I Phetele 4:6 - O Mikanda Ikola

⁶ Mukonda kiene kia bhekela ue kuboka o Njimbu Iambote kua iá a fua kiá, phala ió ue oso a a fundisa kiá ku muenhu uâ kiala hanji mu ngongo mumu, mukuâ ni kiene kufundisa athu oso. O Njimbuʼiii ia a a tangela-iu ua ene, phala ku muenhu uâ mu nzumbi a kale mu laia kala kia mu laia Nzambi.

I Phetele 4:6 ပူးပေါင်းရင်းမြစ်များ

Matesu 24:9

Kienhókio, a kà mi bhakula mu ku mi talesa hadi, ni ku mi èlesa, ni ku mi jibha. A kà mi zemba kuala akua jixi joso mukonda dia dijina diami.

Loma 8:2

Kuma o Kitumu kia Nzumbi ia Nzambi kia tu bhekela muenhu mua Kristu Jezú, kia ngi bhana ufolo ku kitumu kia ituxi ni kalunga.

Ngalásia 2:19

Mukonda kia zuela o Kitumu, eme ngi mufi ua Kitumu—a ngi jibha kuala o Kitumu kiene—phala muenhu uami u kale kua Nzambi. Mbata nga fuila ku dikulusu kumoxi ni Kristu.

Ngalásia 5:25

Muenhu uetu se ua tundu kua Nzumbi, tu endienu-phe kiá ni Nzumbi.

I Phetele 1:12

Kioso o Jipolofeta ki ja zuela jinga ku mbandu ia kidi ki mua mu kuivua lelu, Ngana Nzambi ua a jingunuine kuila o kikalakalu kia kexi mù bhanga o misesedi ki phala mbote iâ ene, maji phala mbote ineuʼenu. O akunji a Jingolokela Jambote, a zuela jinga mu kutena kua Nzumbi Ikôla ió a mu katula ku diulu, ene a mi tangela o kidi kia ima ienʼiii. O ima ienʼiii ni ji-anju jʼendile ku i tongolola kiambote.

I Phetele 3:18

Mukonda Kristu ue ua mi fuila bhu kididi. Muène ituxi ua i talela hadi mu lumoxi ngó, o muthu uaiuka bhu kididi kia akua ikuma, phala a tu bhiẋidise kua Nzambi. Muène a mu jibhila mu xitu, a mu phaphumuina mu nzumbi.

I Phetele 3:19

O mu nzumbi, uendele ku jinzumbi jene muʼaleia, anga u ji tudila o Njimbu Iambote.

Dijingunuinu 14:18

Anju iamukuá, a mu bhele kutambula konda ia túbhia, anga u tunda bhu kalatódio, hé u handekela ni dízui dia suina kua ió ua kuata kibhôlola kiatu, uixi: Katula o kibhôlola kié, mbé u kanze isaka ia ji-uva ku mivide mu ngongo, kuma ji-uva jê jabhi, ja zubha!