I Phetele 2:2 - O Mikanda Ikola

² Muila kala mu anʼ auisu a mi vuala-ke, mu sema jinga o lete ia disanze ia nzumbi, phala ki mu i nua, mu kole muenhu, mu kule.

I Phetele 2:2 ပူးပေါင်းရင်းမြစ်များ

II Samuuele 23:5

Dibhata diami manhi ki kiene ki dia tungiua ku mesu ma Nzambi? Kuma ua te ni eme kikutu ki nangenena, kia jimbuluka mu ima ioso, kiókondeke; ioso ia kubhanduluka kuami, ioso ia mbote i ngʼinda, manhi ki muene u i buingitisa?

Jobe 17:9

Hanji-phe, o ua iuka ua kʼènda o njila iê ni kúbhua uoma, o ua zele maku uia ni ku di bandekeza jinga mu nguzu.

Jisabhu 4:18

Maji o njila ia athu a iuka-phe i di bhanga mukua ni mukengeji ua kimene, uia ni ku di bandekeza mu kuzela katé kuma ki ku zubha o kúkia.

Hozeia 14:5

Eme Izalaiele nga kà mu tekela kala dimume dîa kimene, o muene ua kà buingita kala kitulu mu honga, o jindanji jê ja kʼàia makanga kala musédulu ua muxitu ua Libano.

Hozeia 14:7

Oso a tungile kiá mu kilembeketa kiê a-nda kuvutukila-mu dingi; ene-phe a-nda kutambula dingi muenhu mukuâ ni kiene kufuáfua o tiliku, anga ema ni kubhana itulu kala muvide; o kufumana kuâ a kʼèla kala kia fumana o vinhu ia Libano.

Hozeia 6:3

Jihova-phe tu mu ijiie, tuende ni kujijila jinga ku mu ijiia; mukonda iú uiza, o kuxindumuka kuê mukuâ ni ukielu ua kizuua; ua-nda ku tu zungila mukuâ ni mvula, kala mvula ia isanga i kaiela ku mvula ia kudinji, ienda ni kutekela oxi.

Malakiia 4:2

Maji, phala enu-phe, oso muene mu kuxila Dijina Diami, kua kà mi kiela Dikumbi dia Kuiuka, diene dia kà mi bhekela ubhulukilu, uijiia na-u moxʼa mabhabha mê; enu-phe mua kà tunda, mua kà tuka-tuka mukuâ ni tuana tua ngombe kioso ki tu tunda mu kibhanga kiâ.

Matesu 18:3

Ngi mi ambela kidi, muenhu uenu se u kamba kubiluka, ni mu kale uila mu anandenge, ku mua kà mona kididi mu Utuminu ua Diulu.

Matesu 19:14

Jezú-phe, uixi: Ehelenu tuana, kana ku tu fudisa ku ngi bhiẋila; Mukonda o Utuminu ua Diulu ua ngene ua oso akuâ ni iá.

Marku 10:15

Kidi kiene ngi mi ambela: Uoso u kamba kutambulula o Utuminu ua Nzambi kala kamona ka ndenge, uene ka ka u bokona.

Luka 18:17

Kidi muene ngi mi ambela: Uoso u kamba kutambulula o Utminu ua Nzambi kala kamona ka ndenge, ka kà mona-mu kididi.

Loma 6:4

Kioso kia tu batizalele, a tu fundile-nê kumoxi mu ʼalunga. Kala-phe kia fukunuka Kristu mu ʼalunga mu kutena kua fuma ia Tata, etu uetu tuende kiá uendelu ua muenhu uobhe.

I Kolindo 14:20

Jiphange, kana kuxinganeka kala mu anandenge. Mu iaiibha mu kala mu ana auisu, maji-phe mu kuxinganeka mu kala mu adiakimi.

Efezo 2:21

O mua muène, muene inzu ioso mu ia di sokejeka kiambote, iú ua i bhangesa kukula mú kala tembulu iangene ia Ngana.

Efezo 4:15

Maji tu kale tu athu tua jijila o kuzuela kidi ni muẋima ua henda, o mu ima ioso tu kale mù kudila mua muène Kristu, o mutue uetu.

II Tesalonika 1:3

Etu tua tokala tu sakidila jinga Nzambi mukonda dienu, enu jiphange! Mukonda kia tu fuama muene ku ki bhanga, kuma o kuxikana kuenu kua mu kula dingi kiengi, ni henda ienu i mua di kuatela mudienu iavulu dingi.

I Phetele 1:23

Mbata enu, mukonda dia maka ma Nzambi, ma xalela-ku, muala ni muenhu, muala mu athu a mi vuala dingi, kana ku mbutu ia kumbama ia jitata ji fua, maji ku mbutu ia disanze, ia Tata, ki itena dingi kufua.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.