I Phetele 1:8 - O Mikanda Ikola

⁸ Sumbala Kristu muene kiluua mu mu mona, maji mua mu zola. Sumbala kiki ki mua mu mono, maji mua mu xikana. Kienʼ iki, enu mua sanguluka kiavulu ni ngalasa ki i ẋikina ku tanga, ngalasa iavulu o uuabhelu.

I Phetele 1:8 ပူးပေါင်းရင်းမြစ်များ

Mukumbi ua Mikumbi 1:7

Ngi tangele-phe hanji, eie kaiala a kuzola kuala o muenhu uami: Kuebhi kua mu dila o kilunga kié? O mu kaẋi ka muanha uatu, o kilunga kié ki nhohena kuebhi? Phala ki ngi kale mu kunhunganena ngó bhu mbandu, a ilunga ia akuenu.

Mukumbi ua Mikumbi 5:16

O uzuelelu uê u touala, ni uene nzué! Amah! Kidi muene! Nanhi u kamba ku muʼinda, ua uabha kiki! Kienʼiki kiala kazola kami, kienʼiki kia kala muadi uami, tata! enu anʼa ilumba mu Jeluzaleme!

Mukumbi ua Mikumbi 5:9

Kazola ké uala nʼihi ia tundu, akuá oso nʼa kala ndenge eie kahetu ka kime, ua beta kota mu kuuabha muʼaxaxi ka ahatu ni akuenu? Kazola ké uala nʼihi ia tundu, akuá oso nʼa kala ndenge, eie kahetu ua mu tu lokela kiki?

Matesu 10:37

Uoso u zola tatʼâ mba mamʼâ, eme ni ngi mu kale ndenge, ió ka ngi tokala eme. Uoso u zola monʼ ê ua diiala mba ua muhatu, eme ni ngi mu kale ndenge, ka ngi tokala eme.

Nzuá 14:15

Jezú uixi dingi: Se mua ngi zola, alukenu o ijila iami.

Nzuá 14:21

Uoso ua kuata o ijila iami, anga u i aiuka, muène muthu ua ngi zola. Uoso-phe ua ngi zola, Tata iami u mu zola, eme ngi mu zola, ngi di tukulula kua mùene.

Nzuá 14:24

Uoso ua kambe ku ngi zola, kʼ aiuka maka mami. O maka-phe u muala kuívua, ki mami eme, kana; maji ma Tata ió ua ngi tumu.

Nzuá 16:22

Kiene kimoxi ni enu, kindala muala hanji ni malamba. Maji hinu-phe ngi mi mona dingi. Kienhókio miẋima ienu ia kà kala mu kutana, o kutana kuenu kana muthu utena ku mi katula-ku.

Nzuá 20:29

Jezú uixi: Mukonda ua ngi mono, eie ua xikana? A zediua oso ka ngi mono, maji a xikana.

Nzuá 8:42

Kuala Jezú: Se Nzambi ua kexile Tata ienu, enu mueju ngi zola eme, mukonda kua Nzambi kuene ku nga tundu. Ki eme ngó nga dʼ ijila, maji Nzambi muène ua ngi tumu.

Jipoxolo 16:34

Anga u bheka Phaulu ni Sila mʼ onzo iê, u a zalela meza, hé u sanguluka kiavulu ni dibhata diê dioso, kuma a xikana Nzambi.

Loma 14:17

Kuma o Utuminu ua Nzambi ki ua kudia ni kunua, maji ua kuiuka, ni kutululuka, ni kusanguluka ku bhana o Nzumbi Ikôla.

Loma 15:13

O kiki Nzambi mukua ku tu bhana o kudielela, a mʼ izalese ni ngalasa ni paze, mu kuxikana ku mua mu xikana Muène, phala o kudielela kuenu kuende ni kukula dingi mu nguzu ia Nzumbi Ikôla.

I Kolindo 16:22

Se bhu kala muthu ua kambe o kuzola Ngana, a kale muthu a mu bhubhidila! Malanata—Ngana ietu ʼza kiá!

II Kolindo 1:22

uedi ni ku tu ta kidimbu, ni ku tu bhana diẋîkina dia Nzumbi iê ku miẋima ietu.

II Kolindo 12:4

O kuenioko anga u ivua ima ki i xikina ku i lombolola mu maka, ima i kola ki i xikina ku i zuela ni mizumbu ia muthu.

II Kolindo 4:18

Mukonda etu ki tu kala mu suua ima ia moneka ku mesu, maji o ima ia kambe kumoneka. Kuma o ima ia moneka ku mesu i nanga ngó kathangana, maji o ima-phe ia kambe kumoneka, iene i xalela-ku.

II Kolindo 5:7

Mukonda tua laiela mu kuxikana, ki tua mu laiela mu ioso i tu mona.

II Kolindo 9:15

Tu sakidilienu Nzambi mukonda dia henda iê ku i tanga ki i xina.

Ngalásia 5:22

Maji o ibundu iima o Nzumbi-phe, henda, ngalasa, kutululuka, kuxididika, kulenduka, kubhanga mbote, kukala fiiele,

Ngalásia 5:6

Kuma kioso ki tu kala mu umoxi ni Kristu Jezú, ki u kala a ku saie, ki u kala ka ku saie, kiene kioso ki kia kate kima; kia kate-ku o kuxikana ku kalakala ni henda.

Efezo 3:19

ni kuijiia o henda ia Kristu ia tundu o kuijiia kuoso, ni mu kale ni kuizala ni kuizala kuoso kua Nzambi.

Efezo 6:24

Ku kale kiadi kua ene oso a zola Ngana ietu Jezú Kristu, ni henda ia kambe o mangonha.

Filipe 1:25

Sai-phe kudielela ku ngala naku, kua ngʼ ijidisa kuma nganda kuxala, ngi xikama hanji ni enu oso, mu ku mi bheka dingi ku pholo, ni ku mi bhekela kusanguluka mu kuxikana.

Filipe 3:3

Kuma o kusaia kua kidi, etu tuala na-ku, tu akua kubheza Ngana ni Nzumbi ia Nzambi, ki ene, kana! Kuma etu o kujinga kuetu kuala mu kudituma ni Kristu Jezú. Ki tu dielela kima ki bhanga athu ku kanga mu xitu.

Filipe 4:4

Enu-phe, sanguluka jingʼ enu mua Ngana. Ngi tona o ku ki zuela: Sangulukenu!

Jihebeleu 11:1

O kuxikana-phe ku ijidisa ima i tua dielela, ku idikiza ima kiluua i moneka.

Jihebeleu 11:27

Kiejila mu kuxikana, Mozé kia tundu mu Ijitu, njinda ia sobha ka i lenge. Anga u kolokota ni ufiiele kala uala ku mona Nzambi, ió ka moneka ku mesu.

I Phetele 1:6

Mukonda dia kiki, mua fuama mu sanguluka, sumbala kiosuʼiki kua bhingi mu di kuata mukondo, mukonda dia malamba ma vudila-ku, u muala kubhita na-u.

I Phetele 2:7

O ditadi didi dia te kiavulu, phala enu oso mua xikana. Maji phala ió a kambe kuxikana: Ditadi dia ditunu o jimesene kuila ki di uabha, dia biluka diene dia kuatesa bhu thungi.

I Phetele 5:4

Kioso o Mubhidi ua Dikota-phe kia kà tukuluka, mu tambule kitundu ki kia kà lela dingi.