I Phetele 2:18 - O Mikanda Ikola

¹⁸ Enu abhika, beleselenu jingana jenu ni uôma uoso; kana ngó iá a kala athu a mbote, a tetuluka, maji katé ni iá a thathamana.

I Phetele 2:18 ပူးပေါင်းရင်းမြစ်များ

Jisálamu 101:4

Muẋima uadianguka nguami na-u; o ima iaiibha ki ngandala ngó ku ijiia.

Jisabhu 10:32

Mizumbu ia muthu ua iuka, iezala ni ima iambote; dikanu-phe dia isuéia, diezala phulu mu phulu.

Jisabhu 11:20

Athu a kala ni xidi ia muẋima. Jihova a mu ibhila kiavulu; oso-phe emana nzanza mu uendelu uâ, ene ku mu uabhela kinéne.

Jisabhu 3:32

Kuma Ngana ua di-zemba ni athu abhukumuka, maji o kikutu kiê u ki jituina athu oso aiuka muẋima.

Jisabhu 8:13

Uoma ua Jihova, o kueha kia ibha; nga di zemba ni ukumbu, ni izala, ni uendelu uaiibha, ni dikanu dizuela isunji.

II Kolindo 10:1

Kiki eme muène, ngi Phaulu, ngene mu kuila ngixi ngi mulenduki, ngi mutululuki ki ngi kala bhu mbandu ienu, maji ngi muẋinuki ki ngi kala dikanga, nga mi bhingi phe kiki: Nga mi bhingi mu kulenduka ni henda ia Kristu, kuila,

Ngalásia 5:22

Maji o ibundu iima o Nzumbi-phe, henda, ngalasa, kutululuka, kuxididika, kulenduka, kubhanga mbote, kukala fiiele,

Tito 3:2

A tangele kuila kana kuâmba muthu uoso-uoso, kana kulokalala, kikale a lenduke, a kale athu ambote, athu oso ende-nâ ni kubelesela.

Tiiaku 3:17

Maji o unjimu-phe u tunda bhulu, u dianga kuzela, anga u tululuka, u lenduka, u bhekela ukamba. Uene u vula kukuatela henda, u bhekela kubhongolola ibundu ia ibhangelu iambote. Ki u moneka katungu, mba u kala ni mangonha.