I Phetele 3:21 - O Mikanda Ikola

²¹ O menha enhó-phe ene a di fuangana ni batizu iala ku mi bhulula mu leluʼidi. O batizu ki kima phala kudisukula o dixidilu dia mukutu, maji polomesa i tu bhanga kua Nzambi, i tunda ku kitongoluelu kia zele kiambote. O kubhuluka kuenhuku kuijiia mu kufukunuka kua Jezú Kristu,

I Phetele 3:21 ပူးပေါင်းရင်းမြစ်များ

Zakadiia 13:1

Bhu kumbiʼodio kua kà kala fiẋi ia jikuka phala o dibhata dia Davidi, ni iá a tungu mu Jeluzaleme, phala ku dizelesa ku ituxi ni ufusa.

Matesu 28:19

Enu-phe ndenu, mua ka longe jixibulu ku akua jixi joso, ni ku a batizala mu dijina dia Tata, ni dia Mona, ni dia Nzumbi Ikôla;

Marku 16:16

Uoso u xikana, anga a mu batizala, u bhuluka; uoso-phe ka xikana, a ka mu elesa.

Nzuá 13:9

Kuala Ximá Phetele: Se kiene, Ngana, kʼo inama ngó; sukula ue ni maku, ni mútue uami.

Jipoxolo 16:33

Kasalelu anga u a katula ola ienioio ia usuku, hé u tumba iẋenge iâ. Anga a mu batizala ni akua mbèle iê ioso kithangana kieniokio.

Jipoxolo 2:38

Kuala Phetele: Dielenu, nda a mi batizale enʼ uenu oso, mu dijina dia Jezú Kristu, phala o ituxi ienu a mi loloke-iu, anga mu tambula kua Tata o ujitu ua Nzumbi Ikôla.

Jipoxolo 22:16

Kiki-phe u lalekela-hi dingi? Balumuka, u bhinge Ngana ku ku kuatekesa, ni a ku batizale, o ituxi iê nda a ku loloke-iu.

Jipoxolo 8:36

O ki aia ni kuenda mu njila, a sanga kididi bhuala menha. Ngolambole, uixi: Talesa, menha iá! Ohi ki fudisa o ku ngi batizala? [

Jipoxolo 8:37

Felipe, uixi: Se ua xikana ni muẋima uê uoso, ki bhuala ki fudisa. Muène u vutula, uixi: Xi! Eme nga xikana kuma Jezú Kristu, muene Monʼa Nzambi.]

Loma 5:14

Kiene kimoxi, o kalunga kene ka kexile kutumina-ku tunde kua Adá katé kua Mozé, ni ku thandu dia ió ka tele kituxi ki di fangana kala kia Adá. Kala kiki-phe Adá ua di bhange ngó kijimbuete kia mukuâ ua xedi mù kuiza-ku.

I Kolindo 12:13

Kuma ku Nzumbi imoxi etu oso a tu batizala mu mukutu umoxi, kixi tu Jijudé, kixi ki tu Jijudé, kixi tu abhika, kixi tu jifôlo. Etu oso a tu nuisa ku Nzumbi imoxi.

I Kolindo 4:6

Ima ienʼ iii-phe, enu jiphange jami kixanga ki nga mi tela, mu ku di tanga eme-muène ni Apolo. Nga tange etu kiiadi kietu, kifua kijimbuete, mukonda dia ku mi kala ni henda, phala mu di longe ki ambe o Sabhu kuila: Kana kusomboka ima ioso iòsoneke. Kana ue muthu ukala ni izala ia kuximana muthu umoxi, o mukuá hé u mu tènda.

II Kolindo 1:12

Kuma etu o thathe ietu ieniii, o kitongoluelu kietu kia tu bhela umbangi muʼaxaxi kenu, kuma tuende mu ngongʼumu mu kuzela ni kidi kia tu bhana Nzambi. Tuende ue, kana mu jindunge ja xitu maji mu kiadi kia Nzambi.

II Kolindo 7:1

O ki tualʼ iki, enu akuetu, o ikanenu ioso ienʼ iii ia tu tokala etuene. Tu dʼ iẋikienu, ni tu bhue o ufusa uoso ua xitu ni ua nzumbi, ni tu zubhe o kuzela, tu kale mù xila Nzambi.

Ngalásia 3:27

Kuma oso mudienu a mi batizala mu dijina dia Kristu, mua zuata kiá o kikexilu kia muène Kristu.

Efezo 5:26

Muène ua bhange kiki phala kulumbila o Ngeleja iê kua Nzambi, mu ku i sukula ni menha, ni ku i zelesa ni dibônzo dia maka mê.

Kolose 2:12

Mbata kizuua kia mi batizala, a mi fûndu kumoxi ni Kristu mu batizu. O mu batizu, enu mua fukunuka-nê dingi kumoxi, mu kuxikana o nguzu ia Nzambi, ua fukununa muène Kristu mu madifundu.

I Timote 1:5

Mutendelelu iú-phe, mahezuʼê o henda i tunda mu muẋima uazele, ni mu kitongoluelu kiambote, ni mu kuxikana kua kidi ki kua kudibhangesa.

I Timote 6:12

ʼLua o ita iambote ia kuxikana, naminina o muenhu ki uabhue. Kuma kiene Nzambi kia kuixanena, kioso eie mu kuxikana kué ki ua fisalele bhu pholo ia jimbangi javulu.

Jihebeleu 10:22

Uila kiki, tu bhiẋidienu kua Nzambi, ni muẋima ua kidi, ni kuxikana kua soko, ni ku tu zelesa miẋima mu ku tu bhuisa o kitongoluelu kiaibha, ni ku dʼixika o mikutu ni menha ma zele.

Jihebeleu 11:19

Mbalahamu kia mu tetulukila kuila Nzambi ua soko-bho kubheka dingi Izake ku muenhu, né ku ʼalunga ku aii, o ki kia bhiti kifua Mbalahamu ua tambula muene monʼê Izake ku ʼalunga.

Jihebeleu 13:18

Kolokotenu ni ku tu sambela. Kuma tua di fika kukala ni kitongoluelu kia zele, mbata tua mesena kubhanga mu kidi o ima ioso.

Jihebeleu 9:14

Se phe kienʼ iki kiene, xinganekenu hanji kioso kia soko ukota uê, mba o kutena kua manhinga ma Kristu! Kuma ku Nzumbi iê ia kaiela-ku, ua di bhakula muène-muène kala sata ia tenena kua Nzambi. O manhinga mê ma tu iẋika-phe o itongoluelu ietu, ku ibhangelu ia di fuila, phala tu tene kubhiẋila Nzambi ia muenhu.

Jihebeleu 9:24

Kuma Kristu ka bokona mu Kididi-Kikôla kiokalakale ku maku ma athu, ki fikisa ngó mu kidi o Kididi-Kikôla. Maji ua bokona muene ku kidi mu diulu, iú ua tu imanena kindala bhu pholo ia Nzambi mu ku tu diondela.

I Phetele 1:3

Tu sakidilienu jinga Nzambi, Tata ia Ngana ietu Jezú Kristu! Mukonda muène mu kulenduka kuê kuavula kinéne, ua tu bhana dingi muenhu uobhe, kia fukununa Jezú Kristu mu madifundu. Kienʼiki o miẋima ietu iezala ni kudielela kua kidi.

I Phetele 3:16

Maji mu ki bhanga jinga ni kubelesela, ni uôma. Mu kale ni kitongoluelu kiazele kia mbote. Phala o ima iene ku mi tatelʼ oio, jisonhi hinu ja a kuate oso a lebhula o uendelu uenu ua mbote mua Kristu.