I Phetele 5:14 - O Mikanda Ikola

¹⁴ Di menekenienu mudienu ni beju ia henda. O kutululuka kukale ni enu oso muala mua Kristu.

I Phetele 5:14 ပူးပေါင်းရင်းမြစ်များ

Matesu 5:47

Se mu menekena ngó o jindandu jenu, muila muexi tua bhange-hi? Manhi ni akua matumbu, kejiia Nzambi, kene ue ku ki bhanga?

Nzuá 14:27

Enu nga mi xila o kutululuka kuami; o kutululuka kuami ku nga mi bhana. O kuami eme ki ngi ku bhana kala ki ku bhana o mundu. Mixima ki i mi kenane, ki mu kale ni uôma.

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Nzuá 20:19

Kutula mu ngoloxi, kizuua kia Lumingu kienhiki, o kizuua kiadianga kia semana, kuila mabhitu a ma jika bhu kididi bhuala o jixibulu, mukonda dia uôma ua Jijudé, Jezú uiza, uimana mu ʼaxaxe kâ, hé ua ambela, uixi: O uembu u kale ni enu!

Nzuá 20:26

Kia bhiti nake dia izuua, jixibulu ji kala luamukuá mʼ onzo, ni Tomé iú momo. Jezú anga uiza, sumbala o mabhitu mòjike kiá, anga uimana bhu ʼaxaxe kâ, uixi: O uembu u kale ni enu!

Loma 1:7

Uila kiki, nga mi sonekena enu oso muala ku Loma, enu a mi zola kuala Nzambi, iú ua mʼ ixana phala kukala mu mundu uê. Ku kale kiadi ku mualʼ oko, ni paze i tunda kua Nzambi Tata ietu, ni Ngana Jezú Kristu.

Loma 16:16

Dimenekenienu mudienu ni beju ia ujitu. Jingeleja joso ja Kristu ja mi menekena enu.

Loma 8:1

Kiki kiá kana-ku dingi kuêla kua ió ala mua Kristu Jezú.

I Kolindo 1:30

Maji enu-phe Nzambi muene ua mi ongeka kumoxi ni Kristu Jezú, a mu bhange kuala Nzambi kukala muene unjimu uetu. O mua Kristu muene mua tu ẋikinina Nzambi bhu pholo iê, ni ku tu bhanga tu mundu ua ngene ua Nzambi, iú ua tu bhulula.

I Kolindo 16:20

O jiphange joso kunu ja mi menekena. Di menekenienu mudienu ni mukinu ua ujitu.

II Kolindo 13:12

Di menekenienu mudienu ni beju ia uphange mua Kristu.

II Kolindo 5:17

Kienhiki se muthu u kala mua Kristu, muthu uengi ua di bhange. Kuma ima iokulu ia bhiti, talesa, ima ioso ieza ku ubhe.

Efezo 6:23

Jiphange koko a kale ni paze, ni henda kumoxi ni kuxikana, i tunda kua Nzambi Tata, ni kua Ngana Jezú Kristu.

I Tesalonika 5:26

Jiphange joso koko a menekenienu ni beju ia ujitu.

I Phetele 1:2

Enu oso a mi sola kuala Nzambi Tata mu kuijiia kuê kua ima ia kèza-ku, a mi bhana o kuzela kua muẋima kua kalakala o Nzumbi iê, phala ku mi longa o kutumaka Jezú Kristu, ni ku mi sangela o manhinga mê. O kiadi ki di xale dingi kiavulu mudienu, kumoxi ni kutululuka kua Nzambi.

III Nzuá 1:14

Nga kinga-phe kuila ngi ku sanga koko kindala, ni tu di kunde pholo, ni pholo.