Ku kiiadʼiki uebhi ua bhange o vondadi ia tatʼâ? Kuala ene: O dikota. Jezú uixi: Ni kidi kiene, ngi mi ambela, kuma akua kutambula lubhaku ni idianzunga ala ku mi tuamenena kubokona mu Utuminu ua Nzambi.
Ki mu kaiele o funza ia mu ngongo mumu, maji ehelenu Nzambi a mi kitule kiengi, katé kilunji kienu kieza ku ubhe. Phala mu tongolole ioso o vondadi ia Nzembi, iauabha, ia ujitu, iatenena, i mu uabhela kiambote.
Kala kiki-phe, kiene kimoxi ni enu, phange jami. Enu uenu a mi bhange mu afi a Kitumu, mukonda mu mbandu kiá ku mukutu ua Kristu. Kiki Muène mua mu tokala, muenʼió ua fukunuka mu ʼalunga, ni tu kale tu luvalu lua ngene lua Nzambi.
O muène ua fuidile ene oso bhu kididi, phala oso kiki ala ku muenhu, ki ki kale ene dingi a di vu, maji ua a vu muène ua a fuidile bhu kididi, iú ua fukunuka.
Ni kidi-phe, etu ene oso muene mu tua nhunganena jinga mu jihanji ja xitu, ni kubhanga o jivondadi ja xitu ni ja muẋima. Mu kieniiki o kikexilu kietu ki kala kia anʼ a njinda, mu kutambula o kaxtiku ka Nzambi, mukuâ ni athu ene oso.
Kana kukumbidila ngó kioso ene kia kala ku mi tala mesu, kala mualù sota ku di uabhesa ku athu. Maji muila kala mu abhika a Kristu, mualù bhanga o vondadi ia Nzambi ni muẋima.
Mukonda dia kiki, etu uetu, tunde kizuua ki tua kʼivu, tua kuata kusamba kua Nzambi sé kufula, ni ku mi bhingila enu. Tua mu bhinga kua Nzambi, phala enu muizale ni kuijiia kua kutongolola o vondadi iê muene, ni unjimu ua kutongoloka koko kuene mú bhana o Nzumbi ia Nzambi.
Epafala muthu ua mi tokala mudienu kuenhoko, mubhika ua Jezú Kristu, ua mi menekena. Muène mukua ku mi bhângela luavulu mu kusamba kuê kua Ngana. Uene ku mi bhingila jinga phala Nzambi a mʼimike mu Maka mê, a mi bhane kukala mu adiakime mu nzumbi, ni kukala polondo ia kubhanga o vondadi ia Nzambi.
O Nzambi ia paze a mi bhane ioso ia uabha i mua bhindamena phala mu tene kubhanga o vondadi iê. O muène, mukonda dia Ngana Jezú Kristu, a bhange ioso ia mu uabhela mu miẋima ietu. O Kristu a mu fumanese kuoso, tunde kiki, katé ku hádia ni hádia. Amén.
O mu vondadi iê-muène, muene mua bhangesa o ku tu vuala ku kizuelu kiê kia kidi, phala ku ima ioso ia bhange Nzambi, etu-ene muene tu kale bhu kididi kia dianga.