I Phetele 3:14 - O Mikanda Ikola

¹⁴ Se enu mua tale hadi-phe mukonda dia kuiuka, mua zediua! Ki mu kale ni uôma ua muthu, ki mu tandanganhe.

I Phetele 3:14 ပူးပေါင်းရင်းမြစ်များ

Jisabhu 3:25

Ku kala ni kekenha, ia kima kiaiibha kiza mu lusolo, né-mbe kuiza o kibuika kia athu a bhumu.

Izaía 51:12

Eme, eme-muène ngi muthu ua ku mi konda o malamba; eie-phe u muthu uami, u kala ni uoma ua muthu ni mukuenu, uà xikamena kufua? mba o monʼa muthu u lela kala iangu?

Jelemiia 1:8

Ku kale ni uoma bhu phola iâ, mbata ememuène ngi kala ni eie phala ku ku kudila, Jihova ua ki tange.

Jelemiia 15:15

Eie-phe, u Jihova, ua kʼijiia; ngi lembalale Ngana, u ngi zungile, u ngi bhangele mvunda kua iá a ngi zuididika; mu ku xididika kué kana ku ngi bhitula; Eie ua kʼijiia kuila ngalu bonga malebhu mukonda dia ku ku zola eie.

Izekiiele 3:9

O dibhomo dié nga di bhange kala utadi ua diiamande mu kukola, diene dia beta kukola o ditadi dia fijilu ndenge; uila kiki-phe, kana ku a kala ni uôma, mba u teketa ki u mona o jipholo jâ, mbata ene ala dibhata dia bhukumuka.

Matesu 10:28

Ki mu kale ni uôma ua iá a jibha ngó o mukutu, maji o muenhu ka u tena ku u tambula. Inda Nzambi mu kuatedienu uôma, kuma ió uasoko-bho kubuikisa ni muenhu ni mukutu mu ifernu.

Matesu 10:31

Uila kiki, ki mu kale ni uôma. Tudièdie né tua ndumba, enu mua beta ukota.

Matesu 10:39

Uoso, o muenhu uê ua u bhake, ua-nda ku u jimbidisa; uoso o muenhu uê ua u texi mukonda diami, ua-nda ku u bonga.

Matesu 16:25

Mukonda uoso ua mesena kubhulula muenhu uê, ua-nda ku u texi; o uoso u texi muenhu uê mukonda diami, ua-nda ku u bonga.

Matesu 19:29

Uoso ue u-xa jinzu, mba jiphange ja mala, mba jiphange ja ahatu, mba tata, mba mama, mba muhatu, mba ana, mba jixi, mu henda ia dijina diami, ioso ia-xi i mu vutukila luhâma, hé ua kà lundula ue ni muenhu ki uàbhua.

Marku 10:29

Kuala Jezú: Kidi kiene ngi mi ambela: Kana muthu u xa dibhata, mba jiphange, ja mala ni ja ahatu, mba mama, mba tata, mba ana, mba jixi, mukonda diami eme ni dia Njimbu Iambote,

Marku 8:35

Kuma uoso uambe kubhulula o muenhu ue, ua-nda ku u texi. Maji uoso u texi o muenhu ue, mukonda diami eme ni dia Njimbu Iambote, uanda ku u bhulula.

Nzuá 14:1

Muẋima Ki u mi titile, anga mu tandanganha ni malamba. Dielelenu Nzambi; eme uami ngi dielelienu.

Nzuá 14:27

Enu nga mi xila o kutululuka kuami; o kutululuka kuami ku nga mi bhana. O kuami eme ki ngi ku bhana kala ki ku bhana o mundu. Mixima ki i mi kenane, ki mu kale ni uôma.

Jipoxolo 9:16

Eme-muène ngi mu longesa o jiphaxi javulu ja bhingi kuila muène u ji bhita mukonda dia dijina diami.

II Kolindo 12:10

Uila kiki, nga sanguluka muene mu kubhuila ni kulebhuka, ni kubhindama ni ku ngi zukutisa, ni kukala mu ibhidi mukonda dia Kristu. Kuma kithangana ki nga mu bhuila, kiene kia mu ngʼ iza o nguzu.

Filipe 1:29

Mukonda Nzambi muene ua mi bhana o ujitu ua kubhiẋila Kristu, kana ngó o ku mu xikana, maji ni ku mu talela ue hadi.

Tiiaku 1:12

Ua zediua o muthu u kolokota mu lamba, anga u kala fiiele. Kuma kia zubha ku mu lola mu malamba enhó, ua kà tambula kitundu kia muenhu, kia tange Nagana kubhana oso a mu zola.

Tiiaku 5:11

Talesenu kuma etu tua a mono kuzediua, mukonda dia kukolokota kuâ. O kukolokota kua Jobe mua ku ivua, muejiia ue o disukilu diê kioso Nzambi kia mu zediuisa. Mbata o Ngana ua vula o kukuatela henda ni kulendukila.

I Phetele 3:6

Kala Sala ki a di tumine ni Mbalahamu, iú ua mu ixana jinga muadi. Enu-phe mu kala mu anʼê se mu enda ni kubhanga kiambote, anga mu bhua uôma mu ima ioso.