I Phetele 3:7 - O Mikanda Ikola

⁷ Enu mala ue kiene, akaji enu mu tunga-nâ ni kilunji. Mu bhana muhatu ujitu, kuma muène kitutu kia tolo nguzu. Mbata muène ue mukuenu ua sokela-nê mu kulundula o muenhu Nzambi ua-nda ku mi bhana enu. Se mua kambe ku ki bhanga, misambu ienu i sukamena.

I Phetele 3:7 ပူးပေါင်းရင်းမြစ်များ

Jobe 42:8

Kuatenu-phe, sambuadi dia tuana tua ngombe ni sambuadi dia ilumbe ia jimbudi, muie kua mubhikʼami Jobe, mua kà di bhele jisata. Mubhikʼami Jobe muene ua kà mi sambela; mukonda nga-nda kuẋikina kudionda kuê, phala eme ki ngi mi bhange kala kia fuama mu ulaji uenu. Mbata enu ku mu ngi zuela kioso kia iuka, kiókio kia fuama, kala o mubhikʼami Jobe.

Matesu 18:19

Lua mukuá dingi ngi mi ambela: Se mudienu mu kala kiiadi, a di xikina mu ngongo kima kioso kia bhinga, mu kusamba, kienhókio a ki bhanga kuala Tata iami uene mu diulu.

I Kolindo 7:3

O diiala di bhange muhatu mʼ onzo o mbote ia mu tokala ku i bhana, o muhatu ue kiene ki a bhana o mbote ia tokala ku diiala mʼ onzo. Diiala u bhanga kia uabhela o muhatu, o muhatu u bhanga kia uabhela o diiala mʼonzo.

Efezo 3:6

O kikutu kieniiki: Mukonda dia Njimbu Iambote, o akua jixi jengi, ala uâ mu kisangela kumoxi ni Jijudé mu mabesá moso ma Nzambi. Kuma ala idiandu ku mukutu uene umoxi; akua kisangela mu polomesa ia bhana Nzambi mua Kristu Jezú.

Efezo 4:30

Kana kubheka malamba kua Nzumbi Ikôla ia Nzambi. Kuma o Nzumbi muene o kidimbu kia kuila o Nzambi uala momuenu; muène ue o diẋikina dia kuila Kizuua kí bhixila kia Nzambi ku mi kula.

Efezo 5:33

Kiene kimoxi ni enu uê: Kala diiala mudienu a zole muhatuʼê kala kia di zolo muène; o muhatu ue a xile munumiʼê.

Efezo 6:18

O ima ioso íii mu i bhanga jinga ni kusamba, mu kubhinga Nzambi ku mi kuatekesa. Sambenu jinga ithangana ioso, mu ku mi endesa kuala o Nzumbi ia Nzambi. Kala kiki, Phaphumukenu, ki mu di jimbe. Kana kubhuila. Endenu ni kusambela jinga akua Ngana oso.

Kolose 3:19

Enu mu mala, Zolenu ahatu enu, kana ku a thathamena jinga.

I Tesalonika 4:4

Phala kala muthu mudienu ejiie kutambula kiambote konda ia muhatuʼê mu kikexilu kia kuzela ni ujitu.

Tito 3:7

Phale o ki tu zubha kulungila ku kiadi kia Nzambi muène, tu kale tu alundudi, tua dielela kutambula o muenhu ki uàbhua u tuala kukinga.

Jihebeleu 1:14

O kiki-phe, ji-anju kima kiahi bhu pholo iê? Ene oso ala jinzumbi ji sedivila, a a tumu ku sedivisu mukonda dia ibhinganu ia tokala o kubhuluka.

I Phetele 3:1

Kiene ue enu ahatu beleselenu anume enu, phala né-mbe bhu kala ni iá a kamba kutumaka o maka ma Nzambi, ki bhekela ku a nganhala mu uendelu ua mbote ua ahatu â.