I Phetele 2:20 - O Mikanda Ikola

²⁰ A ki ximana kiebhi, se mua bhange kiaiibha, nʼa mi bhana jihuxi, anga mu xididika? O ki kala-phe mua bhange kiambote, anga mu tala hadi, anga mu xididika, kienhiki, Nzambi u mi bhela-kiu dibesá.

I Phetele 2:20 ပူးပေါင်းရင်းမြစ်များ

Matesu 26:67

Anga a mu ṗhamena mathe mu pholo, a mu bhana jihome. Amoxi a mu bhana jihuxi, exi:

Matesu 5:47

Se mu menekena ngó o jindandu jenu, muila muexi tua bhange-hi? Manhi ni akua matumbu, kejiia Nzambi, kene ue ku ki bhanga?

Marku 14:65

Amoxi-mu anga a kuata ku mu ṗhamena mathe. A mu futa o pholo, anga a mu bhana jihome, exi: Zambulaze uoso ua ku beta! Jifixiiadi anga ji mu tambulula ni jihuxi.

Luka 6:32

Se mua zolo ngó a mi zolo enu, mu kala ni kisakidilu kiahi kua Nzambi? Kuma ni akua-ituxi a zola ue oso a a zolo ene!

I Kolindo 4:11

Tua mu tala hadi katé ni kithangana kienʼ iki, tuedi ni nzala, ni dinhota. Tuedi ni kuzuata o makoza, ni kutambula o kibetu. Tua lémbua o kididi kia kidi bhu tu tunga.

Ngalásia 4:18

O ku di tambulula ni muẋima uambote sé kádia, kiauabha! Maji ki kale thembu joso kiene, kana thembu ngó i ngi kala eme mu ʼaxaxe kenu.

Efezo 5:10

Sotenu kudilonga jinga ioso i uabhela kiambote Nzambi.

Filipe 4:18

Kiki-phe ima ioso i mua ngi tumikisa, nga i tambula, eme ngala na-iu kala ia ngi vudila. Ngezala ni imbamba ia ngi bhekela Epafrodito i mua mu tumu na-iu, kifua mukuâ ni dizumba di nuha kiambote, sata i tambulula Nzambi, i mu uabhela kiambote.

I Phetele 2:19

Kima kiauabha se muthu mukonda dia uôma ua Nzambi u bonga malebhu sé kukala ni kikuma, kabasa muijiia kuila kiene kiandala muène.

I Phetele 3:14

Se enu mua tale hadi-phe mukonda dia kuiuka, mua zediua! Ki mu kale ni uôma ua muthu, ki mu tandanganhe.

I Phetele 3:17

Mbata se kiene kia tu xindi o vondadi ia Nzambi, kota o kutala hadi mukonda dia kubhanga o mbote, kana mukonda dia kubhanga kiaiibha.