I Phetele 2:7 - O Mikanda Ikola

⁷ O ditadi didi dia te kiavulu, phala enu oso mua xikana. Maji phala ió a kambe kuxikana: Ditadi dia ditunu o jimesene kuila ki di uabha, dia biluka diene dia kuatesa bhu thungi.

I Phetele 2:7 ပူးပေါင်းရင်းမြစ်များ

Izaía 28:5

Mu kizuuʼokio, Jihova dia Ilômbo leta, u di bhanga kitundu kia fuma ni dilènga dia iuka di kembesa o masubhu ma mundu uê;

Ajeu 2:7

Nga kà tungutisa ue miji ioso, anga kua kà tukuluka ió a muinda ku miji ioso, anga inzu iii nga kà izelesa ni fuma, kiene kia zuela Jihova dia Ifuẋi.

Zakadiia 4:7

Eie nanhi, mulundu ua dikota? Bhu pholo ia Zolobabele ua kà kituka-phe u kiphenza. Kuma muene ua kèza ni di tadi dia sukidila-ku dia thunge, ni ku mu tela o kikoue, kuila: Èue! Èue, tadi dienhʼidi!

Matesu 21:42

Kuala Jezú: Enu mbebhu mu Madivulu ma kôla kiluua mu tanga-mu kuila: O ditadi dia ditunu jimesene, diene dia kuatesa bhu thungi, kienhiki kia tundu kua Nzambi, ku mesu metu kisúma?

Luka 2:32

mukengeji u londekesa o njila ia Nzambi ku akua matumbu. Ni kubhana fuma ia mundu ué ua Izalaiele.

Luka 2:34

Ximinhá anga u mu benzela, hé uambela Madiia, manhiʼâ, uixi: Monʼóze Nzambi ua mu solo phala kukala ubhulukilu ni kusenguluka kua athu andumba mu Izalaiele. Mona iú ua-ndu kala kijimbuete kia Nzambi ki kuatesa jiphata ku athu avulu.

Luka 20:17

Muène-phe u a tala kiambote suí uixi: Makʼ ama-phe a a soneka kiebhi mu Mikanda Ikôla kuila: Ditadi dia di tunu o jimesene diene dia kuatesa bhu thungi?

Nzuá 4:42

Anga ambela o muhatu, exi: Etu ki tu xikana dingi mukonda ngó dia kizuelu kié. Mbata etuʼene muene tua mu ivu kuzuela kiá. Tua mu ijiia ni kidi kiene, kuma iú muene Mubhuludi a mundu.

Jipoxolo 26:19

Kia bhiti kiki, sobha Ngilipa, kisumua kia tundu ku diulu ki ngi ki xibhaka.

Loma 10:21

Mu kutanga Izalaiele-phe, Izaia uixi: Kumbi dioso dia kambamba Nzambi ua sunununa o maku mê ku mundu uaxibhaka, uathathamana.

Loma 15:31

Sambenu phala eme ngi bhulake kua ió a kambe kuxikana ala mu Judeia, ni mukungu u ngala kuia na-u a u tambule ni ujitu kuala akua Ngana momo.

II Kolindo 2:16

Phala ió a texika, di kala dizumba diaiibha, di bhekela kalunga. Phala iá a bhuluka, di kala dizumba di nuha kiambote, di bhekela muenhu. Uila kiki, nanhi uala ni kutena kua ku bhanga o kikalakalu kiki?

Kolose 2:10

Enu-phe, mu kukala mu kisangela kumoxi ni muène, mua tambula muenhu ua tenena mua muène, ua bhingi muène o Mutue ua ukota uoso ni ungana utumina mu nzumbi.

Tito 3:3

Kuma mʼokulu etu-ene tua kexile, tua tobho, tua xibhaka, tua di nganala, tua bhikila maluimbi ma vula matelu, ni jihânji joso, tuende ni phulu ni dixinga, tua iibha, tua di zemba mudietu.

Jihebeleu 11:31

Kiejila mu kuxikana, Lahaba dia kidianzunga kia kambele kufuila kumoxi ni akuâ a xibhakele Nzambi, mukonda muène o ilolo ia anʼ a Izalaiele ua i tambuluile kiambote.

Jihebeleu 4:11

Uila kiki, tu kuatienu-phe muanu mu kubhanga ioso phala tu tene kubokona ni Nzambi mu dinhohenu diê. Ki bhu kale muthu mudietu u di bhala mu kuxibhaka Nzambi, kala ene kia xibhakele ia a tokokele kobokona.

I Phetele 1:8

Sumbala Kristu muene kiluua mu mu mona, maji mua mu zola. Sumbala kiki ki mua mu mono, maji mua mu xikana. Kienʼ iki, enu mua sanguluka kiavulu ni ngalasa ki i ẋikina ku tanga, ngalasa iavulu o uuabhelu.

I Phetele 2:4

Zenu-phe kua Ngana, o ditadi dia muenhu, diotende kidi ku athu, maji o kua Nzambi-phe diosole, dia ujitu.

I Phetele 2:8

O bhua mukuá Mikanda Ikôla, iexi: Didi diene o ditadi dianda kubhangesa athu kudibhukana, o ndànji ianda ku a bhangesa o kudibhala. Ene a di bhukana, mukonda o maka ka ma xikana, kienʼiki kia a xindile o vondadi ia Nzambi.