I Phetele 5:1 - O Mikanda Ikola

¹ Kiki-phe adikime mudienu nga a longesa, ngi muadikime ua Ngeleja ni mukuâ. Kuma ngi mbangi ia jiphaxi ja Kristu, ngi muthu nga tokala ue mu fuma ia kà tukuluka.

I Phetele 5:1 ပူးပေါင်းရင်းမြစ်များ

Luka 24:48

Enu-phe mu jimbangi ja ima ienhiʼii.

Jipoxolo 1:22

tunde bhu batizu ia Nzuá, katé bhu kizuua kia tu tambulanê ku diulu, kua bhingi tu sola-ku muthu, tu kale-nê mbangi ia kufukunuka kuê.

Jipoxolo 1:8

Maji enu-phe muandu tambula kutena, ki anda kuiza Nzumbi Ikôla ku thandu dienu. Mua kà ngi kalela jimbangi, ni mu Jeluzaleme, ni mu Judeia ioso, ni mu Samádia, katé ni ku maẋokololo ma jixi.

Jipoxolo 11:30

Anga a ki bhanga, o kitadi a ki tumikisa adiakimi a Ngeleja; ki endela ku maku ma Saúlu ni Barnabé.

Jipoxolo 14:23

O kia zubha kunomiiala adiakime a kala ku pholo mu Ngeleja joso, ni kusamba, ni kujila, a a xalesa ni Ngana, uoso a mu xikana.

Jipoxolo 15:4

O kia zubha kutula mu Jeluzaleme, a a tambulula kuala o Ngeleja, ni Jipoxolo, ni adiakime. Ene anga a a kunda ima ioso ia bhange Nzambi mua ene.

Jipoxolo 15:6

Bhenhobho o Jipoxolo ni adiakime anga a di bhongolola mu kutetulula o makʼ ama.

Jipoxolo 2:32

Jezú muenʼ iú, Nzambi ua mu fukununa, etu oso tu jimbangi jê.

Jipoxolo 20:17

Ku Mileto Phaulu anga u tuma ku Efezo kuixana-ku adiakime a ngeleja ni eze ku di mona-nê.

Jipoxolo 20:28

Di langienu-phe enʼuenu, ni kilunga kioso, kuma o Nzumbi Ikôla ua mi bhange mu abidi a kilunga kienʼiki. Kalenu-phe mu abidi a ngeleja ia Ngana Nzambi, kuma Muène ua i sumbu ni manhinga ma Monʼ êlele muene.

Jipoxolo 21:18

Ki kukia, ni Phaulu ni etu tuia mu kudimona ni Tiiaku. Adiakime oso a Ngeleja anga a kala bheniobho.

Jipoxolo 3:15

Monʼ a ngana ua bhanga o muenhu mua mu jibhenunu. Maji Nzambi-phe ua mu fukununa ku ʼalunga, o jimbangi jê etʼuene.

II Kolindo 5:1

Mukonda tua kʼijiia kuila kioso kia-nda kubudika o fundu iii mu tua tungu, uene o mukutu uetu mu ngongo mumu, Nzambi ku diulu hinu ua kà tu bhana inzu mu tu tunga. Inzuʼoio-phe a i tungu kuala Nzambi muene, i xalela-ku kiá katé ku hadia ni hadia.

II Kolindo 5:8

Tua suina dingi kiengi, kieju tu uabhela kuila tueha kutunga mu mukutu iú, anga tuia mu kutunga ni Ngana.

Filipe 1:19

Kuma nga kʼ ijiia kuila muene muoso mu ngʼ ijila o kujituka, kixi mu kubhinga kuenu ku mualù ngi bhingila, kixi mu kukudila kua Nzumbi ia Jezú Kristu.

I Timote 5:1

Kana kubazela muadiakimi, inda u mu dionda kala tatʼenu. Minzangala ia mala di tume-nâ kala jiphange jé,

I Timote 5:19

Kana kuivua muthu uiza mu kutatela muadiakime ua Ngeleja, kikale uiza ni mbangi jiiadi mba jitatu.

