I Phetele 2:1 - O Mikanda Ikola

¹ Uila kiki-phe, ehenu o usueia uoso, ni makutu, ni mangonha, ni luma, ni kabódio, ka kulongolola athu.

I Phetele 2:1 ပူးပေါင်းရင်းမြစ်များ

Jobe 36:13

Athu a ibha mixima, a di bhakela nzungule ia njinda ku thandu diâ; kia-nda kuila Nzambi ua a kutu mu jingidinhá, a lémbua kudikola phala ku a kudila.

Jisálamu 32:2

Ua zediua uoso kala dingi ni mulonga kua Ngana, ku muẋima ki ku mu xala makutu.

Jisálamu 34:13

Aiuka! dimi dié ki di kale ni phulu, o mizumbu ié ki i tange makutu.

Jisálamu 37:1

Ku kale mu jiphata mukonda dia iá a bhanga kiaiibha; kuile uixi a lunguʼá akua kubhanga phulu,

Jisálamu 73:3

Kuma phata ia ngi kuatele ia iá abhumu, mukonda dia kumona o isuéia kubhanduluka.

Jisabhu 14:30

Muẋima ua batama, ubhekela kudisanza mu mukutu; maji o dixinga-phe, di bolesa ifuba.

Jisabhu 24:1

Ku kale ni dixinga dia akua-phulu, kuinde ue kukala-nâ bhuamoxi.

Jisabhu 24:19

Ku kale mu jiphata, ki u mona athu ala kubhanga o phulu; kukale ni dixinga dia athu a bhumu.

Jisabhu 3:31

Ku kale ni luimbi lua kiiala kia hame; kana ku sola hoka iosoioso ia tokala ku mauendelu mê.

Izaía 2:20

Mu kizuua kieneʼokio, o muthu ua kà takuila ku jiphukulu ni ku madima o iteka iê ia phalata ni iteka iê ia ulu, ia bhangele phala ene ku i diundila.

Izaía 30:22

Divunga dia iteka ié ia phalata, dianda ku ku iibhila kiá, o divunga dia iteka ié ia ulu ua kuzunza, eie ua-nda ku di kita dixidilu; ua-nda ku di texe kala ditele, ua-nda ku i tangela mu kimoxi-kimoxi, kuila: Tu-nda bhabha.

Matesu 15:7

Muala ni kàdia. Kidi kia Izaia, kia mi tange, uixi: Nzambi uambe:

Matesu 23:28

Enu uenu kiene ki muala! Ku kanga athu a mi mona kuma mua iuka, moxi-phe muezala mangonha ni úsueia, ni ituxi ioso.

Matesu 24:51

Anga u mu bhana kibetu kiavulu, u mu bhana kididi ni akua mangonha. Kuene kuà kala o kudila ni ku di kokota ku mazu.

Matesu 7:5

Kamangonha! Dianga hanji kukatula o kimuẋi mu diesu dié eʼ muène, nda u mone kiua kukatula o kakisoso mu diesu dia mukuenu.

Marku 12:15

Muène-phe kuma uejiia o makutuʼa, uixi: Mu ngi bhombela-hi, phala ku ngi kuata mu kizuelu kiami eme-muène? Ngi tambuisienu denádia, ngi di mone.

Luka 11:44

Lamba dienu! Kuma mua di fangana jimbila ki ja moneka ku mesu, athu ka kʼ ijiia, endela ku thandu diê.

Luka 12:1

Bhu ʼaxaxiʼabha, kia di bhongolola o kifuẋi kia jimidi ja athu, katé kia kala mu ku di diota, Jezú u kuata kuambela o jixibulu jê, uixi: Alukenu o kithûthume, kia ulongelu ua jifalizeu, mukonda dia umbomboku-mbodi uâ.

Luka 6:42

U tena kiebhi kuambela phangiʼé uixi: Phangiʼami, izá ngi ku katule kisemu mu diesu, eiʼmuène ua lémbua kumona o thùnga iala mu diesu dié eiʼmuène? U mukua makutu! Dianga hanji kukatula o thùnga mu diesu diéʼmuène, u mone kiua kiambote kukatula o kisemu mu diesu dia phangiʼé.

Nzuá 1:47

Jezú kia mono Natanaiele ua-la mù kuiza ko-kué, uixi: Talenu! Muthu ió mukua Izalaiele ua kidi, moxi diê kene ni kádia!

Loma 1:29

Ezala ni kubhukumuka, ni usueia, ni luimbi, ni phulu; ezala ni dixinga, ni ujibhanganga, ni jimvunda, ni makutu, ni mahanha.

