I Phetele 2:24 - O Mikanda Ikola

²⁴ Kristu muène ku mukutu uêmuène, ua tu ambatela o ituxi ietu katé ku kimuẋi, phala etu tu jituke ku ituxi, tu kuate muenhu ua kuiuka. O italakanha iê iene ia mi sake.

I Phetele 2:24 ပူးပေါင်းရင်းမြစ်များ

Dimatekenu 22:6

Mbalahamu anga u katula o jihuinhi ja sata ia kuoha, u ji tuika monʼê Izake; muene anga uambata túbhia ni mukuale anga aia kumoxi kiiadi kiâ.

Jisálamu 147:3

Akexe ni kikote kia muẋima u a saka, hé u a tumba o italákanha ia malamba mâ.

Jisálamu 38:4

Mukonda ikuma iami ia ngi bhiti ku thandu, nga jikinina muene; ia ngi xina ni iene kala kimbamba kia dikota.

Makatukilu 28:38

O Alá anga u i zuata bhu dibhomo diê, Alá anga u ambata o kutondala kua anʼa Izalaiele mu ima ioso ikola ni mu maujitu mâ moso ma kôla ma lumbila Nzambi; i kale jinge bhu dibhomo diê, phala ene a a tambulule kua Jihova.

Jisabhu 20:30

Jifidila ja midimba ia kibetu, ji bhanga kiambote ku athu a bhumu, katé ni jihome ji a xila o kinduma mu mídia, jène jène ku a sungisa kilunji.

Izaía 53:11

Kienhiki, muene ua-nda kumona kikalakalu kia lukuaku luê, anga u tana; Selevende iami, Muthu Uaiuka, mu kuijiia kuê kuene na-ku, ua-nda kulungisa athu a ndumba; mukonda muene ua-nda kuambata o ikuma iâ ku thandu diê.

Ijila 16:22

Kienhiki o kisutu kiókio ki di tuika o ikuma iâ ioso, hé uia-naiu kʼoxi ia muendeʼubheka; anga o muthu iú ujituina o kisutuʼeki mu kikangalakata.

Ijila 22:9

A kale mu kualuka jinga o ijiia iami, phala ka balumune-ku kituxi kuthandu diâ, anga a bhitukila-ku o muenhu uâ, kia-nda kuila o ijiia a i lutu kiá; Eme Jihova, ngene ku mi kôlesa.

Malakiia 4:2

Maji, phala enu-phe, oso muene mu kuxila Dijina Diami, kua kà mi kiela Dikumbi dia Kuiuka, diene dia kà mi bhekela ubhulukilu, uijiia na-u moxʼa mabhabha mê; enu-phe mua kà tunda, mua kà tuka-tuka mukuâ ni tuana tua ngombe kioso ki tu tunda mu kibhanga kiâ.

Dialuilu 18:22

O anʼa Izalaiele-phe ki mungu dingi a zukama ku balaka ia kutakanena, phala o kituxi ka kiambate ku thandu diâ hé a fua.

Dialuilu 7:15

ni kangombe ka ndumbe ni kilumbe kia mbudi, ni kambudi ka ndumbe ka muvu umoxi, phala sata ia kuoha;

Matesu 27:26

Muène anga u a jituina Balaba; o Jezú-phe u mu bhesa jixikote, anga u mu thelekala phala ku mu jibha.

Matesu 5:20

Mbata eme ngi mi ambela na-kiu, se kuiuka kuenu ku kamba kutunda o kuiuka kua jimesene ja kulonga o Kitumu ni jifalizeu, muà lémbua kubokona mu Utuminu ua Diulu.

Matesu 8:17

Jezú ua bhange kiki, phala ki bhite kia tangele Izaia, polofeta, kuila: Muène ua tambula kukata kuetu, uambata mahaxi metu.

Marku 15:15

Anga, Pilatu, kuma ua mesena kubhomba o mundu, u jituisa Balaba. O Jezú kia zubha ku mu bhesa jixikote, u mu thelekala phala ku mu jiibha ku dikulusu.

Luka 4:18

Nzumbi ia Ngana ua ngi tula, mukonda muène ua ngʼundu kutudila o jingadiama, Njimbu Iambote. Ua ngi tumu kuxika ngonge ia ufolo ua abhika, ni kubhana mesu o ifôfo, ni kujituna oso a a kuika,

Nzuá 1:29

Kizuua kia kaiadi Nzuá u mona Jezú uala mù kuiza kua mùene, uixi: Talenu! Muenhó Kambudi ka Nzambi, ka katula o ituxi ia mundu!

Nzuá 19:1

Kienhókio Pilatu u katula Jezú anga u tuma ku mu beta ni mixi.

Jipoxolo 10:35

Maji ku akua jixi joso, uoso u mu xila muène, hé u bhanga ioso iaiuka, Muène u mu tambulula.

Jipoxolo 10:39

Etu tuala tu jimbangi ja ima ioso Muene ia bhangele ni mʼ oxi ia Jijudé ni mu Jeluzaleme. Ene-phe a mu jibha, ni ku mu nhenga ku dikulusu.

Jipoxolo 13:29

O kia zubha ku mu bhanga ima ioso ia mu soneka jinga mu Madivulu Makôla, a mu tulula ku dikulusu, hé a mu tula mu mbila.

Jipoxolo 5:30

O Nzambi ia jitata jetu, ua fukununa Jezú, mua mu jibha enu ni ku mu nhenga ku muxi.

Loma 6:11

Kiene kimoxi, enu uenu mu di xinganeka jinga kuma ku ituxi muafu kiá, maji-phe muala ku muenhu phala Nzambi mua Kristu Jezú, Ngana ietu.

