼimikina mubidi umoxi ngó u kala ku thandu diâ, muene hé ua kà jʼinga; o mubhikʼami Davidi muene ua-nda kua kà jʼinga; muene ua-nda kukituka kafunga kâ.

Izekiiele 37:24

Anga o mubhikʼami Davidi muene ua kà kala sobha iâ, ene oso hé a kà kala ni mubidi umoxi ngó; anga a kʼèndela mu mabatuilu mami, enda ni kualuka o jingonge jami ni ku ji bhanga.

Daniiele 12:3

Oso a dimukine mu kuenda kuâ, a kà lekujuka kala ki benha o muanha ua diulu, oso a longa jinga o mundu ku sota ni kukaiela o kulunga, à kà benha mukuâ ni jithéthembua katé ku hádia ni hádia.

Zakadiia 13:7

Eie xibhata, balumuka u bilukile o Mubidi uami, ni muthu ió ngene-nê kumoxi, mukua kisoko kiami, Jihova dia Ifuẋi ua-lu zuela, uixi: Mubidi mu kuame, nda o jimbudi ji muangane; maji lukuaku luami lua kà lungulukila katé ni ku jindenge.

Nzuá 10:11

Eme ngi mubidi uambote. O mubidi uambote, u bhana o muenhu uê bhu kididi kia jimbudi jê.

I Kolindo 9:25

Uoso ue u di longa o nguzu bhu matonokenu, u kala bhoxi kia ijila ia nguzu, u i kumbidila muene mu ima ioso. Muene-phe u ki bhangela o kutambula o kitundu ki lela kindala. Maji etu-phe tu ki bnhangela kutambula o kitundu ki kia kà lela dingi.

II Timote 4:8

Tundé kiki, kua ngi xikamena kiá kitundu kia kuiuka, Ngana, o Mufundixi uaiuka, ua kà ngi bhana-kiu bhu kizuua kiná; ki eme ngó a ngi bhana, maji ni ene oso kiá a zola o ku di mona mi Muène kià kèza.

Jihebeleu 13:20

Kiki-phe Nzambi ua fukununa Ngana ietu Jezú mu madifundu, o mukonda dia kufua kuê, muène o Mubidi ua Dikota ua jimbudi. Uila kiki, mu manhinga ma Jezú, o kikutu ki nangenena a ki kolêsa ni kidimbu.

Tiiaku 1:12

Ua zediua o muthu u kolokota mu lamba, anga u kala fiiele. Kuma kia zubha ku mu lola mu malamba enhó, ua kà tambula kitundu kia muenhu, kia tange Nagana kubhana oso a mu zola.

I Phetele 1:4

Uila kiki, tua kinga kutambula kua Nzambi o mabesá ma bhakela o mundu uê. Muanda kumona o undundu ki uene kubola, ki uene kuxila, ku uene kulela, ua mi xikamena ku diulu.

I Phetele 2:25

Kuma enu mua jimbidile kala mu jimbudi ja jimbila o njila. Maji kiki-phe a mi vutula dingi mu bhongolokela kukaiela o Mubidi, Muingi ua mienhu ienu.

I Phetele 5:2

Kuila ingenu o kilunga kia Nzambi ku mualʼoko, ni ku ki tambula konda, kana ni usudi, maji ni vondadi ioso, kioso kia mesena Nzambi. Ki mu ki bhangela nganhu iaxidi, maji mu ki bhangela o muẋima ua mi tumu ku di bheka mu kusedivila.

I Nzuá 3:2

Enu akuetu, nga mi zola, kiki tuala tu anʼa Nzambi, maji kiluua-phe tu kʼijiia kioso ki tuà kala. Inda, tuejiia ngó kuila, se muène Kristu uedi u tukuluka, etu uetu tua kà di fuangana-nê, mukonda tua kà mu mona katé ni kidifua kiê muène kioso kiala.

Dijingunuinu 1:7

Talesenu, muène hinu uiza ku matuta! Ene oso a ka mu mona mesu, katé ni ió oso a mu kubuile. Miji ioso mu ngongo ia kà dila jingololo mukonda diê. Kiene muene. Amén!

Dijingunuinu 2:10

Ku kale ni uôma ua jiphaxi ji ua-nda kubhita na-ju. Talesenu, amoxi mudienu, Diabhu ua-nda ku mi ta muʼaleia phala ku mi lola. Mu tala hadi mu kuinhi dia izuua. Kala-phe u fiiele katé bhʼufilu, eme ngi ku bhana o kitundu kia muenhu.

Dijingunuinu 3:11

Ngiza kindala! Eie naminina kioso ki uala na-kiu, kana muthu a ku tambule o kitundu kié.