II Timote 4:8

Tundé kiki, kua ngi xikamena kiá kitundu kia kuiuka, Ngana, o Mufundixi uaiuka, ua kà ngi bhana-kiu bhu kizuua kiná; ki eme ngó a ngi bhana, maji ni ene oso kiá a zola o ku di mona mi Muène kià kèza.

Tito 1:5

Mukonda dia kiki, kiene ki nga ku xila mu kikolo kia Keleta, phala u bheke mu uiukilu uê ima ioso ia kambe-ku hanji ku i bhanga. U tumbika adiakimi mu jingeleja joso ku mabhata-mabhata, uila ki nga ku tumu eme.

Filemone 1:9

Inda-phe ngi ku dionda, mukonda dia henda ié i nga ku kuatela, maji ngandala ngó ku ku bhinga kima kimoxi. Sumbala ngala ngi Phaulu dia muthu Uokulu kiá, ngunza ia Kristu Jezú, hutile iê.

Jihebeleu 12:1

Mukonda dia kiki, etu a tu bhake bhu ʼaxaxe kuala kifuẋi kionéne kia jimbangi javulu. Tu tudienu ioso i tu lalamesa, ni kituxi kioso kia tu naminina, tu lengienu ni kukolokota o dikanga dioso dia tu kala ku pholo.

I Phetele 1:12

Kioso o Jipolofeta ki ja zuela jinga ku mbandu ia kidi ki mua mu kuivua lelu, Ngana Nzambi ua a jingunuine kuila o kikalakalu kia kexi mù bhanga o misesedi ki phala mbote iâ ene, maji phala mbote ineuʼenu. O akunji a Jingolokela Jambote, a zuela jinga mu kutena kua Nzumbi Ikôla ió a mu katula ku diulu, ene a mi tangela o kidi kia ima ienʼiii. O ima ienʼiii ni ji-anju jʼendile ku i tongolola kiambote.

I Phetele 1:7

Malamba iá mu bhita na-u, ihi o ku mi lola o kuxikana kuenu, kuala kota mù kuta, o ulu ndenge, kuma ulu u di bota, sumbala a u lola mu tubhia, phala kibhua o ku mi lola, muà sanga o diximanu, ni fuma, ni ujitu, bhuoso bhua kà tukulukila Jezú Kristu.

I Phetele 4:13

Inda kiosuʼiki-phe a mi bhana-ku mbandu ku jiphaxi ja Kristu, tanenu-ku, phale bhuoso bhua kà tukuluka o fuma iê, enu uenu mua kà tana ni ngalasa iavulu.

I Phetele 5:4

Kioso o Mubhidi ua Dikota-phe kia kà tukuluka, mu tambule kitundu ki kia kà lela dingi.

I Nzuá 3:2

Enu akuetu, nga mi zola, kiki tuala tu anʼa Nzambi, maji kiluua-phe tu kʼijiia kioso ki tuà kala. Inda, tuejiia ngó kuila, se muène Kristu uedi u tukuluka, etu uetu tua kà di fuangana-nê, mukonda tua kà mu mona katé ni kidifua kiê muène kioso kiala.

II Nzuá 1:1

Eme kikulakaji kia Ngeleja, nga sonekana Nga Muhatu, monʼ a ngene, ni anʼê nga a zola mu kidi. Ki eme ngó ubheka uami, maji ni ene oso, ejiia ue o kidi, a mi zola muène.

III Nzuá 1:1

Eme kikulakaji kia Ngeleja, nga sonekena mukuetu Ngaio, kamba diami, nga mu zola mu kidi.

Dijingunuinu 1:9

Eme Nzuá, ngi phangʼienu, ngi mukuenu mu hadi ia Jezú, ni mu Utuminu uê, ni mu kukolokota kuê, Nga kexile mu kikolo kia Pátamo, a ngi kuika mukonda dia kutanga maka ma Nzambi ni umbangi ua ima ia ngi tukuluila Jezú.