Loma 6:13

Ni idiandu ienu kana ku i bhakula ku ituxi kala falamenda ia kubhanga kima kioso-kioso kiaiibha. Maji-phe di bhakudienu kua Nzambi, kala mu athu mua fuile kiá, maji mua tambula dingi muenhu, ni idiandu ienu bhakuilenu-iu Nzambi i kale falamenda ia kubhanga ima ia kuiuka.

Loma 6:16

Mukonda mua kʼijiia kuma kuoso ku mua di bhakula mu kubhika, muala mu abhika a muthu muenʼió uoso mua mu belesela. Kiene enu ue, kikale ituxi mua i bhikila ni mu fu, mba kikale o kutumaka Nzambi, ni a mi xikine ni mu kale mu athu mua iuka.

Loma 6:2

Ki ki xikina! Etu, o ituxi tua i fuila kiá o kufua kuê; muene dingi mu bhuila o muenhu uetu?

Loma 6:22

Maji o kiki-phe a mi kula ku ituxi, mua biluka mu abhika a Nzambi. Uila kiki, muenhu uenu uoso mua u lumbila kua Muène. Sai ni ibundu ienu ia kuzela moxi, o dizubhilu diê muenhu ki uabhua.

Loma 6:7

Kuma uoso uafu, ua jituka kiá ku nguzu ia ituxi.

Loma 7:6

O kikiphe tua jituka ku Kitumu, kuma tuala tu afi ku ioio ioso ia tu kuatele. Uila kiki, tua jituka phala ni tu kale mù bhikila Nzambi mu muenhu uobhe ua Nzumbi ia Nzambi, kana dingi ku ukulu ua mixinda ia Kitumu.

I Kolindo 15:3

Kuma o kima kia kate-ku, ki nga tambulula eme uami, ki nga tuamene ku mi tambuisa-kiu, kienʼ iki: Kuila Kristu ua fuidile o ituxi ietu kala kia ki soneka mu Mikanda Ikôla.

II Kolindo 6:17

Ngana muène uixi, dingi: Uila kiki, Tundenu mu mundu uâ, mu di kalele, eme ngi Ngana. Kana kubabata kima kia ufusa, eme nda ngi mi tambulule.

Ngalásia 3:13

Maji Kristu-phe ua tu kula ku mázui ma Kitumu, mu kubiluka mukua mázui bhu kididi kietu. Kuma kiosoneke mu Mikanda: Uoso a mu nhenga ku dikulusu mukua mázui.

Efezo 5:9

Kuma o kuima kua mukengeji ku di monekena mu kubhongolola nzungule ia jimbote, ni kuiuka, ni kidi.

Filipe 1:11

Muime kiavulu ibundu ibundu ia tokala o kuiuka, iijiia kua Jezú Kristu, i bhekela kujingisa ni kuximana Nzambi.

Kolose 2:14

Ua jimuna o mukanda ua makongo etu, a tu kuikile mukonda dia ijila ia Kitumu. Ima ia tu fudisile ua i katula mu njila, o mukanda ua dikongo dietu ua u batela ku dikulusu diê.

Kolose 2:20

Se o Kristu mua fuila-nê kumoxi, jindonda ja mu ngongʼ umu mua ji ehela-ku kiá. O kiki-phe mu alukila-hi dingi ku ima ia mu ngongo, hé mu bhikila o ijila ioio iala ku mi xina o athu?

Kolose 3:3

Kuma enu muafu kiá, muenhu uenu a u sueka ni Kristu kua Nzambi.

Jihebeleu 10:10

Kuma-phe Jezú Kristu ua bhange kioso kia uabhela Nzambi, etu a tu zelesa ku ituxi mukonda dia kilumbu kia mukutu ua Jezú Kristu, kia bhana lumoxi ngó kuabhu.

Jihebeleu 10:5

Uila kiki, Kristu kioso ki eza mu ngongo, u ambela Nzambi, uixi: Eie ku indi jisata, ni maujitu ma ibhaku, maji ua ngi bhangela o mukutu.

Jihebeleu 12:13

Endenu mu jinjila ja kuiuka, phala o kinama kia haxi ki ki sokomoke, inda-xi, kʼiluke.

Jihebeleu 7:26

Mukonda dia kiki, Jezú muène o Nganga ia Dikota tua mu bhindamena. Muène u kôla. Muène ka moneka phulu, ka moneka ufusa. Ua di kalelela ku akua ituxi, iú ua zangalala ku thandu a maulu.

Jihebeleu 9:28

Kiene ue, Kristu kia di lumba lumoxʼ iki kala sata, mu kukatula o ituxi ia mundu. Hádia ua kà tukuluka lua kaiadi, kana dingi mu kufuila ituxi, maji phala kubhulula ió oso ala ku mu kinga muène.

Tiiaku 5:16

Kala kiki, fisalenu mudienu ituxi ienu, mu di diondele mu kusamba, phala a mʼilule. O kusamba kua muthu uaiuka, ku lenda kiavulu mu kukalakala.

I Nzuá 2:29

O kiedi muene Kristu mua mu ijiia kuma muthu uaiuka, mu kʼijiia ue kuma uoso u bhanga ima iaiuka, muène muthu a mu vuala kua Nzambi.

I Nzuá 3:7

Enu, tuana tuami, ki mu ehele muthu ku mi jimbidisa! Uoso u bhanga ima iaiuka, muène muthu ua kuiuka, kala kia iuka muène Kristu.

Dijingunuinu 22:2

ia-lu kunguluka mu kaxi ka nzunga ia mbanza. Ku sàmbua ni sàmbua dia ngiji, kukala mixi ia muenhu, iene mu kuima kuinhi dia kualidade ni kiiadi ia ibundu ku muvu, i bhana ibundu iê mbeji joso. O mafe mê ma uabhela o kusaka akuajixi.