I Phetele 5:10 - O Mikanda Ikola

¹⁰ O Nzambi-phe ia kiadi kioso, ua mʼixana mua Kristu ku fuma iê ia kalelà-ku, ki mua kà zubha kathangana ka kutala hadi, muène-muene u mi tenesa, u mi kuatesa, u mi suinisa.

I Phetele 5:10 ပူးပေါင်းရင်းမြစ်များ

Jisálamu 119:28

Muenhu uami ua botomoka ni lamba; eie-muène u ngi bhana nguzu ka kiambe o maka mé.

Jisálamu 138:7

Né-mbe ngʼenda mu axaxi ka malamba, eie, Ngana, u ngʼinga, ngi laia muene; kuma u tula lukuaku lué ku jinguma ja ngi kala ni njinda, o lukuaku lué lua kúdia, lu ngi bhulula.

Jisálamu 86:15

Maji Eie-phe, Ngana, u Nzambi ia jihenda, uezala ni kiadi, ua kokoloka o kutema, eie ua vula o kulenduka ni kidi.

Jisálamu 86:5

Kuma, eie Ngana, u muthu uambote, u lenguluka kuloloka, uene mu lendukila kiavulu oso a dikola ko kué.

Zakadiia 10:12

Eme anga nga kà a suinisina mua Jihova, a kèndela jinga mu dijina diê, Jihova muene ua ki tange.

Zakadiia 10:6

Nga kà suinisa o dibhata dia Juda; nga kà bhulula o dibhata dia Zuze; anga nga kà bhangesa kuila a vutuka dingi mbata nga kà a kuatela henda; anga a kèla kala eme ki ngi di tunine-nâ, mbata eme ngi Jihova Nzambi iâ, nga kà evua muene.

Luka 22:32

Eme-phe nga ku diondela, Ximá, phala o kuxikana kué ki kúbhue ni ku lémbue. Eie-phe, hinu ki u vutuka dingi kokuami, kolokotesa jiphange jé.

Loma 15:13

O kiki Nzambi mukua ku tu bhana o kudielela, a mʼ izalese ni ngalasa ni paze, mu kuxikana ku mua mu xikana Muène, phala o kudielela kuenu kuende ni kukula dingi mu nguzu ia Nzumbi Ikôla.

Loma 15:5

Kala kiki, o Nzambi mukua kubhana o kinhenge ni kubhuisa o uôma, a mi bhane o kukala ni muẋima umoxi mudienu, mu kukaiela o phangu ia Jezú Kristu.

Loma 16:25

Tu ximane Nzambi! Kala ki nga mu tanga mu Njimbu Iambote i nga mu kola—o Njimbu ia tokala Jezú Kristu—kuila Nzambi ua soko-bho ku mi bhaka mu kuxikana. Kala ue ki kia tukuluka mu kijinganu kiòbhake mu kabuu mu jihama ja mivu ni mivu, tunde mu xahùlu.

Loma 9:11

o ana ene kiluua a a vuala, kiluua a bhanga kima kiauabha mba kiaiibha, phala o vondadi ia Nzambi ia kusola nʼ a ijiie kuila kana mu imbamba ia kubhanga, maji mù kuixana kua Nzambi muene,

Loma 9:24

Mukonda etu-ene oso, Nzambi ua tu ixana; kana ngó o Jijudé, maji ue ni akua jixi jengi, ki Jijudé.

I Kolindo 1:10

Nga mi diondo-phe, jiphange, mu dijina dia Ngana ietu Jezú Kristu, kuila mu dʼivua jinga kiambote mu kuzuela, ki mu kale mu kudiuana-uana ku ibuka-ibuka mudienu. Inda mu kala kumoxi kiambote mudienu, mu kala ni kilunji kimoxi, mu fika kiene kimoxi.

I Kolindo 1:9

Nzambi uene fiiele, muéne ua mʼ ixana phala ni mu tena kuiza mu kisangela kia Monʼ ê Jezú Kristu, Ngana ietu.

II Kolindo 13:11

Kia xala-ku phange jami, nga mi lekela. Sotenu o kutenena. Ivenu kiambote ioso i nga mù mi ambela. Kalenu muẋima umoxi. Tungenu ni paze. O Nzambi ia henda ni paze anga u kala ni enu.

