I Phetele 3:12 - O Mikanda Ikola

¹² Kuma mesu ma Ngana ma lungu kua iá aiuka, ki a dikola, u ta-ku matui ku misambu iâ. Maji o pholo ia Ngana-phe ia luualela oso a bhanga o phulu.

I Phetele 3:12 ပူးပေါင်းရင်းမြစ်များ

II Malunda 16:9

Mukonda-phe o Jihova mesu mê ma bhita mu ngongo ioso, phala ku di londekeza o kusuína kuê mu ku kudila ió oso ala ni muẋima ua tenena kua muene; mu kiki-phe eie ua bhange ulaji mukonda tunde lelu ua-ndu kala jinga ni ita iza kokué.

II Malunda 7:15

Kiki kiá o mesuʼami a-nda kutona, o mátui ami a-nda kuividila jinga o musambu ua kididi kiki,

Jisálamu 11:4

Jihova-phe uala hanji mu Tembulu ie ikôla; Jihova kiandu kiê kia xikama ku diulu; mesuʼê a tono muene ni kengelela, o ibhebhetela iê iala mù tonginina kiambote anʼatu mu ngongo.

Jisálamu 33:18

Diesu dia Jihova-phe di kala kua iá a mu kala ni uoma uê; ni kua iá a dielela o henda iê.

Jisálamu 65:2

Eie u mukua kuívua o kusamba, ko kué kuene ku bhongolokela o xitu ioso.

Jisálamu 80:16

Kiki uabhi mu túbhia, ua batujuka; mukonda pholo ié ia luuala, jithangu jê ja kukuta.

Jisabhu 15:29

Jihova athu a bhuma ua sanduka dikanga; maji uividila o musambu ua athu aiuka.

Jisabhu 15:3

Mesu ma Jihova, mala mu ididi ioso, ni kukengelela athu aiibha ni athu ambote.

Jisabhu 15:8

Jihova ua di-zemba ni sata ia athu abhumu; maji ki mu uabhela muene, o kuividila musambu ua athu aiuka.

Jelemiia 21:10

Mukonda Jihova, uixi: Mbata eme mbonge iii nga i futulukila muene, ki i mono mbote, a kà i bhakula bhu lukuaku lua sobha ia Babilonha, anga muene ua kà i ta mu tuia.

Jelemiia 39:12

O mesu mé ta na-u kua muene, u mu katule, kana ku mu bhanga ku ibha kuoso-kuoso; inda uila kioso muene kia ku tangela, eie kiene ki u mu bhanga muene.

Izekiiele 15:7

Hé nga kà lungisa o pholo iami kokuâ mu ku zoka-nâ; ene a-nda kua kà fomoka mu túbhia, maji o túbhia tuanda kua kà a jikinisa; anga mua kà kʼijiia kuila eme muene ngi Ngana, kioso ki nga kà lungisa o pholo iami kokuʼâ mu kuzoka-nâ.

Ijila 17:10

Muthu uoso ue mu dibhata dia Izalaiele, mba ku jinzuangiza jene kunhunganena muʼaxaxi kâ, udia manhinga, muthu ió ngi mu mona bhu aia, katé ki ngi mu batula mu kifuẋi kiê.

Ijila 20:3

Eme uami muthu íó ngi di lulama-nê o pholo mu kuzoka-nê anga ngi mu mona bhu-aia, katé ki nga-nda ku mu batula mu kifuẋi kiê; mukonda ua katula ku mbutu iê iu ua bhakuila Mulôko; mu kubhanga kiki-phe, uakasanesa o dibhezelu diami dikola, iu ua sebulula o dijina diami diangene.

Ijila 20:6

O ki bhu kala ue muthu u bilukila mu ku ta muxima ku akua-ithutha ia kuzambula ni kubhanga, iphata, nʼende ni ku a kaiela ene, Eme-phe ngi mu ta diesu katé ki ngi mu batula muʼaxaxe ka povo iê.

Ijila 26:17

Pholo iami i mi kitukila, anga kisuéia ki mi buibua kuma nguma ja kà mi kuama; oso a mi zembe a kʼènda ni ku mi vua anga a kituka ngana jenu, anga mua kʼènda ni kulenga-lengenu ngó u mi kaia ka moneka.

Zakadiia 4:10

Mukonda, nahi muene u sebulula o kizuua kia dimatekenu dia tuma tua tolo. Mbata enʼió a kà sanguluka mu ku mona o pulumu bhu lukuaku lua Zolobabele; o sambuadi dia mesu diodio, diene o sambuadi dia mesu a Jihova ene mu ku tonginina mu ngongo ioso.

Nzuá 9:31

Tuejiia kuma Nzambi kene mu kuívua mukua-ituxi. Maji se muthu-phe u kala mubhezi a Nzambi, hé u bhanga vondadi iê, muenhó Nzambi u mu ívua.

Matendelelu 11:12

Oxi iii Jihova Nzambi ienu muene ua i tambula konda; mesu ma Jihova Nzambi ienu mene ku i kengelela mu thembu joso; tundé bhuandekela o muvu katé bhu ubhuila.

Tiiaku 5:16

Kala kiki, fisalenu mudienu ituxi ienu, mu di diondele mu kusamba, phala a mʼilule. O kusamba kua muthu uaiuka, ku lenda kiavulu mu kukalakala.