I Kolindo 14:20

Jiphange, kana kuxinganeka kala mu anandenge. Mu iaiibha mu kala mu ana auisu, maji-phe mu kuxinganeka mu kala mu adiakimi.

I Kolindo 5:8

Uila kiki, tu bhangienu o fesa ia Phasu ietu, kana ni mbolo ia kifulu-fulu kiokulu, o kifulu-fulu kia ituxi ni jiphanda, maji ni mbolo ja hangala, o mbolo ja kuiuka ni kidi.

II Kolindo 12:20

Kuma ngala ni héle, sumba ku matelu-matelu, hinu ki ngi mi sanga, ki mu kala uila ki nga mi mesena kukala, eme uami ki ngi kala uila ki mua ngi mesena kukala. Ngala ue ni hele, sumba ku matelu-matelu hinu nga kà sanga jimvunda ni madixinga, kizembu ni luimbi, makulokalala, kutangelela, ukumbu, ni jikavuanza.

Efezo 4:31

Ni kulula kuoso, ni kunônga, ni kutema, ehenu-ku. Kana kukuata kuhoia-hoia, ni kulokalala. Kana kukala ni unguma.

I Tesalonika 2:3

Kuma o kulonga kuetu ki ku tundu mu kutondala, ki kua ufusa, mba kua makutu mu kusota kunganala muthu uoso-uoso, lémbua.

I Timote 3:11

Ahatuʼâ ue ki bhinga a kala jifiiele, ka kale ni jimbuèmbue. A kale ku mesu a zele, a kumbidile jinge mu ima ioso.

Tito 2:3

Ambela ue adiakimi a ahatu kuila ende ni ujitu, ua fuama athu ala ni muenhu uazele. Ka kale ni kabódio, ka kale mu ubhika ua kunua vinhu iavulu. Maji a kale mú longa jinga ima ia mbote,

Jihebeleu 12:1

Mukonda dia kiki, etu a tu bhake bhu ʼaxaxe kuala kifuẋi kionéne kia jimbangi javulu. Tu tudienu ioso i tu lalamesa, ni kituxi kioso kia tu naminina, tu lengienu ni kukolokota o dikanga dioso dia tu kala ku pholo.

Tiiaku 1:21

Uila kiki, ambulenu o ifua ioso ia ufusa, ni uendelu uoso uaiibha. Mu tambule ni kubelesela o maka a Nzambi a mi kunu ku miẋima ienu, maka a tena ku mi bhulula o mienhu ienu.

Tiiaku 3:14

O ki kala-phe enu mu kala ni difutu, ni kulula, ni kudiuabhela kia ngó enu-enu mu miẋima ienu, ki mu di ximane-phe, ki mu kale mu kuta makutu.

Tiiaku 4:11

Enu, jiphange jami, ki mu kale mu ku di âmba mudienu. Uoso u âmba phangʼiê, mba phangʼiê u mu fikila, uambe o Kitumu, ua fikila o Kitumu. O ki uila Kitumu u ki fikila, kualé dingi u mubhangi a Kitumu, maji u mubatuidi a milonga.

Tiiaku 4:5

Inga mua fika kuma o Madivulu Makôla ma ki zuela ngoho, kuila: Nzumbiʼoio, a mu ta Nzambi moxi dietu, ua tu indi ni difuba.

Tiiaku 5:9

Enu jiphange, ki muende ni kudilongolola mudienu, phala enu-enu Nzambi ka mi belese. Talesenu, Mufundixi ua zukama, iú kiá bhu muelu phala kuiza.

I Phetele 2:16

Kia di kalela mu jifôlo, ufolo uenu ki u kale divunga dia kusueka usueia, maji mu kala-phe mu abhika angene a Nzambi.

I Phetele 2:22

Muène muthu ka tele kituxi, mu kanu diê ki mua monekene makutu.

I Phetele 3:10

Kuma o Mikanda Ikôla iambe, iexi: Muthu uebhi uendi u kola muenhu, nʼa mone izuua ia mbote, dimi diê ka di ehele ku phulu, o mizumbu iê ki i tange makutu.

I Phetele 4:2

Kala kiki, o thembu ienu ia mi xala-ku mu xitu, ki mu ende dingi mu jihânji jaiibha ja athu, maji kiá mu vondadi ia Nzambi.

I Phetele 4:4

O kiki-phe akua mundu a mi diuana, hé a kala mu ku mi tobhesa ni ku mi lebhula, kioso enu ki mu kamba kudibunda-nâ mu muenhu uâ ua ufusa ni kudianguka.

Dijingunuinu 14:5

Mu kanu diâ ki mu moneka makutu. Kene ngó ni kisemu bhu pholo ia kiandu kia Nzambi. Athu muene a tenena!