I Phetele 4:8 - O Mikanda Ikola

⁸ Mu ima ioso kotʼèlele o henda ienu mudienu i fulujuke, kuma henda i sueka nzungule ia ituxi.

I Phetele 4:8 ပူးပေါင်းရင်းမြစ်များ

Jisabhu 10:12

Luma lu balumuna jimvunda; maji o henda iavungina o itondalu ioso.

Jisabhu 12:16

Diilaji, bhuoso bhua mu thathamesa, njinda iê lelu muene i di-monekena; mukua kilunji-phe, ubatekela, anga uila kala kʼevu kima.

Jisabhu 17:9

Uoso u vungina o itondalu ia akuá, ua-lu di sotela ukamba; maji uoso u vulumuna o maka ma bhiti kiá, ió u muangesa athu a di zola kiavulu.

Jisabhu 18:13

Ku vutula kua lusolo, kuila ioso kiluua u ivua, ió uôua ni ku di bhekela sonhi; kota o kudianga kuividila.

I Kolindo 13:1

Eme né-mbe ngi zuela jimbimbi ja athu, katé ni ja ji-anju, maji ngi kamba o henda, ioso i ngi zuela, nga di bhange ngi utadi u bhana mutendu, ngi ngoma ia ngondo i ngulungunda.

I Kolindo 13:4

O henda i kolokota mu jihadi, i lenduka. O henda ki i moneka dixinga, o henda ki iene izala, mba ukumbu.

Kolose 3:14

Ku ima ioso-phe, kota o henda, kuma o henda iene o dijikita di kuta o uthu uatenena.

I Tesalonika 3:12

Enu-phe Ngana a mi bandekese, a mi vudisile dingi o henda ienu mudienu ni athu oso. O henda ienu ieneʼ oio i kule dingi kinéne, kala o henda ietu i tua mi kala na-iu.

II Tesalonika 1:3

Etu tua tokala tu sakidila jinga Nzambi mukonda dienu, enu jiphange! Mukonda kia tu fuama muene ku ki bhanga, kuma o kuxikana kuenu kua mu kula dingi kiengi, ni henda ienu i mua di kuatela mudienu iavulu dingi.

I Timote 1:5

Mutendelelu iú-phe, mahezuʼê o henda i tunda mu muẋima uazele, ni mu kitongoluelu kiambote, ni mu kuxikana kua kidi ki kua kudibhangesa.

Jihebeleu 13:1

O kudizola ni jiphange ki mu ku ehe.

Tiiaku 5:12

Ku ima ioso-phe, phange jami, ki uila u bhana kizuelu kia kima kiosokioso, kota-kota kana kuloka, né kulokela diulu, nè kulokela oxi, nè mulôko uengi uoso-uoso. Se kua mi bhingi kutanga kima, mu ila kiene se kiene, mu ila kana se kana, mbé Nzambi ka mi êlese.

Tiiaku 5:20

a tume ku kʼijiia kuma, uoso u bheka dingi mu njila mukua ituxi ua jimbidile njila iê, ua bhulula muenhu ueji kùfua, ua lolokesa nzungule ia ituxi.

I Phetele 1:22

O ki mualʼ iki, kuma mua di zelesa kiá o mienhu ienu mu kutumaka o kidi, o henda ienu ue ia jiphange ki i moneka kádia, di zodienu-phe mudienu ni muẋima ua fulujuka.

III Nzuá 1:2

Kamba diami dia kazola, ngala mù samba kua Nzambi, phala eie u bhanduluke mu ima ioso, mbé u disanze o mukutu, uila ki ua bhanduluka ue mu nzumbi.