II Kolindo 4:17

Kuma o hadi ietu iii i tua mu bhita na-iu iabhebhuluka, ia kithangana ngó, hinu i tu bhekela kuzediua kuavulu kinéne, kua beta ukota o hadi iii ndenge, kuxalela-ku ndú ku hadia ni hadia.

Filipe 4:13

Ima ioso nga soko na-iu mua Kristu ió mukua ku ngi bhana o kutena.

Kolose 2:7

Mu ta jindanji jenu mua muéne, anga mu sabhuka mua muène, mua di sokejeka mienhu ienu mua muène, mua kolo mu kuxikana kuenu, kala kioso kia mi longo na-ku. Hé muizala ue ni ku mu sakidila jinga muène.

I Tesalonika 2:12

Mbebhu enu phala muende kioso kia fuama kuuabhela Nzambi ua mʼixana kuzuama ku Utuminu uê ni ku fuma iê.

II Tesalonika 2:14

O Nzambi muène iú ua mʼixanena mu Njimbu ietu Iambote i tua kola, phala mu tambule ue mbandu ku fuma ia Ngana ietu Jezú Kristu.

II Tesalonika 2:17

a mi izalese o miẋima ni kubhua uôma, a mi suinise ni mu kuzuela ni mu kubhanga ima ioso iambote.

II Tesalonika 3:3

Maji o Ngana-phe uala fiiele. Muène u mi suinisa, u mi langa, phala o Mudiangudi ió ka mi kuate.

I Timote 6:12

ʼLua o ita iambote ia kuxikana, naminina o muenhu ki uabhue. Kuma kiene Nzambi kia kuixanena, kioso eie mu kuxikana kué ki ua fisalele bhu pholo ia jimbangi javulu.

II Timote 1:9

Kuma muène ua tu bhulula, iú ua tu ixana ni kixanu kikôla, phala, tu kale tu mundu uê. O kiki ki kia kaiela mu imbamba i tu bhanga etu, maji kia kaiela mu kikanenu kiê-Muène, ni mu kiadi kiê. Muène o kiadi kiki ua tu muesa-kiu mua Kristu Jezú, tundé xahulu, ku dimatekenu.

II Timote 2:10

Uila kiki, ima ioso ngi kolokota na-iu, mukonda dia athu a ngene a Nzambi òsole. Ngi ki bhangela phala a tambule ubhulukilu uene mua Kristu Jezú, kumoxi ni kijîngo ki kié-kiene kutunuka dingi.

Jihebeleu 9:15

Kienʼ iki-phe, Kristu kiene kia mu bhekela kukala mutesi a kikutu kiobhe, phala oso ngó a exana kuala Nzambi a tene kutambula o mabesá ma nangenena ma polomesa iê. Kuma sai kalunga ka bhitile-bhu phala kutena kukula o athu ku ituxi iâ ia tele mu thembu ia kikutu kia diangele-ku.

I Phetele 1:15

Kuma-phe o Nzambi ua mʼ ixana ua zela, enu uenu ki kale mu zela mu uendelu uenu uoso.

I Phetele 4:10

Muthu uoso uhete uê ua tambula kua Nzambi a u kumbidile mudienu, kala mufuni ua mbote ua kiadi kia Nzambi kia vula o matelu phala mbote ue ia akuâ.

I Phetele 4:11

Uoso u zuela, a zuele kala kia fuama o maka ma Nzambi. O uoso u sedivila, a sedivile ku nguzu ia mu bhana Nzambi. Mu bhanga jinga kienhiki phala Nzambi a fumane mu ima ioso kua Jezú Kristu uavu o fuma ni unéne mu mivu ni mivu sé dizubhilu! Amén.

II Phetele 1:3

Kuma o kutena kua Nzambi kua tu bhana o ima ioso i tua bhindamena, phala tu kale ni muenhu, ni uendelu uambote; a tu bhana-iu mu ku dʼijiia ni muène, ió ua tu ixana phala tu kale ni mbandu ku fuma iê ni mbote iê.

I Nzuá 2:25

Kuku kuene o kukana Kristu kua tu kanena etuʼoso, kua ku tu bhana o muenhu ki uàbhua.

Juda 1:24

O kiki Nzambi ió ua tena ku mi fudisa ku-di-bhukana ni mu di bhale, ua tena ku mi bhixidisa bhu pholo ia kubenha kuê ni kusanguluka, sé ngó kisemu,