I Phetele 2:25 - O Mikanda Ikola

²⁵ Kuma enu mua jimbidile kala mu jimbudi ja jimbila o njila. Maji kiki-phe a mi vutula dingi mu bhongolokela kukaiela o Mubidi, Muingi ua mienhu ienu.

I Phetele 2:25 ပူးပေါင်းရင်းမြစ်များ

Jisálamu 119:176

Ku nga tundu nga jimbila kala mbudi; selevende ié Ngana, mu sote; kuma o itumu ié ki nga i jimbi kana.

Jisálamu 80:1

Tu ivue, eie u Mubidi ua Izalaiele, eie u mukua kuendesa Zuze kala kilunga kia ibhaku; eie ua xikama ku thandu dia jixelubini, muika!

Izaía 13:14

Kala muthu-phe, ua kèla kala mbámbi ia mu lenga, mukuâ ni mama ia mbudi ia kambe uoso u i bokuesa; kala muthu ua kʼalukila kokuâ, muthu ni muthu ua kà lengela kʼoxi iê.

Izaía 40:11

O kilunga kiê, ua kà ki disa kala mubidi; O tumbudi ua kà tu ongeka bhu maku, hé u tu akata bhu jihata jê; o joso javuala, muene u ji endesa kilendu.

Izaía 53:5

Maji muene a mu kuama mukonda dia itondalu ietu, a mu tutujula mukonda dia ikuma ietu; O hadi i tu bhekela o kutululuka ni kubatama ia kexile ku thandu diê, o italakanha iê iene ia tu sake.

Izaía 53:6

Etu oso tua kexi mu kuenda kala jimbudi ja jimbidila; kala muthu u di-texila ni njila iê; maji-phe o mulonga ua tu tokala etu-oso, Jihova ua mu xina-u kiá muene ku thandu diê.

Jelemiia 23:2

Uila kiki, Jihova Nzambi ia Izalaiele, uambe kiki ku abidi ala kuinga o mundu uami: Enu mua muanganesa jimbudi jami, enu mua ji kaie, o jene ki mua ji zungila; Jihova-phe uambe: Talesenu, o phekalu ienu iii nga-nda ku mi betela-iu.

Izekiiele 34:6

O mbudi jami jì ja mu bunganena ngó mu milundu ioso, ni mu tuthuthulundu tuoso tua di leka; xi, kiene muene! O mbudi jami joso ja muanganena ngoho mu tumbu ni ngongo, ki ji moneka uoso u ji sota, mba uoso u ji takana (ku ja di texiʼoko).

Izekiiele 37:24

Anga o mubhikʼami Davidi muene ua kà kala sobha iâ, ene oso hé a kà kala ni mubidi umoxi ngó; anga a kʼèndela mu mabatuilu mami, enda ni kualuka o jingonge jami ni ku ji bhanga.

Zakadiia 13:7

Eie xibhata, balumuka u bilukile o Mubidi uami, ni muthu ió ngene-nê kumoxi, mukua kisoko kiami, Jihova dia Ifuẋi ua-lu zuela, uixi: Mubidi mu kuame, nda o jimbudi ji muangane; maji lukuaku luami lua kà lungulukila katé ni ku jindenge.

Matesu 18:12

Enu mua fika kiebhi? Diiala se di kala ni hâma ia mbudi, anga bhu mu jimbila imoxi, muenhó u bhanga kiebhi? Manhi ka-nda kuxa o makuinhiʼ ivua nʼivua ala mù kúdia ku mulundu, nʼ aie mu sota iíi ia jimbidila?

Matesu 9:36

Kia mono ifuxi-phe, u a kuatela henda, mukonda atate, a di mauange kala jimbudi ja kambe mubidi.

Jipoxolo 20:28

Di langienu-phe enʼuenu, ni kilunga kioso, kuma o Nzumbi Ikôla ua mi bhange mu abidi a kilunga kienʼiki. Kalenu-phe mu abidi a ngeleja ia Ngana Nzambi, kuma Muène ua i sumbu ni manhinga ma Monʼ êlele muene.

Jihebeleu 13:20

Kiki-phe Nzambi ua fukununa Ngana ietu Jezú mu madifundu, o mukonda dia kufua kuê, muène o Mubidi ua Dikota ua jimbudi. Uila kiki, mu manhinga ma Jezú, o kikutu ki nangenena a ki kolêsa ni kidimbu.

Jihebeleu 3:1

Uila kiki, enu jiphange jami mu kuxikana, mua tokala mu kixanu kia Nzambi, talenu kua Jezú a mu tumikisa Nzambi phala kukala Nganga ia Dikota, tua mu fisala mu kuxikana.

Jihebeleu 5:2

Kuma muène ue ua zuata dibhuilu, u tena kulendukila ió a tobho, ni oso a jimbidila, a di bhale mu kutondala.

I Phetele 3:20

O jinzumbi ja oso a xibhakele mʼokulu, kia kingile o kuxididika kua Nzambi mu izuua ia Noué, kioso kia kexile mu iudika o álaka. O mu álaka muenhomo mua bokona athu, kavulu, nake ngó dia mienhu, anga a bhuluka ku menha.

I Phetele 5:4

Kioso o Mubhidi ua Dikota-phe kia kà tukuluka, mu tambule kitundu ki kia kà lela dingi.