I Phetele 3:11 - O Mikanda Ikola

¹¹ Ku phulu a tunde-ku, a bhange o mbote a sote o paze ni ku i kaiela.

I Phetele 3:11 ပူးပေါင်းရင်းမြစ်များ

Jobe 1:1

Kua kexile muthu, mu ixi ia Uze dijina diê a muʼixana Jobe. Muthu iú ua kexile kidi, muthu ua iuka, mukua uoma ua Nzambi; o ia ibha u i lenga.

Jobe 2:3

Jihova anga uambela Satana, uixi: Mubhikʼami Jobe ua mu mono? Mukonda mu ngongo kana-mu muthu ua di fu ni muene, muthu ua kidi ua iuka o muẋima, mukua uoma ua Nzambi, o ia ibha u i lenga. Sumbala eie ua ngi funhisa phala ku mu jikinisa sé kikuma, maji muene hanji a jijila kuiuka kuê.

Jobe 28:28

Iú uambela o muthu, uixi: Talesa-ze! O uoma ua Nzambi, uene o unjimu; o kueha kia ibha, kuene o kuijiia.

Jisálamu 125:4

Jihova, tata, bhanga mbote kua ió athu ambote, oso ala ni mixima iaiuka.

Jisálamu 34:14

Ku phulu, tunde-ku, u bhange o mbote; sota o paze, ni ku i jijila.

Jisálamu 37:27

Ku ituxi tunde-ku, u bhange o mbote; u tunge kididi ni ku mululu ni ku mulaula.

Jisabhu 16:17

Kikoka kia athu aiuka (emana miẋima nzanza), o kulenga kubhanga kiaiibha; uoso uedi kuma muenhu ngi u kondeka, aʼluke o uendelu uê.

Jisabhu 16:6

Bhuala o henda anga bhu kala ue o kidi, kituxi ki jima; maji athu kuebha o ituxi, ki kale ngó ku uoma ua Jihova.

Jisabhu 3:7

Ku di-mone unjimu ku mesu mé eʼmuene; ku phulu tunda-ku, u xile Jihova,

Matesu 5:45

Nda mu kale mu anʼa Tata ienu uene mu diulu. Kuma muène mukua kubhangesa dikumbi diê di bandela athu abhukumuka ni athu ambote, u tumikisa mvula ni kua ia aiuka ni ku ísueia.

Matesu 5:9

A zediua akua ku luulula, a buisa jimvunda, ene a exana anʼ a Nzambi.

Matesu 6:13

Ku tu ehele kudibhala mu kudianguka, maji tu kudile ku Dimonho; mbata ungana ué Eʼ muène, ni nguzu, ni fuma sè dizubhilu. Amén.

Marku 14:7

Mbata jingadiama mua xalela-na-ju; kithangana kioso ki mua mesena ku a bhanga jimbote, mu ki bhanga. Eme-phe ki ngi xalela ni enu ithangana ioso.

Luka 1:79

Ni kumuikina oso a xikama mu kuvunda kua kizenji kia kalunga; mbé o kuendesa inama ietu mu njila ia kutululuka.

Luka 6:35

Zolenu-phe o jinguma jenu, a bhangienu o mbote. Sobhesenu, sé ngó kukakula muthu mba mu kinga ku mi vutuila ki mua sobhesa. O kisakidilu kienu anga ki kala kia dikota, hé mu kala mu anʼa Nzambi ia Diulu. Mukonda muène mukua kulendukila athu a kambe kusakidila, a bhukumuka.

Luka 6:9

Jezú anga ua ambela, uixi: Nga mʼ ibhudisa hanji, mba kia tokala mu Sábhalu kubhanga o mbote, inga kubhanga phulu? O kubhana muenhu, inga o ku u katula?

Nzuá 17:15

Ki nga bhingi kuma u a katula mu ngongo, maji nga bhingi kuila u a enga, u a kudila kua Diabhu ió ua bhukumuka.

Loma 12:18

Se mua ki tena, kalenu ku paze ni athu oso; mvunda ki i tunde ko kuenu.

Loma 14:17

Kuma o Utuminu ua Nzambi ki ua kudia ni kunua, maji ua kuiuka, ni kutululuka, ni kusanguluka ku bhana o Nzumbi Ikôla.

Loma 14:19

Uila kiki, tu kaiedienu o ima i bheka paze, ima i bhekela kutungiua mudietu.

Loma 5:1

Kia tu xikina Nzambʼ iki mu kuxikana, tuala ku paze ni muène mukonda dia Ngana ietu, Jezú Kristu.

Loma 7:19

Mukonda o ia uabha i nga solo, ki iene i nga mu bhanga, maji íii-phe ia iibha ki nga i solo, iene i ngene mù bhanga.

Loma 7:21

Kiki-phe nga sange kuila moxi diami muedi kiki: Kioso eme ki ngi sola kubhanga iauabha, iaiibha iene ia ngi zukama.

Loma 8:6

Kuma o kukala ni kilunji kia mu tumina kuala o hanji ia xitu, kubhekela kalunga. O kukala-phe ni kilunji kia mu tumina kuala o Nzumbi, ki bhekela muenhu ni kutululuka.

Ngalásia 5:22

Maji o ibundu iima o Nzumbi-phe, henda, ngalasa, kutululuka, kuxididika, kulenduka, kubhanga mbote, kukala fiiele,

Ngalásia 6:10

Uila kiki, bhuoso bhu tu muena o kithangana, tu bhangienu mbote athu oso, kota-kota-phe a tokala mu dianda dia kuxikana.

Kolose 3:15

O kutululuka ku tunda kua Nzambi, ku mi tetulule mu miẋima. O kutululuka kueniuku kuene Nzambi kua mʼixanena kukala idiandu ku mukutu umoxi. Hé muila ue ni kusakidila.

I Timote 6:18

A tume kuila a bhange jinge o mbote, mbé a kale ni umvuama ua ikalakalu iafuama, ende ni kubhana, ende ni kubindumuna akuá oso kala ni kima.

Jihebeleu 12:14

Sotenu kukala ku paze ni athu oso, mu kolokote mu kukala ni muenhu uazele, kuma uoso ua kambe kuzela ka tena kumona Ngana.

Jihebeleu 13:16

O kubhanga o mbote ni ku di bhindumuna mudienu ki ku mi jimbe, mukonda ilumbu kala iii Nzambi ia mu uabhela kiavulu.

Tiiaku 4:17

Uila kiki, muthu uoso uejiia o kubhanga mbote, nʼa kambe ku i bhanga, kiene o kituxi kiê.

I Phetele 3:12

Kuma mesu ma Ngana ma lungu kua iá aiuka, ki a dikola, u ta-ku matui ku misambu iâ. Maji o pholo ia Ngana-phe ia luualela oso a bhanga o phulu.

III Nzuá 1:11

Kamba diami, mukuetu, kana kufikisa phulu, inda o kufikisa mbote. Uoso u bhanga mbote, muène mukua Nzambi; o uoso u bhanga phulu, ió kala kumona Nzambi.

Afundixi 11:14

Jefete anga u tuma jiphunga jê lua mukuá dingi kua sobha ia anʼa Amone;