I Phetele 4:16 - O Mikanda Ikola

¹⁶ Maji muthu-phe se u tala hadi mu kukala Kidistá, ka kale ni jisohi, inda a sakidile Nzambi mukonda ua tambula o dijina dia Kristu.

I Phetele 4:16 ပူးပေါင်းရင်းမြစ်များ

Izaía 24:15

Kala kiki, jingisenu dijina dia Jihova, ni mu ibôlo ni mu isanga ia kalunga, jingisenu dijina dia Jihova, Nzambi ia Izalaiele.

Izaía 50:7

Kuma Jihova Nzambi muene u ngi banda, kienhiki-phe ki ngi kalʼami ni jisonhi; mukonda dia kiki, nga kolesa pholo iami kala ditadi dia holotôto, eme nga kʼijiia kuila ki nga kà kala ni jisonhi.

Izaía 54:4

Ku kale ni uoma, mbata sonhi ki ja-nda ku ku kuata; ku kale ni jisonhi, mbata kua-nda kukakuka; inda sonhi ioso i ua bhiti na-iu ku undenge ué ua-nda ku i jimba, môndo ua utudi ué kua-nda ku u xinganeka dingi.

Jipoxolo 11:26

Mu kukala-kukala-phe anga a bhanga muvu ua muvimba ni ku di bhongolola ni mundu ua Ngeleja ieneʼ oio, hé a longa athu avulu. Momo, mu Andiioka, muene mua dianga athu kuiuka jixibulu ja Jezú o dijina dia Jikidistá.

Jipoxolo 26:28

Bheniobho Ngilipa anga uambela Phaulu, uixi: Kindalʼ iki u ngi bhomba kiá kukala Kidistá?

Jipoxolo 28:22

Maji tu endi-phe tu ku ivua kioso ki ua fika, mbata o kisoko kiki ki ua tokala, tua kʼ ijiia kuma kuene kuoso kia mu bonga malebhu.

Jipoxolo 5:41

Ene kieniokio, a tunda bhu pholo ia Kionge kia Jitata ni kusanguluka kuavulu, kuma Nzambi ua a kiti athu a fuama kutambula malebhu mukonda dia dijina didi dia Jezú.

Filipe 1:20

Mukonda eme o kia ngi kate kiavulu, ki ngendi ni kudielela kuami kuoso, o kuila ki ngi lémbue kubhanga kioso kia ngi tokala, kala ki ngene kiá mù bhanga tunde ukulu, kota-kota mu kindala mumu, mbé ngi kale muene ni kubhua o uôma, phala ngi tene kufumanesa Kristu ku mukutu uami, kixi ku muenhu, kixi mu kufua.

Filipe 1:29

Mukonda Nzambi muene ua mi bhana o ujitu ua kubhiẋila Kristu, kana ngó o ku mu xikana, maji ni ku mu talela ue hadi.

II Timote 1:12

Mukonda dia kiki, kiene ki nga mu talela o jihadi josuʼiji. Maji ki ngala-phe ni jisonhi, kuma nga dielela, mukonda ngejiia ió uoso nga mu xikana, phata ia ngi-bhu, kuma muène ua soko-bhu o kubhaka kioso ki nga mu bhana kulûnda, katé bhu kizuuʼokio.

Tiiaku 2:7

Ki ene ène kuẋonguena o dijinʼodio dia ujitu, Nzambi dia mi luku?

I Phetele 2:12

Kalenu ni uendelu uenu uafuama, muʼaxaxi ka akua jixi jengi a kambe kuijiia Nzambi phala kioso kia a mi âmba, exi mua mu bhanga kiaiibha, mu kumona dingi o ikalakalu ienu iambote, hinu a kala mu ximana Nzambi, mu kizuua kiê kia ku a zungila.

I Phetele 4:11

Uoso u zuela, a zuele kala kia fuama o maka ma Nzambi. O uoso u sedivila, a sedivile ku nguzu ia mu bhana Nzambi. Mu bhanga jinga kienhiki phala Nzambi a fumane mu ima ioso kua Jezú Kristu uavu o fuma ni unéne mu mivu ni mivu sé dizubhilu! Amén.

I Phetele 4:14

Kuma se a mi bhana malebhu mu kukaiela o dijina dia Kristu, mua zediua. Mukonda kia lombolola kuila o Nzumbi ia fuma, Nzumbi ia Nzambi, ua mi tula ku thandu.

I Phetele 4:19

Uila kiki, oso a tala hadi mu vondadi ia Nzambi, o mienhu iâ ende ni ku i lundisa kua Bhanga dia Bhanga dia fiiele, mu ʻkubhanga jinga imbamba ia mbote, kuma Muène kene kufula mu kukumbidila o kizuelu kiê.